%Vīṇāśikhatantra %ed. T.Goudriān %Delhi, 1985. oṃ namo mahābhairavāya 1ab: kailāsaśikhare ramye nānāratnopaśobhite 1cd: nānādrumalatākīrṇe siddhacāraṇasevite 2ab: tatra devaḥ suraśreṣṭhaḥ krīḍate umayā saha 2cd: stūyamāno mahāsiddhair mahākālādibhir gaṇaiḥ 3ab: ṛṣibhiś ca mahābhāgair bhṛgvādyaiḥ surasattamaiḥ 3cd: teṣāṃ madhye samutthāya devī vacanam abravīt 4ab: śrutaṃ sammohanaṃ tantraṃ tathā nayottaraṃ mahat 4cd: śiraśchedaṃ ca deveśa tvatprasādāt sudurlabham 5ab: vratasādhyāni caitāni yāgasādhyāni vai punaḥ 5cd: anyasārā yato loke prāyo draviṇavarjitāḥ 6ab: ebhyo 'pi cottaraṃ yasmāt kevalaṃ jñānasiddhidam 6cd: sarvakāmapradaṃ deva yathāvad bījapañcakaṃ 7ab: uttaraṃ hṛdayaṃ hy eṣāṃ bhaktāya dātum arhasi śrī īśvara uvāca 8ab: yan na kasyacid ākhyātaṃ śukrādīnāṃ ca yoginām 8cd: subhaktasya vinītasya gopitaṃ vai guhasya ca 9ab: catuḥṣaṣṭiḥ samākhyātāḥ śiṣyās tantreṣu ye mayā 9cd: teṣām api na cākhyātaṃ brahmaviṣṇupuraḥsaraiḥ 10ab: tad ahaṃ sampravakṣyāmi cintāratnam ivāparam 10cd: tantraṃ vīṇāśikhaṃ nāma nirvyājenāśusiddhidam 11ab: devītumburusaṃyuktaṃ vīṇādhārasusaṃsthitam 11cd: śikhāyogena iṣyante tena vīṇāśikhā smṛtā 12ab: yāgam ādau pravakṣyāmi tantrasāraṃ sudurlabham 12cd: tenaiva varadā devyo nityaṃ devi bhavanti hi 13ab: gṛhayāgam idaṃ devi yo jānātīha sādhakaḥ 13cd: vratahomād ṛte cāsmin susiddhiṃlabhate param 14ab: śiṣyāṇām āditaḥ kuryād yāgaṃ kṛtvā parigraham 14cd: nānyathā darśayet tantraṃ na cāsau siddhim āpnuyāt 15ab: caturthyām atha pañcamyāṃ navamyām ekādaśīṣu ca 15cd: grahaṇe vāpi kartavyā sarvadā cārkasomayoḥ 16ab: caturthyāṃ yajanaṃ śreṣṭhaṃ saubhāgyakaraṇaṃ mahat 16cd: śrīkāmo yajanaṃ kuryāt pañcamyāṃ susamāhitaḥ 17ab: saṃgrāme vijayārthī vā pararāṣṭravimardanam 17cd: navamyāṃ pārthivaṃ yāgaṃ kurvīta bhaginīpriyam 18ab: ekādaśyāṃ yajed yas tu śivaloke mahīyate 18cd: sugupte nirjane deśe saridvāpītaṭe 'pi vā 19ab: kṛtvādau bhūmisaṃśuddhiṃ sāvitryā deśikottamaḥ 19cd: kṛtvā pūjāṃ prakurvīta śiṣyāṇām adhivāsanam 20ab: carukaṃ sādhane paścāt sāvitryā dāpayed budhaḥ 20cd: śiṣyāṇāṃ dantakāṣṭhaṃ ca sakṣīraṃdvādaśāṅgulam 21ab: ācamya śiṣyam āhūya pañcatattvapariṣkṛtam 21cd: sāvitryā prokṣayed bhūyas tattvajaptaṃ yathoditam 22ab: pramārjayetkuśāgreṇa tasyāṅgāni samālabhet 22cd: ālabhyaiva tu sāvitryā kṣālayet sakalaṃ kramāt 23ab: yāgabhūmau svaśiṣyāṃs tu svapec ca kuśasaṃstare 23cd: rakṣāṃ sadā śatair bījaiḥ kṛtvā dhyātvā ca tāḥ kramāt 24ab: tataḥ prabhāte vimale mukhaṃ prakṣālya sādhakaḥ 24cd: iṣṭāniṣṭāṃ gurau ceṣṭāṃ praṇipatya nivedayet 25ab: iṣṭāniṣṭān viditvā tu deśikaḥ sādhakasya tu 25cd: ādau deśe same bhūmau vivikte śalyavarjite 26ab: maṇḍalaṃ saṃlikhet prājño yathāvad vidhipūrvakam 26cd: caturhastaṃ caturdvāram athavā caikahastakam 27ab: maṇḍalam saṃlikhed divyam śālicūrṇena sūjjvalam 27cd: tatra madhye likhet padmaṃ catuḥpattraṃ sakarṇikam 28ab: śvetāsṛ kpītakṛ ṣṇāni kamalasya dalāni tu 28cd: prāg ārabhya yathānyāyaṃ saumyeśāntāni lekhayet 29ab: karṇikāṃ ca tathā madhye śabalāṃ deśikottamaḥ 29cd: caturmūrtiṃ caturvarṇaṃ svena bijena tumburum 30ab: caturvarṇam īśvaraṃ dhyāyen niviṣṭam karṇikodare 30cd: tataḥ sitāṃ svabījena jayāṃ prāgdale vinyaset 31ab: bandhūkakusumaprakhyāṃ vijayāṃ dakṣiṇe dale 31cd: svacchacāmīkaraprakhyām ajitāṃ paścime dale 32ab: bhinnāñjanacayaprakhyām uttare cāparājitām 32cd: vinyasya pūjāṃ kurvīta svaiḥ svair bījair yathākramam 33ab: puṣpadhūpaiś ca balibhir yathākālāntaraiḥ śubhaiḥ 33cd: sadvitānapatākāḍhyaṃ sragmālālaṃkṛtaṃ puram 34ab: pradīptadīpakair dikṣu samantād avabhāsitam 34cd: nānābhakṣyānnapānaiś ca svādubhir vyañjanais tathā 35ab: phalair nānāvidhaiś caiva paritaḥ paryavasthitaiḥ 35cd: kalaśair vāripūrṇaiś ca daśadikṣu vyavasthitaiḥ 36ab: cūtapallavasaṃvītaiḥ sragmālālaṃkṛtaiḥ śubhaiḥ 36cd: evaṃ yaṣṭvā yathānyāyaṃ śiṣyān āprokṣya vāriṇā 37ab: sāvitryā mukham āsādya vāsasā sakalīkṛtān 37cd: svaiḥ svair bījair nyaset puṣpān śiṣyāṇāṃ karayor dvayoḥ 38ab: jayāt praveśayen māyāṃ maṇḍalaṃ deśikottamaḥ 38cd: praveśya tatra śiṣyaṃ tu dvitricatuḥpañca eva vā 39ab: tato 'gnikāryaṃ kurvīta maṇḍalāt paścime bahiḥ 39cd: ullikhyoddhṛtya sāvitryā kuśān saṃstīrya sarvataḥ 40ab: astrabījena cābhyukṣya gandhatoyena deśikaḥ 40cd: vahnim ādāya tenaiva sāvitryā pūjayet tataḥ 41ab: tatas tattvatrayaṃ nyasya vahner evayathākramam 41cd: niruddhamāyātasmāttam aṅkuśena nirodhayet 42ab: māyayācchādayet paścād astreṇaiva prabodhayet 42cd: homadravyasya sarvasya kuryāt tenaiva śodhanam 43ab: tataś ca sarpiṣo homaṃ vidhivat kārayed budhaḥ 43cd: svabījair eva tad dhutvā dīkṣāṃ śiṣyasya kārayet 44ab: saṃyojya vidhivad bījair mahābhūteṣu pañcasu 44cd: sakale tattvaṃ saṃyojya pariṣṭhāpya pare 'dhvani 45ab: niyoktavyaṃ tatas tatra yatrāsavāṃsvaraparam? 45cd: eṣā dīkṣā ya thānyāyaṃ bhuktimuktiphalapradā 46ab: tair eva pañcabhis tattvaṃ sakale sakalātmikā 46cd: niṣkale niṣkalā proktā sādhikārādhvanaḥ purā 47ab: dīkṣayitvā tataḥ śiṣyān sādhikārapare sthitān 47cd: abhiṣicya svabījais tu bījān tebhyaḥ pradāpayet 48ab: nivedya samayān tasya hṛnmudrāṅgulidarśanāt 48cd: anujñāṃ sādhakendrasya tasya dadyān mahātmanā 49ab: tataḥ svavidyānaivedyaṃ bhakṣayet sādhakottamaḥ 49cd: devyaḥ prītā bhavanty eva avaśiṣṭaṃ jale kṣipet 50ab: ācāryaṃ pūjayed bhaktyā sarvasvenāpare vidhā ? 50cd: praṇāmaiḥ śaktidānaiś ca yena vā tuṣyate guruḥ 51ab: sragvī sitoṣṇīṣī caiva sarvālaṃkārabhūṣitaḥ 51cd: uccāsanasthaḥ prāgvaktraḥ kalpayet koṣamaṇḍale 52ab: gośakṛdbhasmaliptas tu śucau janavivarjite 52cd: susame bhūmideśe tu prastāraṃ prastarec chuciḥ 53ab: caturasram ataḥ kṛtvā prastārarekham ujjvalam 53cd: kuryād ekonapañcāśat koṣṭhakān tu samān śubhān 54ab: śatārdhārdhāsanāsīnaṃ pañcavargāntabindukam 54cd: śikhāsambhinnamūrdhāntaṃ kaṣākhyaṃ madhyakoṣṭhake 55ab: vidigdikṣaṃsthakoṣṭheṣu tatpārśve bahir aṣṭasu 55cd: yaśavargān nyased deviaiśānyādiṣu tatkramāt 56ab: āgneyādiṣu koṣṭheṣu napuṃsakacatuṣṭayam 56cd: aiśānyādikramād devi bījadvādaśakaṃ nyaset 57ab: tṛtīyapaṭktikoṣṭheṣu caturthe pañcaviṃśakam 57cd: aiśānyādiṣu koṣṭheṣu bījāni kramaśo nyaset 58ab: prastāram evaṃ prastārya svaravarṇaṃ ca śobhane 58cd: bījaṣoḍaśakaṃ caiva proddharet tu yathākramam 59ab: kādipaṭktiṃ purākṛtya kramād vyastasamastakam 59cd: koṣṭhaikādaśabījena saṃyuktaṃ pañcaviṃśakam 60ab: ātmatattvam iti khyātaṃ vidyākhyaṃ catustriṃśakam 60cd: śivatattvaṃ tu deveśi triṃśakoṣṭheṣu saṃyutam 61ab: tattvatritayam etad dhi nyāsaṃ ca samudāhṛtam 61cd: binduyuktāny aśesāṇi nyastavyāni yathākramam 62ab: atra-siddhiḥ sthitā devi vijñeyā sādhakottamaiḥ 62cd: pañcaviṃśatikoṣṭhasthaṃ prathamaṃ bījam ucyate 63ab: dvisaptakoṣṭhakaṃ bījaṃ dvitīyaṃ samudāhṛtam 63cd: tṛtīyam aṣṭakoṣṭhasthaṃ binduyoniḥ caturthakam 64ab: caturviṃśatikoṣṭhasthaṃ pañcamaṃ bījam ucyate 64cd: bījāni devadevīnāṃ nirṇītāni yathākramam 65ab: kālabaddhānilair bījaiḥ kalāyatheṣṭhayā yutam [em. Sanderson: kālavahnyanilair bījaiḥ kalayā ṣaṣṭhayā yutam] 65cd: ardhendu binduśikhayā saṃnibhāni krameṇa tu [em. Sanderson: ardhendubinduśikhayā saṃbhinnāni yathākramam] 66ab: bījapañcakam uddhṛtya kathitaṃ devi te kramāt 66cd: kūṭasthās tu smṛtā bījāḥ pañca caiva varānane 67ab: bījapañcakam abhyasya sarvakāmaphalapradam 67cd: yajanaṃ sampravakṣyāmi sarvasiddhipradāyakam 68ab: karasaṃskāram ādau tu kṛtvānena krameṇa tu 68cd: vakṣyamāṇena cānena digbandhaśodhyam eva hi 69ab: saṃhārāstreṇa digbandhaḥ prāṇāyāmapuraḥsaraḥ 69cd: prāṇāyāmais tribhir devi ātmānaṃ tu viśodhayet 70ab: niṣkramya recayed vāyuṃ navaṃ cākṛṣya pūrayet 70cd: nirodhe kumbhakaḥ proktaḥ prāṇāyāmaṃ prakīrtitam 71ab: dhyātvā kālāgnibījaṃ tu yugāntānalasaprabham 71cd: nyaset pādatale mantrījvālāmālākulaṃ mahat 72ab: nirdahec cātmadehaṃ tu vāriṇāplāvayet tataḥ 72cd: dagdhvā tu prākṛtaṃdehaṃ bhasmakūṭam iva sthitam 73ab: tataś cāmṛtadhārābhir vidyādehaṃ vicintayet 73cd: sravantaṃ mūrdhni paramaṃ praṇavaṃ ca adhomukham 74ab: vāruṇāmṛtasaṃyuktaṃ śuddhasphaṭikanirmalam 74cd: kaṣākhyaṃ yat smṛtaṃ bījaṃ rephadvayasamāyutam 75ab: adha oṃkārasaṃyuktaṃ ūrdhvaṃ bindukabhūṣitam 75cd: anenaiva tu bījena śikhayā bhinnamastakam 76ab: dhāraṇāyogamārgeṇa nirdahet sādhakottamaḥ 76cd: dehaṃ saṃśodhayen mantrī ghorapāpaṃ tu kalmaṣam 77ab: nyāsam ālabhanaṃ kuryād bhaven mantrātmavigrahaḥ 77cd: digbandhabhūmiṃ saṃśodhya cakraśuddhyartham eva ca 78ab: saṃhārāstreṇa kurvīta vighnoccāṭanam eva ca 78cd: hastau saṃśodhayet paścād vidhir eṣa prakīrtitaḥ 79ab: kṛtvā tu vidhivan mantrī tataḥ karma samārabhet 79cd: āmaṇibandhanāt pūrvaṃ bharamākhāś ? ca vinyaset 80ab: aṭguṣṭhādikaniṣṭhāntaṃ nyased vai bījapañcakam 80cd: aṭguṣṭhād ye tu ye parvā karayor ubhayor api 81ab: ātmatattvaṃ nyasenmūrdhni vidyātattvaṃ dvitīyake 81cd: śivaṃ dadyāt tṛtīyeṣu sarvasiddhiṣu bhāmini 82ab: adhastād ātmatattvaṃ tu vidyātattvaṃ tu madhyataḥ 82cd: śivatattvaṃ nyasen mūrdhni haste dehe punaḥ kramāt 83ab: evaṃ tattvatrayaṃ nyasya tathā kūṭākṣarāṇi tu 83cd: bhūyaś cottarabījāni vinyaset tu varānane 84ab: astraṃ caiva tu vinyasya visphuliṭgasamaprabham 84cd: māyayācchādayitvā tu aṭkuśena nirodhayet 85ab: yonimudrāṃ tato baddhvā kuryāt [tu] sakalāṃ tanum 85cd: etad ālabhanaṃ caiva tava devi prakīrtitam 86ab: aṭguṣṭhau grathitau kṛtvā karayor ubhayor api 86cd: tarjanīṃ vāmahaste tu prasāryākuñcayed budhaḥ 87ab: eṣā nirodhanī proktā mudreyam aṭkuśasya tu 87cd: vaśyākarṣaṇakāryeṣu prayojyā sādhakottamaiḥ 88ab: tarjanī madhyamā caiva anāmā dakṣiṇasya tu 88cd: vāme trīṇi samākramya aṭguṣṭhau ca susaṃsthitau 89ab: adhastāt sarvataḥ proktā dakṣiṇā tu kaniṣṭhikā 89cd: tarjanyaṭguṣṭhayor madhye yonimudrā prakīrtitā 90ab: ādyaṃ mūrdhni tato bījaṃ dvitīyaṃ mukhamaṇḍale 90cd: kaṭyūrdhve ca tataś cānyaṃ caturthaṃ jānutaḥ kaṭim 91ab: āpādajānunī cānyaṃ prasṛtaiś ca karaiḥ kramāt 91cd: evaṃ bījena dehas tu mucyate nātra saṃśayaḥ 92ab: vajropalamahāvarṣaṃ coradaṃṣṭrībhayāvaham 92cd: mucyate ca sadā rogair mṛtyurūpair durāsadaiḥ 93ab: ahigaraviṣaśastrajvarakuṣṭhakṣayādibhiḥ 93cd: mucyate nātra saṃdeho yo 'pi syāt pātakī naraḥ - 94ab: upalipya śubhe deśe pracchanne janavarjite 94cd: pūrvavad dhastamātraṃ tu likhitvā maṇḍalaṃ śubham 95ab: catuḥpattraṃ tu tatrābjaṃ sarvavarṇitakarṇikām 95cd: sitaraktapītakṛṣṇāṃ pūrvādidalasaṃsthitām 96ab: jayādyaṃ vinyasen mantrī tumburuṃ karṇikopari 96cd: padmāsanopaviṣṭaṃ tu varadānodyatakaram 97ab: caturvaktramaṣṭabhujaṃ catuṣkāyaṃ trilocanam 97cd: nāgayajñopavītaṃtu śūlapāṇiṃ gadādharam 98ab: mukuṭena vicitreṇa śaśāṅkadhṛtaśekharam 98cd: śaktīnāṃ tu priyaṃ devaṃ pāśāṅkuśakaraprabham 99ab: divyāmbarātapatreṇa divyasragbandhalepanam 99cd: devadevaṃ sadā dhyāyet sūryakoṭisamaprabham 100ab: kṣīrodaphalasaṃkāśāṃ vyāghrayajñopavītinīm 100cd: pretārūḍhāṃ caturvaktrāṃ gadākheṭakadhāriṇīm 101ab: divyāmbarātapatreṇa hārakeyūrabhūṣitām 101cd: devadevīṃ jayāṃ dhyāyed dīpyamānāṃ svatejasā 102ab: devasyābhimukho mantrī sasmitotphullalocanām 102cd: dāḍimīkusumaprakhyāṃ suragopakasaprabhām 103ab: cāpodyatakarāṃ ghorāṃ matsyamāṃsasurāpriyām 103cd: ulūke saṃsthitāṃ devīṃ hārakeyūrabhūṣitām 104ab: raktāmbarātapatreṇa vijayāṃ siddhidāṃ smaret 104cd: dhātucāmīkaraprakhyāṃ pītamālyāmbarapriyām 105ab: ghaṇṭākhaṭvāṅgadharīṃ devīm aśvārūḍhāṃ mahābalām 105cd: sūryāyutapratīkāśīṃ sarvābharaṇabhūṣitām 106ab: jayantīṃ dhyāyati kṣipraṃ siddhim āpnoti puṣkalām 106cd: bhinnāñjanasamaprakhyāṃ śarvarītimiraprabhām 107ab: kṛṣṇakauśeyasaṃvītāṃ muktikāmaṇibhūṣitām 107cd: divyaṃ vimānam ārūḍhāṃ gadākheṭakadhāriṇīm 108ab: mahārāvādinirghoṣaiś cintayed aparājitām 108cd: gāyatrīṃ vā japantīṃ ca sphāṭikamaṇibhūṣitām 109ab: ṛgyajussāmātharvākhyaṃ gāyantīṃ vā tathaiva ca 109cd: sāvitrīṃ divyarūpāṃ tūpaniṣadgāyane ratām 110ab: devīnām agrasaṃsthaṃ kṛtabhṛkuṭimukhaṃ cintayed aṅkuśākhyaṃ 110cd: sampṛṣṭhe cāstrarājaṃ prakaṭitasumahāsṛkvaṇīlelihānam 110ef: saṃkruddhaṃ bhīṣayantaṃ nararudhiravasādigdhadāntākalālaṃ [lacuna] 111ab: evaṃ dhyātvā viśālākṣi tataḥ pūjā pravartate 111cd: bhakṣyabhojyavidhānaiś ca gandhapuṣpādibhiḥ kramāt 112ab: pūjayet kūṭamadhyasthaṃ tatra madhye vidhānataḥ 112cd: bhūr evāyaṃ pādapadmair hṛdi vāmakare 'thavā 113ab: manasā pūjayen nityaṃ siddhikāmaḥ samāhitaḥ 113cd: mahāśaṅkhamayaṃ kuryād athavā kacchapasya tu 114ab: sauvarṇaṃ rajataṃ tāmraṃ kulaṃ bhavati siddhidam 114cd: gandhamaṇḍalake vāpi athavā bhasmamaṇḍale 115ab: siddhārthamaṇḍale vāpi athavā hṛdi maṇḍale 115cd: kusumbhamaṇḍale vāpi puṣpamaṇḍalake 'pi vā 116ab: nāgakeśarajobhir vā likhitvā maṇḍalaṃ śubham 116cd: muktidā siddhidā hy evaṃ bhavantīty avicāraṇāt 117ab: sampūjya ca yathānyāyaṃ gandhapuṣpādi yojayet 117cd: darśayed yonimudrāṃ tu kāle karmāṇi kārayet 118ab: samutpanneṣu kāryeṣu prāṇadraviṇahāriṣu 118cd: pūjitāḥ sādhakaṃ devyaḥ parirakṣanti putravat śrīdevy uvāca 119ab: atrāpi yāgam evoktaṃ viśeṣaḥ ko 'paraḥ prabho 119cd: yathā tu abhyāsamātreṇa siddhir bhavati kāmadā 120ab: kevalaṃ smaraṇād eva tathā tvaṃ vaktum arhasi 120cd: praṇayasva prasādaś ca yadi cāsti maheśvara śrī īśvara uvāca 121ab: śṛṇuṣvaikamanā bhadre prākṛtaṃ tapasaḥ phalam 121cd: praṇayād atulaṃ vāpi rahasyaṃ paramaṃ padam 122ab: uttarottarayogena tantraṃ te kathitaṃ mayā 122cd: atrāntaram idaṃ jñānaṃ śrutvā bhavati nirvṛtiḥ 123ab: prastārya pūrvavad varṇaṃ proddhared bījapañcakam 123cd: pūrvavat kramayogena sarvakāmaprasiddhaye 124ab: ādau dvātriṃśakaṃ bījaṃ yuktam ekonaviṃśati 124cd: catustriṃśaṃ tato 'dhastād devadevaṃ prakalpayet 125ab: jayā saptadaśaṃ bījaṃ yuktam ekādaśena tu 125cd: tad eva vijayākhyātā kiṃ tu yuktaṃ na kena cit 126ab: pañcaviṃśac chikhābhāji yuktam ekādaśena tu 126cd: ajitāyāḥ samuddiṣṭaṃ caturthyāḥ śṛṇu sāmpratam 127ab: varṇaikādaśasaṃyuktaṃ śambhusthaṃ pañcaviṃśakam 127cd: guhyam etat samuddiṣṭaṃ praṣṭavyaṃ nānyataḥ param 128ab: sarvakāmapradaṃ devi etad vai bījapañcakam 128cd: uttaraṃ hṛdayaṃ hyetat sarvatantreṣu cottaram 129ab: yāni kāni ca karmāṇi sarvāṇy etais tu kārayet 129cd: pañcaviṃśatikoṣasthaṃ yuktaṃ vai ṣoḍaśena tu 130ab: astram etat samuddiṣṭam asmiṃs tantre ca suvrate 130cd: punar etadbījayuktaṃ viṃśakena samanvitam 131ab: māyā hy eṣā samuddiṣṭā śivasyānantarūpiṇī 131cd: ādikoṣṭhakabījaṃ tu adhastāṣṭādaśasaṃyutam 132ab: aṣṭatriṃśatikoṣasthaṃ tasyopari niyojayet 132cd: aṅkuśoddharaṇaṃ hy etad devīnāṃ saṃnirodhane 133ab: bindupuñjasametā hi nyastavyā tu yathākramam 133cd: pañcaviṃśatikoṣasthaṃ tad eva paramākṣaram 134ab: navatriṃśasamāyuktaṃ bījaṃ gāyatrisaṃjñakam 134cd: etad bījavaraṃ divyaṃ yojyam ālabhanādike 135ab: catustriṃśatikoṣasthaṃ pañcaviṃśatiyojitam 135cd: sarvakarmasamuddiṣṭaṃ bījaṃ sāvitrisaṃjñitam 136ab: ardhenduśikhayā devi lāñchitāni tu pūrvavat 136cd: prayogaṃ cāsya vakṣyāmi siddhir yenāśu jāyate 137ab: prayogaṃ kāraṇaṃ devi granthaśāstram akāraṇam 137cd: sarvatra sulabhaṃ śāstraṃ prayogaṃ tu sudurlabham 138ab: prayogarahitā mantrā naiva siddhipradāḥ smṛtāḥ 138cd: hṛtpadme yogavinyāsaṃ dhyātvā vai bījapañcakam 138ef: gatiṃ devaṃ tu vijñāya tataḥ karma samārabhet śrīdevy uvāca 139ab: kīdṛśaḥ sa bhaved devo gatis tasya tu kīdṛśī 139cd: dehasthaṃ tu kathaṃ vidyād vaktum arhasi śaṅkara śrī īśvara uvāca 140ab: meḍhranābhyantare devi kandamūlākṛtir bhavet 140cd: dvāsaptatisahasrāṇi nāḍīr ādhārasaṃsthitāḥ 141ab: nābhideśe sthito granthis tatra padmaṃ vyavasthitam 141cd: karṇikā padmamadhyasya tatra sādhyaṃ vyavasthitam 142ab: karṇikāsuṣirānte tu yā kalā cordhvagāminī 142cd: tasyā madhye sthito devaḥ sa tu dīpaśikhopamaḥ 143ab: śuddhasphaṭikasaṃkāśaṃ visphuliṅgārkasaṃnibham 143cd: vārimārutasaṃkīrṇaṃ vālāgraśatabhāgakam 144ab: vāyuvāhanam ārūḍhaṃ śabdātītam anāmayam 144cd: sampratyayaṃ tu gamyo 'sau vahate dehamadhyataḥ 145ab: iḍāmadhyagato vāpi piṅgalāntargato 'pi vā 145cd: suṣumnāntargataś caiva viṣuvaṃ samudāhṛtam 146ab: iḍā tu vāmajā proktā dakṣiṇe piṅgalā smṛtā 146cd: anayor madhye suṣumnā tu sṛṣṭisaṃhārakārikā 147ab: iḍā śāntikapuṣṭyarthe mṛtyūccāṭana piṅgalā 147cd: suṣumnā mokṣadā caiva jīvamārgānusāriṇī 148ab: piṅgalāntargataṃ dhyātvā raktavarṇaṃ vicintayet 148cd: māraṇoccāṭanādīni tataḥ karmāṇi kārayet 149ab: amṛtāntargataṃ jñātvā dhyāyet tuhinasaṃnibham 149cd: śāntipuṣṭivaśākarṣaṃ tadā karmāṇi kārayet 150ab: vratayogādisaṃsiddhiṃ mūlamantreṣu kārayet 150cd: tad atra japamātreṇa mantrī sādhayate kṣaṇāt 151ab: aprasūtā mṛtā yoṣit prāptayauvanam eva ca 151cd: tasyāḥ pāṃśulikāṃ gṛhya vāmabhāge vicakṣaṇaḥ 152ab: likhen nāmākṣaraṃ tatra devīnām kūṭasaṃsthitam 152cd: vāmāṅgojjvalaraktena sādhakaḥ saṃyatavrataḥ 153ab: striyaṃ caiva likhet tatra gavāṃ rocanayā punaḥ 153cd: anulomair vihanyas tu vāmapādena cākramet 154ab: tatkṣaṇād ānayec chīghraṃ yā strī dvādaśayojanāt 154cd: puruṣasya tathā proktaṃ dakṣiṇāṅge tu kārayet 155ab: athābhicārakaṃ kuryāt samidhānāṃ tathāsthibhiḥ 155cd: rājikāviṣaraktāktaṃ śmaśāne homam ārabhet 156ab: nagno muktaśikho bhūtvā kapālatrayasaṃsthitaḥ 156cd: samidhāṣṭaśataṃ homaṃ rātrau kuryād vicakṣaṇaḥ 157ab: homānte tu tataḥ śakraṃ kṛṣṇavarṇam vicintayet 157cd: triśūlena vinirbhinnaṃ daṇḍena tāḍitaṃ śiraḥ 158ab: sādhako ghorarūpeṇa kruddhaḥ saṃraktalocanaḥ 158cd: saptāhān nāśayed indraṃ kiṃ punar mānuṣādikam 159ab: tyaktena tu kusumbhena śatenāṣṭottareṇa tu 159cd: trisandhyaṃ dhārayed rātrau agnikāryaṃ tu kārayet 160ab: sādhyaṃ tu sādhakaś caiva raktavarṇaṃ vicintayet 160cd: homānte tu dhyāyet sādhyaṃ vihvalaṃ ca sammūrchitam 161ab: aṅkuśena hato mūrdhni māyāpāśena veṣṭitam 161cd: rājānaṃ rājapatnīṃ vā saptāhād vaśam ānayet 162ab: gṛhītvā tu mahāmāṃsaṃ dadhimadhvājyasaṃyutam 162cd: āhutyaṣṭasahasreṇa sadyotkarṣaṇam uttamam 163ab: ātmanaḥ sādhyabījaṃ ca pañcadevyā catuṣṭayam 163cd: nāḍīmadhyagataṃ dhyātvā ekīkṛtya vicakṣaṇaḥ 164ab: nāḍīmārgānusāreṇa praveśya sādhyavigraham 164cd: anenaiva prayogeṇa trailokyaṃ vaśam ānayet 165ab: ata uccāṭanaṃ kuryāc chatrūṇāṃ baladarpitām 165cd: śuṣkāṇi nimbapattrāṇi dhvajāgrāṇi tathaiva cal 166ab: nṛvālaṃ citibhasmaṃ ca kākapakṣāgrapicchakam 166cd: kaṭutailaviṣaṃ raktaṃ tenāloḍya tu homayet 167ab: caṇḍālāgniṃ samāhṛtya citikāṣṭhaṃ samindhayet 167cd: uccāṭayet trirātreṇa tyaktabandhusuhṛjjanān 168ab: vāmahastatale candraṃ dhyātvā sampūrṇamaṇḍalam 168cd: bījapañcakasaṃyuktaṃ yasya taṃ darśayet karam 169ab: darśanād vaśam āyānti ye 'pi hantuṃ samudyatāḥ 169cd: yaṃ yaṃ spṛśati hastena dāsatvam upagacchati 170ab: dakṣiṇe 'py eva vai haste vinyased ravimaṇḍalam 170cd: yaṃ spṛśed darśayed yaṃ tu vidviṣṭāḥ suhṛdāny api 171ab: nimbasthavāyasaṃ gṛhya śvapākenāvatāritam 171cd: bījair etair viparyastais tailābhyaktaṃ citāhutam 172ab: tad bhasma viṣaraktāktaṃ kṛṣṇānte raktavāsasaḥ 172cd: parijapya sahasraṃ tu vilomair bījapañcakaiḥ 173ab: yaṃ spṛśed bhasmanā tena kākavad bhramate mahīm 173cd: vidviṣṭaḥ sarvalokānāṃ yadi śakrasamo bhavet 174ab: yathātmani tathā sādhye bījaṣoḍaśakaṃ nyaset 174cd: javāpuṣpasamaprakhyau dvāv etau paricintayet 175ab: jātīhiṅgulakapakṣau lākṣārasasamaprabhau 175cd: padmasampuṭamadhyasthau ubhau tau sādhyasādhakau 176ab: aṅkuśaṃ sādhyaguhye tu daṇḍaṃ cātmani guhyataḥ 176cd: kusumbharaktasaṃkāśau māyātantvabhiveṣṭitau 177ab: pañcarātraṃ trirātraṃ vā niḥśabdo dhyānapāragaḥ 177cd: vaśam ānayate kṣipraṃ nṛpatiṃ mānagarvitam 178ab: dvijayoṣin mṛtā yā tu tasyā gṛhyaṃ tu karpaṭam 178cd: kṛṣṇacaturdaśyāṃ gṛhītvā cityaṅgārais tadudbhavaiḥ 179ab: bījair vidarbhitaṃ nāma yasya yasya ca veśmani 179cd: nikhanyate sa vai kṣipraṃ prayāti yamasādanam 180ab: tato vidyāvrataślāghī kīrtyādibhir alaṃkṛtaḥ 180cd: sādhyate 'nena prayogeṇa mriyate cāvikalpataḥ 181ab: gavāṃ rocanayā caiva yasya nāma vidarbhitam 181cd: bījair etaiḥ samāyuktair ālikhya prakṣiped budhaḥ 182ab: pātraṃ madhvājyasampūrṇaṃ śatam āvartayed drutam 182cd: mumukṣor api tasyāstraṃ śāntipuṣṭiś ca jāyate 183ab: śatajapto jalenāpi tato vā mucyate sadā 183cd: vyādhighātasamidbhis tu vyādhinātyantapīḍitaḥ 184ab: aṣṭottaraśatenaiva āhutīnāṃ na saṃśayaḥ 184cd: kṣīrāktena tu deveśirogī rogād vimucyate 185ab: juhoti yas tu satataṃ dravyaṃ tasya gṛhe tu yat 185cd: kurvanto 'pi vyayaṃ nit yam akṣayatvaṃ ca gacchati 186ab: nityaṃ kālajapenāpi sarveṣāṃ jāyate priyaḥ 186cd: tejasvī balasampanno nāpy asau pīḍyate bhayaiḥ 187ab: śrīkāmaḥ śrīphalaṃ juhyāt padmaṃ cājyamadhuplutam 187cd: lakṣaikena mahāvitto mantrī lakṣadvayena tu 188ab: lakṣatrayeṇa pṛthvīśo nirjitārir bhaved dhruvam 188cd: sarvakāmas tilaṃ juhyāt prāpnuyāt tu na saṃśayaḥ 189ab: lakṣeṇaikena deveśi sādhakaḥ sa jitendriyaḥ 189cd: tyaktena naramāṃsena chāgasya piśitena vā 190ab: lakṣamātrahutenāśu yad iṣṭaṃ tad avāpnuyāt 190cd: kṛṣṇāgopayasā sārdhaṃ nṛmāṃsaṃ taṇḍulānvitam 191ab: pāyasaṃ śavavaktre tu juhuyāt tāvatandritaḥ 191cd: yāvad uttiṣthate pretaḥ kiṃ karomīti so 'bravīt 192ab: mārgitavyaṃ yad iṣtaṃ tu labhanīyaṃ yaśasvini 192cd: guḍikāñjanapādukaṃ (em. guḍikāñcanapādūṃ ? ca Ed) khanyaṃ vā rājyam eva ca 193ab: vidhānaṃ śakranāśaṃ ca pādaleparasāyanam 193cd: eteṣāṃ prārthitaṃ caikaṃ dattvāgacchati nānyathā 194ab: uddhatā yā mṛtā yoṣit tasyā gṛhyāṅgulīyakam 194cd: abhimantrya imair bījair anulomaiḥ śatena tu 195ab: aṣtādhikena mantrajñaḥ sādhyanāma vidarbhayet 195cd: yasyā dadāti tadvad āste striyāyāḥ sādhakottamaḥ 196ab: ākarṣyati tāṃ kṣipraṃ yadi syād urvaśīsamā 196cd: yojanānāṃ śatasyāpi dūreṇāpi samarpitam 197ab: puruṣasya bhaved devi uddhatasya yaśasvini 197cd: kākamāṃsaṃ gṛhītvā tu nimbatailasamāyutam 198ab: śmaśānāgniṃ samādhāya śigrukāṣthena sādhayet 198cd: juhuyāt saptarātraṃ tu yasya nāmnā tu sādhakaḥ 199ab: vidviṣto dṛśyate loke eṣa vidveṣaṇaṃ param 199cd: ato 'nyat sampravakṣyāmi rahasyam idam adbhutam 200ab: yad viditvā maheśāni siddhim āpnoti puṣkalām 200cd: svakāle samprayogeṇa siddhis tantreṣu kīrtitā 201ab: tataḥ svakālaṃ kurvīta svāni karmāṇi sādhakaḥ 201cd: sādhyahṛtpadmasaṃsthaṃ tu dhyātvādau bījapañcakam 202ab: kurvīta manasā pūjām itāyāpravato ? padā 202cd: māyayācchādayet paścāt sādhyam antobahiryutam 203ab: māyākamalanālena sādhyam āveṣtam ānayet 203cd: tataḥ svātmīkam ānīya māyātattvaślathīkṛtam 204ab: pun as tat sthāpayitvā tu sammukhaḥ sādhakottamaḥ 204cd: nyastavyaṃ tu yad ādau tu ? sādhye vai bījapañcakam 205ab: māyāveṣtitaṃ tan mantrī japed aṣtaśataṃ tataḥ 205cd: sādhyanāmākṣaropetaṃ tatprabuddhāsane sthitam 206ab: evaṃ devi tataḥ śīghraṃ dhvastajānuśiroruhaḥ 206cd: ākṛṣto vidhinānena sādhyaḥ kiṃkarito mahān 207ab: ataḥ paraṃ pravakṣyāmi baddhe ruddhe 'pi mokṣaṇam 207cd: yathā saṃharate śakraṃ tatprayogam idaṃ śṛṇu 208ab: sādhyahṛtkamalāntaḥsthaṃ dhyātvaivaṃ bījapañcakam 208cd: kurvīta pūrvavat pūjāṃ suṣumnāyāganirgadā ? 209ab: saṃhārāstraṃ tato mantrī tumburuṃ mūrdhni vinyaset 209cd: devīnāṃ ca tatas ten a sādhyam āvṛtya yogavit 210ab: tatra yo mūrdhni tenaiva jvalitānalavarcasā 210cd: dṛṣtvā taṃ manasā bhūyo mūrcchitaṃ bhuvi vihvalam 211ab: hṛdi baddhvāṅkuśenaiva ānayed ātmano 'ntikam 211cd: tatas tvadhomukhaṃ sthāpya pīḍitaṃ chardayed asṛk 212ab: paścāt tu hṛdaye tasya nyastavyaṃ bījapañcakam 212cd: proddhṛtya sādhyanāmaivaṃ saṃhārāstravidarbhitam 213ab: evaṃ vigatarakṣaṃ tu syāpyudgataṃ tu ? tataḥ 213cd: japed aṣṭasahasraṃ tu jvālāmālābhir āvṛtam 214ab: tatas tu karmaṇānena tenaiva tu vidhānataḥ 214cd: sādhyaḥ prayāti nidhanaṃ mṛtyur āntima ? kampayet 215ab: ity etat kathitaṃ devi samāsādyaṃ tu pūrvaśaḥ 215cd: yathā saṃharate śakraṃ baddhe ruddhe 'tha mokṣaṇāt 216ab: krodhena mahatā dīptaḥ prayogam idam ārabhet 216cd: suṣumnāyāṃ yadā devaḥ svayaṃcāreṇa vartate 217ab: suṣumnāntargataṃ dhyātvā raktavarṇaṃ vicintayet 217cd: vidveṣoccāṭanādīni tataḥ karmāṇi kārayet 218ab: bījapañcakadevasya vargāntarayutasya ca 218cd: varṇāntayāgam ekānte sadā gopitaṃ tan mayā 219ab: tadā tu sarvakāryāṇāṃ siddhaye śṛṇu suvrate 219cd: kusumbharajasāloḍyaṃ śālīnāṃ piṣtakena ca 220ab: bhasmanā candanenāpi nāgakeśarajena vā 220cd: sugandhaiś ca vicitraiś ca likhec ca susamāhitaḥ 221ab: vargātītasya garbhe tu nyaset padmaṃ caturdalam 221cd: tatra sabhrātṛkā devyaḥ pūjayed bījapañcake 222ab: evaṃ pūjitamātrās tu sarvadāsarvakāmadāḥ 222cd: bhavanti niyataṃ[nityaṃ] dharmakāmārthamokṣadāḥ 223ab: yāgam evaṃ ca kṛtvānte tato lakṣatrayaṃ japet 223cd: tataḥ siddhim avāpnoti brahmaghno 'pi hi nānyathā 224ab: manasā cintitaṃ kāmaṃ tadā prabhṛtim āpnuyāt 224cd: ataḥ paraṃ pravakṣyāmi japasya vidhim uttamam 225ab: ekāsanasthito mantrī yāgaṃ kṛtvā vidhānavit 225cd: ekacittaḥ prasannātmā vāmahastākṣasūtradhṛk 226ab: japakarma sadākuryād viśeṣam aparaṃ śṛṇu 226cd: vaśyakāmo japaṃ kuryād anulomair vidarbhitam 227ab: bījair etair yathānyāyaṃ sādhyanāmākṣarānvitaiḥ 227cd: kālaṃ tatra vijānīyāt kālasiddhiḥ pravartate 228ab: māraṇe pratilomais tu sādhyanāma tu pūrvataḥ 228cd: vidveṣe 'pi vilomais tu phaṭkārāntaṃ prayojayet 229ab: māraṇe pratilomais tu hūṃphatkārānta dyan ? takaiḥ 229cd: oṃ svāhā namo 'ntais tu vaśyākarṣaṇakarmasu 230ab: homayed evam evaṃ tu sarvaṃ kuryād vicakṣaṇaḥ 230cd: namaskāro japasyānte svāhā home prakīrtitam 231ab: svaśoṇitāktaṃ laśunaṃ māraṇe pratihomayet 231cd: uccātane kākapakṣaṃ vaśye jātiṃ tu homayet 232ab: vidveṣe śleṣa śigruṃ ca homayed avicāraṇāt 232cd: ākarṣaṇe bakulapuṣpaṃ homayec ca vicakṣaṇaḥ 233ab: sarve yāgasamuddiṣtāḥ kālajñasya yaśasvini 233cd: yena kālaṃ ca vai jñātaṃ tena jñātaḥ sadāśivaḥ 234ab: sadāśive parijñāte siddhiṃ śāmyanti sādhakāḥ 234cd: kālatattvaṃ ca vijñeyaṃ tattvātsiddhiḥ pravartate 235ab: tattvahīnā na sidhyanti prayatnenāpi sādhakāḥ 235cd: tasmāt sarvaprayatnena kālatattvaṃ vidur budhāḥ 236ab: kriyākālaṃ ca vai śūnyaṃ na sidhyantīha sādhakāḥ 236cd: tasmāt kriyāṃ ca kālaṃ ca asaṃjñeyaṃ prayatnataḥ śrīdevy uvāca 237ab: sa kālaś ca kathaṃ jñeyo yo 'sāv uktas tvayā prabho 237cd: kālahīnānṛtaṃ manye sarvam eva ca śaṅkara śrī īśvara uvāca 238ab: śṛṇu devi paraṃ guhyaṃ kālatattvātmavigraham 238cd: yaj jñātvā tu sukhenaiva siddhir bhavati mantriṇām 239ab: ayutaṃ dve ca vijñeyāḥ ṣoḍaśaiva śatāni ca 239cd: caturviṃśatisaṃkrāntyā dvādaśāṅgulagatāgate 240ab: śarīre tu yathā devi sthitaṃ sakalaniṣkalam 240cd: tathā haṃsaṃ pravakṣyāmi sādhakānāṃ hitāya vai 241ab: pādau pāyur upastham ca hastau vāgindriyas tathā 241cd: śrotratvakcakṣuṣā jihvā nāsikā ca tathāparā 242ab: pṛthvy āpas tathā tejo vāyur ākāśam eva ca 242cd: śabdaḥ sparśaś ca rūpaṃ ca raso gandhas tathaiva ca 243ab: mano buddhir ahaṃkāro avyaktam puruṣas tathā 243cd: pañcaviṃśatitattvāni śarīre tu vidur budhāḥ 244ab: ebhir ādhārabhūtais tu ādheyo dhyāyate sadā 244cd: ādhāraṃ puram ity uktaṃ puruṣaś cādheya ucyate 245ab: hṛtpadme karṇikāvastha ūrdhvagāmī sadātmakaḥ 245cd: niṣkalasya tu devasya punar ādhārasaṃsthitiḥ 246ab: tatpuruṣam ādhārādheyaṃ niṣkalaṃ paramaṃ śivam 246cd: ṣatkauśikaśarīraṃ tu tattvānāṃ pañcaviṃśatiḥ 247ab: daśavāyusamāyuktaṃ nāḍībhir vyāpitaṃ puram 247cd: śarīraṃ triguṇaṃ caiva sarvadaivatasaṃyutam 248ab: anenādhiṣthitaṃ devi cakravat parivartate 248cd: yathā tāragaṇaṃ sarvaṃ grahanakṣatramaṇḍalam 249ab: dhruvādhiṣthitaṃ tat sarvam acalaṃ parivartate 249cd: tadvac charīraṃ devasyasarvabījagaṇaṃ hi yat 250ab: śivenādhiṣthitaṃ jñātvā tantre siddhim avāpnuyāt 250cd: trikubjikutilākārā ṣaṣthasvarasamanvitā 251ab: śaktir binduvinirbhinnā dehasthā sakalātmakā 251cd: asyās tejaḥśikhā sūkṣmā mṛṇālatantusaṃnibhā 252ab: jyotirūpā ca sā jñeyā tasyānte tu punaḥ śivaḥ 252cd: akārādikṣakārāntam ābrahmabhuvanaṃ jagat 253ab: asmiṃś codpadyate sarvaṃ tatraiva pralayaṃ bhavet 253cd: eṣa devaḥ paraḥ sūkṣma ādhārādheyasaṃsthitaḥ 254ab: ayane viṣuve caiva āgneyāmṛtakāraṇam 254cd: yadā vāruṇamārgastha iḍāmadhyagato bhavet 255ab: himakundendusaṃkāśo vijñeyaḥ śucikarmaṇi 255cd: dvādaśādityasaṃkāśaḥ piṅgalāntargato yadā 256ab: aruṇānalasaṃkāśaṃ raudrakarmaṇi yojayet 256cd: suṣumnāyāṃ yadā deva upaśānto vahaty asau 257ab: mokṣamārgam idaṃ devi jyotīrūpaṃ parāparam 257cd: eṣa devo gatiś caiva kālatattvātmavigrahaḥ 258ab: sādhakasya hitārthāya paramārtham udāhṛtam 258cd: etatsarvaṃ samākhyātaṃ kālatattvātmavigraham 259ab: trisaṃsthe tu samāsena sarvatantreṣu siddhidam 259cd: nāḍīsaṃsthaṃ yathā karma kurute mantriṇaḥ sadā 260ab: tad ahaṃ sampravakṣyāmi śṛṇu tvaṃ ca varānane 260cd: iḍā ca piṅgalā caiva nāḍyau dve samudāhṛte 261ab: yato nityaṃ cared devaḥ kramaśaś ca nivartate 261cd: tāny ātmavatakarmāṇi prayuktaṃ kurute prabhuḥ 262ab: sa eva kurute karma bījanāḍīprayogataḥ 262cd: ayaṃ kālaḥ samākhyātastṛtvedaya ? samanvitaḥ 263ab: dehastham kathitaṃ devi ṛtuyuktas tu sādhakaḥ 263cd: jñātvā kālaṃ ca tattvaṃ tu tataḥ karma samārabhet 264ab: śāntikaṃ pauṣtikaṃ cāpi vidveṣoccāṭanaṃ tathā 264cd: vaśyākarṣaṇakaṃ kuryād yadi kālaṃ vijānate 265ab: saumyāni saumyakāle tu raudre raudrāṇi kārayet 265cd: anyakālakṛtaṃ karma vṛthā bhavati sādhake 266ab: tasmāt sarvaprayatnena kāle karmāṇi kārayet 266cd: svaraktaṃ gocanaṃ caiva tathā sindūram eva ca 267ab: kusumbharajaḥsammiśraṃ dadhimadhvājyasaṃyutam 267cd: khadirai raktasamidhair athavā raktacandanaiḥ 268ab: atra digdhvā hunen mantrī saptāhād vaśam ānayet 268cd: pratimāṃ lavaṇamayīṃ kṛtvā śatābhimantritāṃ budhaḥ 269ab: pādau prabhṛti hotavyaṃ yāvad aṣtaśataṃ bhavet 269cd: trisandhyām ekacittas tu amoghavaśyatāṃ nayet 270ab: saikthīṃ tu pratimāṃ kṛtvā tryūṣaṇena tu lepayet 270cd: pratimāsu susampūrṇaṃ kaṇṭakair madanodbhavaiḥ 271ab: vidarbhya pādau guhyaṃ ca lalātaṃ ca vicakṣaṇaḥ 271cd: kucayugme ca devīnām agrato nikhaneta tu 272ab: adhomukhāṃ viliptāṅgāṃ rājikālavaṇena tu 272cd: vāmanāsikaraktena nāmamantrair vidarbhitām 273ab: likhitvā hṛdaye kuryād vahniṃ prajvālya copari 273cd: rājikālavaṇaṃ caiva hotavyāṣtaśataṃ budhaḥ 274ab: trisandhyām eva saptāhāt trailokyaṃ vaśam ānayet 274cd: kulālakaranirmuktamṛdā pratimayīkṛtā 275ab: tenaiva kaṇtakair viddhvā svasthānasthais tu mantriṇaḥ 275cd: bhage vā athavā liṅge sanmantrāṇy aṣtaśatāni tu 276ab: sūtrayed guhyadeśe tu gṛṇan mantraṃ tu sarvadā 276cd: saptāhād ānayed vaśyaṃ striyaṃ vā puruṣam api vā 277ab: mānuṣāsthimayaṃ kīlaṃ kṛtvā tu caturaṅgulam 277cd: kṣīravṛkṣaṃ bhage likhya liṅgaṃ vā kīlayet tataḥ 278ab: ṣaṇḍilas tu bhavet sādhya ārdrayogo na saṃśayaḥ 278cd: uddhṛtena bhaven mokṣaṃ nātra kāryā vicāraṇā 279ab: madhūkā śvetapadmaṃ ca rocanā nāgakeśaram 279cd: tagaraṃ caiva sūkṣmelam añjanaṃ samabhāgikam 280ab: kanyayā piṣitaṃ kṛtvā yāgaṃ kṛtvā yathoditam 280cd: sahasrāṣtādhikaṃ japtvā japena yajane tataḥ 281ab: sarvalokeṣu dṛśyante kāmadevasamo 'pi tat 281cd: vicareta mahīṃ kṛtsnāṃ nātra kāryā vicāraṇā 282ab: mañjiṣthā kunduruś caiva haridre dve tu pīṣayet 282cd: piṣtvā pūrvavidhānena tato guhyaṃ pralepayet 283ab: pravṛtte maithune kālepatir dāsaṃ kariṣyati 283cd: meṣalocanamūlaṃ tu kambalyā kṣīrasādhitam 284ab: śmaśāne sādhayen mantrī rātrau kāṣthais tadudbhavaiḥ 284cd: kapālair guṇḍayed aṅgaṃ raktavāsoparicchadam 285ab: udvartano 'bhayo hy eṣa vajravat syāṅkuśopamaḥ 285cd: bhakṣayed deśayet kaṃcit kāmāṅkuśavinirgataḥ 286ab: puruṣo vaśam āyāti strī vā madanagarvitā 286cd: vālmīkamṛttikāṃ gṛhya balīvardaṃ tu kārayet 287ab: kanyākartitasūtreṇa tasya nāsāṃ pravedhayet 287cd: athavā padmasūtreṇa raktacandanalepitam 288ab: raktapuṣpaiḥ samabhyarcya sarvārṇavaṃ samānayet 288cd: sādhyasya vilikhen nāma svaraktena vṛṣodare 289ab: śrīvṛkṣakotare sthāpya sādhyam evaṃ vaśīkuru 289cd: anenaiva mṛdā meṣaṃ kārayen mantravit sadā 290ab: meṣasūtreṇa vai nāsāṃ vedhayet pūrvavac chuciḥ 290cd: devīnām agrataḥ sthāpya tasya nāsāṃ pracālayet 291ab: yaṃ yaṃ vijñāpayet kāmaṃ taṃ taṃ prāpnoti sādhakaḥ 291cd: ete yogavarā devi mayā tava udāhṛtāḥ 292ab: varṇānām udare yāgaṃ sarvakāmaprasiddhidam 292cd: evam eva magarbhasthaṃ māraṇe samprayojayet 293ab: gavāṃ rocanayā likhya evam eva prayojayet 293cd: sodaremūkatāṃ kuryād vāgīśam api mūkayet 294ab: nit yam ākarṣayet proktam ākārodare pūjitā 294cd: mahāpuruṣavarastrīṇāṃ japamānā tu kīrtanāt 295ab: jñānāṅkuśagatā pūjā kṣipraṃ prāyeṣu vastuṣu 295cd: unmaneṣv atha ghoreṣu sākāreṇa tu sādhayet 296ab: ekārodarayāgena bhavaty arthapradāyikā 296cd: vakāramadhyagā caiva vaśīkaraṇakarmaṇi 297ab: dharmārthamokṣadā caiva puṣṭitejovivardhanī 297cd: bhavati niyatā devi haṃsamadhyeṣu pūjitam 298ab: bhañjane yadi sainyānāṃ bhakārajathare sthitam 298cd: bhavati niyatā kṣipraṃ kṣemanābhigarīyasī 299ab: māraṇe tu prayoktavyaṃ phatkārānte vyavasthitā 299cd: vidveṣaṃ tu prayacchanti jakārajatharesthitā 300ab: śatrukulocchādaṃ kuryāt hūṃphatkārānte vyavasthitā 300cd: svalpaprāyeṣu kāryeṣu yakārajatharodare 301ab: dehanyāsaṃ punar vakṣye abhedyaṃ parameśvari 301cd: vinyasya karaṇān sākṣān mahābhūteṣu pañcasu 302ab: dehe tattvatrayaṃ nyasya prāṇāyāmapuraḥsaraḥ 302cd: śarīre vinyased devi pūrvam uktakrameṇa tu 303ab: māyayācchādayitvā tu aṅkuśena nirodhayet 303cd: yoniṃ baddhvā tataḥ paścāt sādhakaḥ susamāhitaḥ 304ab: svadehe namasā mantrī kalpoktena tu karmaṇā 304cd: kuryāt sarvāṇi kāryāṇi tataḥ siddhir na saṃśayaḥ 305ab: nayottarāditantreṣu kalpoktaṃ karma kārayet 305cd: athavādaśalakṣāṇi japed yas tu vidhānataḥ 306ab: tataḥ sabhrātṛkā devyaḥ sādhakasyāgrataḥ sthitāḥ 306cd: varam iṣtaṃ prayacchanti trayātītaṃ padaṃ hi yat 307ab: bījapañcakam etad dhi na deyaṃ yasya kasyacit 307cd: vargāntanirguṇākrāntaṃ samyag vai bījapañcakam 308ab: evam eva purā kṛtvā jñātvaivaṃ hi vidhānataḥ 308cd: bījāni bījayet prājñaḥ tataḥ karma samārabhet 309ab: evaṃ vidhānavid yas tu hīno vā sarvalakṣaṇaiḥ 309cd: api pātakasaṃyuktaḥ sa siddhiphalabhāg bhavet 310ab: vargāntanirguṇākhyasya asyāpi paramaṃ smṛtam 310cd: hṛdayaṃ devadevīnām ekākṣaram ataḥ param 311ab: yatra sabhrātṛkā devyaḥ kūṭadehā vyavasthitāḥ 311cd: nātaḥ parataro mantras triṣu lokeṣu vidyate 312ab: gopitavyaṃ prayatnena tantrasāraṃ sudurlabham 312cd: mamāpi gopitaṃ devi sarvajñenāpi sarvadā 313ab: niścayaṃ mama baddhvānta ? yac ca devena bhāṣitam 313cd: tvayāpi caivam evaṃ hi rakṣaṇīyaṃ prayatnataḥ 314ab: cintāratnam idaṃ guhyaṃ vratasādhanavarjitam 314cd: anusmaraṇāmātreṇa samyagjñāya krameṇa tu 315ab: varṇayāgakrameṇaiva pūrvoktena yathākramam 315cd: sidhyate nātra saṃdehaḥ sarvakāmas tu mantriṇām 316ab: śāntikaṃ pauṣtikaṃ caiva vidveṣoccāṭanaṃ tathā 316cd: vaśyākarṣas tathā nāśaṃ sarvaṃ sidhyati sādhake 317ab: śukreṇa sarvatobhadre mahāsammohane tathā 317cd: nirmathya kathito devi dadhno ghṛtam ivoddhṛtam 318ab: parīkṣya guruṇā śiṣyaṃ gurudevāgnipūjakam 318cd: tasya deyam idaṃ tantraṃ na ca nāstikanindake 319ab: na dīkṣitā na sidhyanti sthitāḥ kalpaśatair api 319cd: svayaṃgṛhītamantrāś ca nāstikā vedanindakāḥ 320ab: samayebhyaḥ paribhraṣtās tathā tantravidūṣakāḥ 320cd: gurūṇāṃ viheṭhanaparās tantrasāravilopakāḥ 321ab: yoginībhiḥ sadā bhraṣṭāḥ kathyante dharmalopakāḥ 321cd: iti tathyaṃ mahādevi surāsuranamaskṛtam 322ab: sāram etad dhi tantrasya tasya tatsthaṃ mahānaye 322cd: ājñā bhagavataś caiva śivasya paramātmanaḥ śrīdevy uvāca 323ab: śrutaṃ mayā mahādeva vīṇāsadbhāvam uttamam 323cd: tantraṃ vīṇāśikhaṃ nāma durlabhaṃ tridaśeṣv api 324ab: vargāntanirguṇākhyasya asyāpi paramaṃ ca yat 324cd: ekākṣaraṃ paraṃ guhyaṃ bhuktimuktipradāyakam 325ab: gopitaṃ tu tvayā deva sārabhūtaṃ maheśvara 325cd: tapasā durdharāllabdhaṃ yac ca jñānaṃ śivodbhavam 326ab: prasādaṃ kuru deveśa yatra siddhir dhruvaṃ sthitā 326cd: prāpte kaliyuge ghore saṃkate bahupātake 327ab: sarvasrotaḥprapannānām āśu siddhir yathā nṛṇām 327cd: prasādaṃ kuru deveśa kaḥ parampārate mama 328ab: alpaprajñāḥ kumatayo bahuvyākulacetasā 328cd: tantraṃ naivādhigacchanti na caiva bahudhā śrutam 329ab: iti deva tvayā pūrvaṃ kathitaṃ guruṇātmanā 329cd: asmākam api saṃkṣepāt kathayasva maheśvara śrī īśvara uvāca 330ab: aho svabhāvaprakṛte kimpraśnāsi punaḥ 'punaḥ 330cd: yan mayā kathitaṃ pūrvaṃ tad gṛhāṇa subhāṣitam śrīdevy uvāca 331ab: na bhūyaḥ paripṛcchāmi praśnam ekā garīyasī 331cd: vāram ekaṃ kuru vyaktaṃ prasādaṃ sūkṣmagocaram śrī īśvara uvāca 332ab: śṛṇu devi prayatnena sūkṣmāt sūkṣmataraṃ mahat 332cd: prayogaṃ sarvatantrāṇām uttaraṃ sarvasiddhaye 333ab: yena saṃsmṛtamātreṇa siddhir hastatale sthitā 333cd: nāyāso na vrataś caiva na tapaś ca maheśvari 334ab: nāgnikarma na caivārcā smaraṇāt siddhidaḥ smṛtaḥ 334cd: śṛṇuṣvaikākṣaraṃ devi sadbhāvaparasaṃhitam 335ab: śarīraṃ tattvarājānaṃ jātavedasi saṃsthitam 335cd: śikhāyāṃ saṃsthito devo bindudevī jayā smṛtā l 336ab: yaścātrordhvaṃ bhaved devi saukaraḥ parikīrtitaḥ 336cd: tantudevaṃ vijānīyān makāraṃ bindudevatām 337ab: evaṃ tu pañcadhā devi tattvarājaṃ tu kīrtitam 337cd: caturviṃśatikoṣthe tu yo mantranāyakaḥ smṛtaḥ 338ab: tattvarāja iti khyāta ūnaviṃśaty adhaḥ smṛtaḥ 338cd: viṃśakena svareṇaiva bindumūrdhnā tu pīḍitam 339ab: eṣa ekākṣaraḥ proktas tvatpriyārthaṃ varānane 339cd: suṣiraṃ tattvarājānaṃ jātavedasi saṃsthitam 340ab: viṣṇor upari dīptena japellakṣatrayaṃ budhaḥ 340cd: ākarṣayed drumāṇy eṣa mṛgapakṣisarīsṛpān 341ab: mānuṣāṇāṃ tu kā cintā ākarṣaṇavidhiṃ prati 341cd: ekādaśamaḥ saṃyuktas tattvarājena śobhane 342ab: śirasā bindubhinnena hṛdi caiṣa nigadyate 342cd: saptaviṃśa śiraḥ proktaṃ triṃśamas tu śikhā bhavet 343ab: ūnacatvāriṃśatir devi tattvo 'yaṃ kavacaḥ smṛtaḥ 343cd: ṣoḍaśasvarasaṃyuktam etad astraṃ prakīrtitam 344ab: netraṃ tu kathitaṃ devi viṃśatyakṣarayojitam 344cd: eṣa ekākṣaro devi ṣaḍaṅgaḥ samudāhṛtaḥ 345ab: haṃso māyāyukto devi nārācāstravidarbhitaḥ 345cd: savisarganayapadaṃ bījāntasthaṃ ū ī siddhikarī nṛṇām 346ab: ha ra tra vṛddhiṃ karoti 346cd: māyāṅkuśanirodhās te sarvamantragaṇādayaḥ 347ab: kramaśo yojayen mantri yadīcched dīrgham ātmani 347cd: sarvam etat parityajya kuryān mantraparigraham 348ab: ātmātīndriyādhārāṇāṃ kṛtvā kartavyaṃ muhur muhuḥ 348cd: padārthavidhisaṃyuktaṃ yan mayā gaditaṃ purā 349ab: tad anena prayogeṇa kartavyaṃ siddhim icchatā 349cd: dhyāyet sindūrasadṛśaṃ vaśyākarṣaṇakarmaṇi 350ab: māraṇe kṛṣṇavarṇaṃ tu vidveṣe vāmarūpakam 350cd: uccāte dhūmravarṇaṃ tu śvetaṃ caiva puṣṭyarthinā 351ab: mayūragrīvasadṛśaṃ stambhane cintayet sadā 351cd: sarvavarṇadharaṃ caiva sarvakāmikam eva ca 352ab: sarvendriyāṇāṃ kurvīta upahāre mahādhipe 352cd: hṛtpadmakarṇikordhvaṃ tu suṣiraṃ tatra cintayet 353ab: sphuliṅgaṃ karṇikārūpaṃ nirdhūmatejarūpiṇam 353cd: dhūmajvālāvinirmuktaṃ sūryakoṭisamaprabham 354ab: tasyordhve tu śikhā sūkṣmā nirmalā sphātikopamā 354cd: nityaṃ sā sevyate yuktair yogibhir niṣkalā parā 355ab: ūrṇātantusamākārā ūrdhvasrotā nirupamā 355cd: tatra madhye gataṃ paśyed devyā guhyottarambhavā 356ab: vālāgraśatabhāgākhyāvīṇādhārāsusaṃsthitā 356cd: dhyāyeta nityaṃ yogīndraḥ sūkṣmaguhyasamudbhavām 357ab: kṛtvā pūrvaṃ tu vinyāsaṃ sakalābāhyasaṃsthitam 357cd: evaṃ varṇavibhāgaṃ tu jñātvā siddhim avāpnuyāt 358ab: vaśyākarṣaṇakarmāṇi vācayā sa kariṣyati 358cd: vīṇāśikhāyāḥ sarvasvaṃ cintāratnam ivāparam 359ab: etad bījavaraṃ prāpya yathepsasi tathā kuru 359cd: ājñā bhagavataś caiṣā sarvadāvyabhicāriṇī 360ab: dhyātavyā sā prayatnena yadīcchet siddhim ātmanaḥ 360cd: yajanaṃ yājanaṃ caiva saṃyogaṃ ca layaṃ tathā 361ab: samayākṣarabījaṃ ca akṣarākṣarayojitam 361cd: rakṣaṇīyaṃ tvayā bhadre prayatnena suniścalam 362ab: etad guhyaṃ samākhyātaṃ tava snehād vicakṣaṇi 362cd: etaj jñātvā tu mantrajñaḥ śivasāyujyatāṃ (em: #sāyojyatāṃ Ed) vrajet 363ab: evaṃ vilayatāṃ yāti vidhinanena yoitām 363cd: amalīkṛtadehas tu vidhinānena sādhakaḥ 364ab: amalīkṛtaṃ tanmantraṃ hṛccakre viniyojayet 364cd: somamaṇḍalamadhyasthaṃ dhyāyet kundendusaprabham 365ab: amṛtena tu siñcanti lāntīsagatilitena ? tu 365cd: evam āpyāyito mantraḥ sarvasiddhiprado bhavet 366ab: evam āpyāyanaṃ kṛtvā bindumadhyevicakṣaṇaḥ 366cd: aṣṭottarasahasraṃ tu mantrāṇāṃ mantravij japet 367ab: paramīkaraṇaṃ hy etan mantrasyāpyāyanaṃ smṛtam 367cd: śivībhūtas tu mantro vai sādhayed akhilaṃ jagat 368ab: sūryacakraniruddhaṃ tu śirasi samavasthitam 368cd: japet hūṃkārasahitaṃ bodhanaṃ parikīrtitam 369ab: ādityacakramadhyasthaṃ vahninā saṃnirodhitam 369cd: nirdahate mantraṃ devi yadā karma na kurvati 370ab: śikhāmadhyagataṃ dhyātvā sahasraṃ parivartayet 370cd: mantram evaṃ samuddiṣtaṃ guhyaśaktipradīpanam 371ab: dahanaṃ cāgninā kāryaṃ hūṃkāreṇa prabodhayet 371cd: dīpanaṃ tu śikhāmadhye mantrāṇāṃ mantravādinām 372ab: amalīkurutesūryaś candreṇāpyāyanaṃ smṛtam 372cd: śivīkurvīta bindusthaṃ mantrī mantraṃ tu yogavit 373ab: evaṃ mantraviśuddhas tu candrasūryasamanvitam 373cd: dīpanaṃ śaktinā nityaṃ japen mantrī samāhitaḥ 374ab: amṛtodbhavakāle tu mantrī yatnena niścayāt 374cd: vaśam ānayate kṣipraṃ viśvaṃ manata ? saṃśayaḥ 375ab: yāvatī māyā mantrāṇāṃ sarveṣāṃ kathitā mayā 375cd: vidhir atra krame cāyaṃ paścād vakṣye jape vidhim 376ab: yajanakāle samprāpte ekacittaḥ samāhitaḥ 376cd: hṛtpadme karṇikāsīnadevatārpitamānasaḥ 377ab: śikhābinduṃ vinirdhārya tanmantraṃ hṛdi saṃsthitam 377cd: putavarṇavidhānaṃ syād akṛtoccāranisvanam 378ab: svasthacitto hy asammūḍha alākūrdhvasthitātmanaḥ 378cd: avicchinnaṃ drutaṃ caiva avilambitam eva ca 379ab: tāvan mantrī japen mantraṃ yāvac cittaṃ na khidyate 379cd: alabhya mama mantraṃ syād drutaṃ kālasya sidhyati 380ab: japaṃ kṛtvā tu medhāvī nānyam etat samarpayet 380cd: mantrī kurvīta yatnena yathārthatvaṃ nibodhata 381ab: prathame vāyavī proktā dvitīyā tv analā smṛtā 381cd: tṛtīyā caiva māhendrī vāruṇī tu tathāpare 382ab: oṃkārapūrvato mantraṃ namaskārāntayojitam 382cd: bījapiṇḍaṃ tu madhyasthaṃ mudrāyuktaṃ sadā yajet 383ab: kṣipram arthas tathā karma bhuktibhogaṃ sudurlabham 383cd: sādhayen manasā sarvaṃ bījamudrāprayogataḥ 384ab: hūṃkāram adito nyastam namaskārāntavyavasthitam 384cd: uccātayet sarvaduṣtān daityabhūtagrahāṃs tathā 385ab: oṃkārayojitasyādau svāhākārāvasānataḥ 385cd: agnikāryaprayogo 'yaṃ kṣipram arthaṃ prasādhayet 386ab: oṃkārasamputaṃ piṇḍaṃ rakāreṇa tu dīpakam 386cd: sādhayen manasā dhyātvā kāmārthaś ca yathepsitam 387ab: suptaṃ bodhayate mantrī śīghraṃ siddhim avāpnuyāt 387cd: oṃkāraś ca rakāraś ca phaṭkāraś caiva madhyataḥ 388ab: madhye vargāntapiṇḍas tu karma kuryād yathepsitam 388cd: hūṃkāram ādau ante ca hakāraś cādimadhyataḥ 389ab: japan tu bodhayen mantrī api suptam acetanam 389cd: hūṃkāraś ca rakāraś ca phaṭkāram ādimadhyataḥ 390ab: kruddhas tujāpayenmantrīyadākarma na kurvati 390cd: oṃkārasamputaṃ kṛtvā namaskārāntayojitam 391ab: japet piṇḍākṣaraṃ mantrī sarvasiddhikaraṃ param 391cd: śāntikapauṣtikaṃ karma śubheṣu aśubheṣu ca 392ab: kṣipram āvāhane siddhir homabījaprayogataḥ 392cd: homayet phalabījāni dhānyabījatṛṇāni ca 393ab: payasā vāpi śuddhena homakarma hy udāhṛtam 393cd: madhunā ghṛtasaṃyuktaṃ tilaṃ juhyād vicakṣaṇi 394ab: sādhayet sarvakarmāṇi vaṣatkṛtaṃ japiṣyati 394cd: sarveṣāṃ guhyamantrāṇāṃ bījamudrāṃ prayojayet 395ab: aprakāśyam idaṃ guhyaṃ śivavaktrād viniḥsṛtam 395cd: yas tv idaṃ dhyāyate nityaṃ pūjayen manasā japet 396ab: sa bhuṅkte vipulān bhogān īśānāntapadaṃ labhet vīṇāśikhā sārdhaśatatrayaṃ yāmalatantraṃ samāptam iti (Verse 375 in Ed has only 2 pādas) Appendices : A: hūṃkārādau svāhānte ākarṣaṇe oṃkārādau vauṣat ante śāntike oṃkārādau su vaṣaḍ ante pauṣtike oṃkārādau vaṣaḍante 'mṛtīkaraṇe phat phat māraṇe oṃ kṣraṃ saṃhārāstra B: kṣa puruṣa/prakṛti buddhi/ahaṅkāra manaḥ ja śabdasparśarasarūpagandha tanmātraṃ bha pṛthivī āpa teja vāyu ākāśa pañcamahābhūta /ma/śrotratvaccakṣurjihvāghrāṇa buddhīndriya ha/vākpāṇipādapāyūpastha karmendriya C: jaya brāhmani bhūmi vijaya kṣatrāṇi / āpa ajita / vaisani / teja aparājita sūdrani / vāyu tumburu akāśa śūnya nirguṇa D: kṣakāraḥ puruṣaḥ sākṣāt makāraḥ prakṛtiḥ smṛtā mahān hakāram ity āhur ahaṃkāras tu ya smṛtaḥ oṃkāras tu manaḥ proktaṃ kathitaṃ devi te kramāt Colophon : vīṇāśikhaṃ vāmatantraṃ sampūrṇam śubham astu