%Stavacintāmaṇi of Bhaṭṭanārāyaṇa
%input by SḌ. Vasudeva in 2000, never proof-read.

StaCi001ab: sugirā cittahāriṇyā & paśyantyā dṛśyamānayā 
StaCi001cd: jayaty ullāsitānanda&mahimā parameśvaraḥ 
StaCi002ab: yaḥ sphītaḥ śrīdayābodha&paramānandasaṃpadā 
StaCi002cd: vidyoddyotitamāhātmyaḥ & sa jayaty aparājitaḥ 
StaCi003ab: prasaradbindunādāya & śuddhāmṛtamayātmane 
StaCi003cd: namo 'nantaprakāśaya & śaṅkarakṣīrasindhave 
StaCi004ab: dviṣmas tvāṃ tvāṃ stumas tubhyaṃ & mantrayāmo 'mbikāpate 
StaCi004cd: ativāllabhyataḥ sādhu & viṣvaṅ no dhṛtavān asi 
StaCi005ab: saṃhṛtasparśayogāya & saṃpūrṇāmṛtasūtaye 
StaCi005cd: viyanmāyāsvarūpāya & vibhave śambhave namaḥ 
StaCi006ab: bhinneṣv api na bhinnaṃ yac& chinneṣv acchinnam eva ca 
StaCi006cd: namāmaḥ sarvasāmānyaṃ & rūpaṃ tat pārameśvaram 
StaCi007ab: praṇavordhvārdhamātrāto & ' py aṇave mahete punaḥ 
StaCi007cd: brahmāṇḍād api nairguṇya&guṇāya sthāṇave namaḥ 
StaCi008ab: brahmāṇḍagarbhiṇīṃ vyoma&vyāpinaḥ sarvatogateḥ 
StaCi008cd: parameśvarahaṃsasya & śaktiṃ haṃsīm iva stumaḥ 
StaCi009ab: nirupādānasaṃbhāram & abhittāv eva tanvate 
StaCi009cd: jagac citraṃ namas tasmai & kalāślāghyāya śūline 
StaCi010ab: māyājalodarāt samyag & uddhṛtya vimalīkṛtaṃ % em: māyājālodarāt 
StaCi010cd: śivajñānaṃ svato dugdhaṃ & dehy ehi harahaṃsa naḥ 
StaCi011ab: ṣaṭpramāṇīpariccheda&bhedayoge 'py abhedine 
StaCi011cd: paramārthaikabhāvāya & baliṃ yāmo bhavāya te 
StaCi012ab: api paśyema gambhīrāṃ & pareṇa jyotiṣābhitaḥ 
StaCi012cd: unmṛṣṭatamasaṃ ramyāṃ & antar bhava bhavadguhām 
StaCi013ab: namas tebhyo 'pi ye soma&kalākalitaśekharam 
StaCi013cd: nāthaṃ svapne 'pi paśyanti & paramānandadāyinam 
StaCi014ab: bhagavan bhava bhāvatkaṃ & bhāvaṃ bhāvayituṃ ruciḥ 
StaCi014cd: punarbhavabhayoccheda&dakṣā kasmai na rocate 
StaCi015ab: yāvajjīvaṃ jagannātha & kartavyam idam astu naḥ 
StaCi015cd: tvatprasādāt tvadekāgra&manaskatvena yā sthitiḥ 
StaCi016ab: śākhāsahasravistīrṇa&vedāgamamayātmane 
StaCi016cd: namo'nantaphalotpāda&kalpavṛkṣāya śambhave 
StaCi017ab: vāṅmanaḥkāyakarmāṇi & viniyojya tvayi prabho 
StaCi017cd: tvanmayībhūya nirdvandvāḥ & kac cit syāmāpi karhi cit 
StaCi018ab: jagatāṃ sargasaṃhāra&tattaddhitaniyuktiṣu
StaCi018cd: ananyāpekṣasāmarthya&śāline śūline namaḥ 
StaCi019ab: vyatītaguṇayogasya & mukhyadhyeyasya dhūrjaṭeḥ 
StaCi019cd: nāmāpi dhyāyatāṃ dhyānaiḥ & kim anyālambanaiḥ phalam 
StaCi020ab: namo namaḥ śivāyeti & mantrasāmarthyam āśritāḥ 
StaCi020cd: ślāghyās te śāmbhavīṃ bhūtim & upabhoktuṃ ya udyatāḥ 
StaCi021ab: kaḥ panthā yena na prāpyaḥ & kā ca vāṅ nocyase yayā 
StaCi021cd: kiṃ dhyānaṃ yena na dhyeyaḥ & kiṃ vā kiṃ nāsi yat prabho 
StaCi022ab: arcito 'yam ayaṃ dhyāta & eṣa toṣita ity ayam 
StaCi022cd: rasaḥ srotaḥsahasreṇa & tvayi me bhava vardhatām 
StaCi023ab: namo niḥśeṣadhīpatri&mālālayamayātmane 
StaCi023cd: nāthāya sthāṇave tubhyaṃ & nāgayajñopavītine 
StaCi024ab: ajñānatimirasyaikam & auṣadhaṃ saṃsmṛtis tava 
StaCi024cd: bhava tattatpradānena & prasādaḥ kriyatāṃ mayi 
StaCi025ab: nama īśāya niḥśeṣa&puruṣārthaprasādhakaḥ 
StaCi025cd: praṇantavyaḥ praṇāmo 'pi & yadīya iha dhīmatām 
StaCi026ab: magnair bhīme bhavāmbodhau & nilaye duḥkhayādasām 
StaCi026cd: bhakticintāmaṇiṃ śārvaṃ & tataḥ prāpya na kiṃ jitam 
StaCi027ab: nirāvaraṇanirdvandva&niścalajñānasaṃpadām 
StaCi027cd: jñeyo 'si kila ke 'py ete & ye tvāṃ jānanti dhūrjaṭe 
StaCi028ab: nirguṇo 'pi guṇajñānaṃ & jñeya eko jayaty ajaḥ 
StaCi028cd: niṣkāmo 'pi prakṛtyā yaḥ & kāmanānāṃ paraṃ phalam 
StaCi029ab: śrīratnāmṛtalābhāya & kliṣṭaṃ yatra na kaiḥ suraiḥ 
StaCi029cd: tatkṣīrodadamaiśvaryaṃ & tavaiva sahajaṃ vibho 
StaCi030ab: namo bhaktyā nṛṇāṃ muktyai & bhavate bhava te 'vate 
StaCi030cd: smṛtyā nutyā ca dadate & śambhave śaṃ bhave 'bhave 
StaCi031ab: sarvajñaḥ sarvakṛt sarvam & astīti jñānaśālinām 
StaCi031cd: vedyaṃ kiṃ karma vā nātha & nānantyāya tvayārpyate 
StaCi032ab: icchāyā eva yasyeyat & phalaṃ lokatrayātmakam 
StaCi032cd: tasya te nātha kāryāṇāṃ & ko vetti kiyatī gatiḥ 
StaCi033ab: brahmādayo 'pi tad yasya & karmasopānamālayā 
StaCi033cd: uparyupari dhāvanti & labdhuṃ dhāma namāmi tam 
StaCi034ab: ayaṃ brahmā mahendro 'yaṃ & sūryacandramasāv imau 
StaCi034cd: iti śaktilatā yasya & puṣpitā pātv asau bhavaḥ 
StaCi035ab: brahmo na labhyate yasya bhrāntāntaḥkaraṇair api 
StaCi035cd: dūragair api yasyānto & durgamas taṃ stumo mṛdam 
StaCi036ab: namaḥ stutau smṛtau dhyāne & darśane sparśane tathā 
StaCi036cd: prāptau cānandavṛndāya & dayitāya kapardine 
StaCi037ab: kiṃ smayeneti matvāpi & manasā parameśvara
StaCi037cd: smayena tvanmayo 'smīti & māmi nātmani kiṃ mudā 
StaCi038ab: cintayitvāpi kartavya&koṭīś cittasya cāpalāt 
StaCi038cd: viśrāmyan bhava bhāvatka&cittānande rame bhṛśam 
StaCi039ab: sūkṣmo 'si cet trilokīyaṃ & kalāmātraṃ kathaṃ tava 
StaCi039cd: sthūlo 'tha kiṃ sudarśo na & brahmādibhir api prabho 
StaCi040ab: vācya eṣāṃ tvam eveti & nābhaviṣyad idaṃ yadi 
StaCi040cd: kaḥ kleśaṃ deva vāgjāle&ṣv akariṣyat sudhīs tadā % not a yatibhraṣṭa caesura! cf Vāmana's Kāvyālaṅkārasūtravṛtti 2.2.4
StaCi041ab: krameṇa karmaṇā kena & kayā vā prajñayā  prabho 
StaCi041cd: dṛṣyo 'dīty ūpadeśena & prasādaḥ kriyatāṃ mama 
StaCi042ab: namo nirupakāryāya & trailokyaikopakāriṇe 
StaCi042cd: sarvasya spṛhaṇīyāya & niḥspṛhāya kapardine 
StaCi043ab: aho kṣetrajñatā seyaṃ & kāryāya mahate satām
StaCi043cd: yayānantaphalāṃ bhaktiṃ & vapanti tvayy amī prabho 
StaCi044ab: mahatīyam aho māyā & tava māyin yayāvṛtaḥ 
StaCi044cd: tvaddhyānanidhilābhe 'pi & mugdho lokaḥ ślathāyate 
StaCi045ab: ārambhe bhava sarvatra & karma vā karaṇādi vā 
StaCi045cd: viśvam astu svatantras tu & kartā tatraikako bhavān 
StaCi046ab: triguṇatriparispanda&dvandvagrastaṃ jagattrayam 
StaCi046cd: uddhartuṃ bhavato 'nyasya & kasya śaktiḥ kṛpātha vā 
StaCi047ab: doṣo 'pi deva ko doṣas & tvām āptuṃ yaḥ samāsthitaḥ 
StaCi047cd: guṇo 'pi ca guṇaḥ ko nu & tvāṃ nāptuṃ yaḥ samāsthitaḥ 
%alternate 047ab: rāgo 'py astu jagannātha & mama tvayy eva yaḥ sthitaḥ 
%alternate 047cd: lobhāyāpi namas tasmai & tvallābhālambanāya me 
StaCi048ab: aho mahad idaṃ karma & deva tvadbhāvanātmakam 
StaCi048cd: ābrahmakrimi yasmin no & muktaye 'dhikriyeta kaḥ
StaCi049ab: ārambhaḥ sarvakāryāṇāṃ & paryantaḥ sarvakarmaṇām
StaCi049cd: tadantarvṛttayaś citrās & tavaiveśa dhiyaḥ pathi 
StaCi050ab: yāvad uttaram āsvāda&sahasraguṇavistaraḥ 
StaCi050cd: tvadbhaktirasapīyūṣān & nātha nānyatra dṛśyate 
StaCi051ab: upasaṃhṛtakāmāya & kāmāyatim ātanvate 
StaCi051cd: avataṃsitasomāya & somāya svamine namaḥ 
StaCi052ab: kim aśaktaḥ karomīti & sarvatrānadhyavasyataḥ 
StaCi052cd: sarvānugrāhikā śaktiḥ & śāṅkarī śaraṇaṃ mama  
StaCi053ab: guṇātītasya nirdiṣṭa&niḥśeṣātiśayātmanaḥ 
StaCi053cd: labhyate bhava kutrāṃśe & paraḥ pratinidhis tava 
StaCi054ab: nirdvandve nirupādhau ca & tvayy ātmani sati prabho 
StaCi054cd: vayaṃ vañcyāmahe 'dyāpi & māyayāmeyayā tava 
StaCi055ab: aṇimādiguṇāvāptiḥ & sadaiśvaryaṃ bhavakṣayaḥ 
StaCi055cd: amī bhava bhavadbhakti&kalpapādapapallavāḥ 
StaCi056ab: yā yā dik tatra na kvāsi & sarvaḥ kālo bhavanmayaḥ 
StaCi056cd: iti labdho 'pi karhi tvaṃ & lapsyase nātha kathyatām 
StaCi057ab: namaḥ prasannasadvṛttaḥ & mānasaikanivāsine 
StaCi057cd: bhūribhūtisitāṅgāya & mahāhaṃsāya śambhave 
StaCi058ab: hṛtoddhatatamas tāntiḥ & pluṣṭāśeṣabhavendhanā 
StaCi058cd: tvadbodhadīpikā me 'stu & nātha tvadbhaktidīpikā 
StaCi059ab: visṛṣṭānekasadbīja&garbhaṃ trailokyanāṭakam 
StaCi059cd: prastāvya hara saṃhartuṃ & tvattaḥ ko 'nyaḥ kaviḥ kṣamaḥ 
StaCi060ab: namaḥ sadasatām kartum & asattvaṃ sattvam eva vā
StaCi060cd: svatantrāyāsvatantrāya & vyayaiśvaryaikaśaline 
StaCi061ab: trailokye 'py atra yo yāvān & ānandaḥ kaś cid īkṣyate 
StaCi061cd: sa bindur yasya taṃ vande & devam ānandasāgaram 
StaCi062ab: aho brahmādayo dhanyā & ye vimuktānyasaṃkatham 
StaCi062cd: namo namaḥ śivāyeti & japanty āhlādavihvalāḥ 
StaCi063ab: niṣkāmāyāpi kāmānām & anantānāṃ vidhāyine 
StaCi063cd: anāditve 'pi viśvasya & bhoktre bhava namo 'stu te 
StaCi064ab: stumas tribhuvanārambha&mūlaprakṛtim īśvaram 
StaCi064cd: lipseran nopakāraṃ ke & yataḥ saṃpūrṇadharmaṇaḥ 
StaCi065ab: mahatsv apy arthakṛcchreṣu & mohaughamalinīkṛtāḥ 
StaCi065cd: smṛte yasmin prasidanti & matayas taṃ śivaṃ stumaḥ 
StaCi066ab: prabho bhavata  eveha & prabhuśaktir abhaṅgurā 
StaCi066cd: yadicchayā pratāyete & trailokyasya layodayau 
StaCi067ab: kukarmāpi yam uddiśya & devaṃ syāt sukṛtaṃ param 
StaCi067cd: sukṛtasyāpi saukṛtyaṃ & yato 'nyatra na so 'si bhoḥ 
StaCi068ab: eṣa muṣṭyā gṛhīto 'si & dṛṣṭa eṣa kva yāsi naḥ 
StaCi068cd: iti bhaktirasādhmātā & dhanyā dhāvanti dhūrjaṭim 
StaCi069ab: stumas tvām ṛgayajuḥsāmnāṃ & śukrataḥ parataḥ param 
StaCi069cd: yasya vedātmikajñeyam & aho gambhīrasundarī 
StaCi070ab: vidhir ādis tathānto 'si & viśvasya parameśvara 
StaCi070cd: dharmagrāmaḥ pravṛtto yas & tvatto na sa kuto bhavet 
StaCi071ab: namas te bhavasaṃbhrānta&bhrāntim udbhāvya bhindate 
StaCi071cd: jñānānandaṃ ca nirdvandvaṃ & deva vṛtvā vivṛṇvate 
StaCi072ab: yasyāḥ prāpyeta paryanta&veśeṣaḥ kair manorathaiḥ 
StaCi072cd: māyām ekanimeṣeṇa & muṣṇaṃs tāṃ pātu naḥ śivaḥ 
StaCi073ab: vairāgyasya gatiṃ gurvīṃ & jñānasya paramāṃ śriyam 
StaCi073cd: naiḥspṛhyasya parāṃ koṭiṃ & bibhratāṃ tvaṃ prabho prabhuḥ 
StaCi074ab: brāhmaṇo 'pi bhavān brahma & kasya neśas tvam īśituḥ 
StaCi074cd: jagatkalyāṇakalyāṇaṃ & kiyat tvam iti vetti kaḥ 
StaCi075ab: kim anyair bandhubhiḥ kiṃ ca & suhṛdbhih svāmibhis tathā 
StaCi075cd: sarvasthāne mameśa tvaṃ & ya uddhartā bhavārṇavāt 
StaCi076ab: jayanti mohamāyādi&malasaṃkṣālanakṣamāḥ 
StaCi076cd: śaivayogabalākṛṣṭā & divyapīyūṣavipruṣaḥ 
StaCi077ab: gāyatryā gīyate yasya & dhiyāṃ tejaḥ pracodakam 
StaCi077cd: codayed api kac cin naḥ & sa dhiyaḥ satpathe prabhuḥ 
StaCi078ab: aṣṭamūrte kim ekasyām & api mūrtau na naḥ sthitim 
StaCi078cd: śāśvatīṃ kuruṣe yad vā & tuṣṭaḥ sarvaṃ kariṣyasi 
StaCi079ab: vastutattvaṃ padārthānāṃ & prāyeṇārthakriyākaram 
StaCi079cd: bhavatas tv īśa nāmāpi & mokṣaparyantasiddhidam 
StaCi080ab: muhur muhur jagaccitra&syānyānyāṃ sthitim ūhitum 
StaCi080cd: śaktir yā te tayā nātha & ko manasvī na vismitaḥ 
StaCi081ab: duṣkaraṃ sukarīkartuṃ & duḥkhaṃ sukhayituṃ tathā 
StaCi081cd: ekavīrā smṛtir yasya & taṃ smarāmaḥ smaradviṣam 
StaCi082ab: jayanti gītayo yāsāṃ & sa geyaḥ parameśvaraḥ 
StaCi082cd: yannāmnāpi mahātmānaḥ & kīryante pulakāṅkuraiḥ 
StaCi083ab: bhavān iva bhavān eva & bhaved yadi paraṃ bhava 
StaCi083cd: svaśaktivyūhasaṃvyūḍhatrailokyārambhasaṃhṛtiḥ 
StaCi084ab: mantro 'si mantraṇīyo 'si & mantrī tvattaḥ kuto 'paraḥ 
StaCi084cd: sa mahyaṃ dehi taṃ mantraṃ & tvanmantraḥ syāṃ yathā prabho 
StaCi085ab: bhārūpaḥ satyasaṃkalpas & tvam ātmā yasya so 'py aham 
StaCi085cd: saṃsārīti kim īśaiṣa & svapnaḥ so 'pi kutas tvayi 
StaCi086ab: tadabhaṅgi tadagrāmyaṃ & tadekam upapattimat 
StaCi086cd: tvayi karmaphalanyāsa&kṛtām aiśvaryam īśa yat 
StaCi087ab: kṣamaḥ kāṃ nāpadaṃ hantuṃ & kāṃ dātuṃ saṃpadaṃ na vā 
StaCi087cd: yo 'sau sa dayito 'smākaṃ & devadevo vṛṣadhvajaḥ 
StaCi088ab: māyāmayamalāndhasya & divyasya jñānacakṣuṣaḥ 
StaCi088cd:  nirmalīkaraṇe nātha & tvadbhaktiḥ param āñjanam 
StaCi089ab:  nirbhayaṃ yadyadānanda&mayam ekaṃ yadavyayam 
StaCi089cd:  padaṃ dehy ehi me deva & tūrṇaṃ tat kiṃ pratīkṣase
StaCi090ab:  aho nisargagambhīro & ghoraḥ saṃsārasāgraḥ 
StaCi090cd:  aho tattaraṇopāyaḥ & paraḥ ko 'pi maheśvaraḥ 
StaCi091ab:  namaḥ kṛtakṛtāntānta & tubhyaṃ madanamardine 
StaCi091cd:  mastakanyastagaṅgāya yathāyuktārthakāriṇe 
StaCi092ab:  aiśvaryajñānavairāgya&dharmebhyo 'py upari sthitim 
StaCi092cd:  nātha prārthayamānānāṃ & tvadṛte kā parā gatiḥ 
StaCi093ab:  tvayy anicchati kaḥ śaṃbho & śaktah kubjayituṃ tṛṇam 
StaCi093cd:  tvadicchānugṛhītas tu & vahed brāhmīṃ dhuraṃ na kaḥ 
StaCi094ab:  harapraṇatimāṇikya&mukuṭotkaṭamastakāḥ 
StaCi094cd:  nameyuḥ kaṃ paraṃ kaṃ vā & namayeyur na dhīdhanāḥ 
StaCi095ab:  sarvavibhramanirmoka&niṣkampam amṛtahradam 
StaCi095cd:  bhavajjñānāmbudher madhyam adhyāsīyāpi dhūrjaṭe 
StaCi096ab:  citraṃ yac citradṛṣto 'pi & manorathagato 'pi vā 
StaCi096cd:  paramārthaphalaṃ nātha & paripūrṇaṃ prayacchasi 
StaCi097ab:  ko guṇair adhikas tvattaḥ & tvattaḥ ko nirguṇo 'dhikaḥ 
StaCi097cd:  iti nātha numaḥ kiṃ tvāṃ & kiṃ nindāmo na manmahe 
StaCi098ab:  kīrtane 'py amṛtaughasya & yat prasatteḥ phalaṃ tava 
StaCi098cd:  tat pātum api ko 'nyo 'laṃ & kim u dātuṃ jagatpate 
StaCi099ab:  niḥśeṣaprārthanīyārtha&sārthasiddhinidhānataḥ 
StaCi099cd:  tvattas tvadbhaktim evāptuṃ & prārthaye nātha sarvathā
StaCi100ab:  namas trailokyanāthāya & tubhyaṃ bhava bhavajjuṣām 
StaCi100cd:  trilokīnāthatādāna&nirvināyakaśaktaye 
StaCi101ab:  niḥśeṣakleśahānasya & hetuḥ ka iti saṃśaye 
StaCi101cd:  svāmin so 'sīti niścitya & kas tvāṃ na śaraṇaṃ gataḥ 
StaCi102ab:  bhuktvā bhogān bhavabrāntiṃ & hitvā lapsye paraṃ padam 
StaCi102cd:  ity āśamseha śobheta & śambhau bhaktimataḥ param 
StaCi103ab:  nātha svapne 'pi yat kuryāṃ & brūyāṃ vā sādhv asādhu vā
StaCi103cd:  tvadadhīnatvadarpeṇa & sarvatrātrāsmi nirvṛtaḥ 
StaCi104ab:  jyotiṣām api yaj jyotis & tatra tvaddhāmni dhāvataḥ 
StaCi104cd:  cittasyeśa tamaḥsparśo & manye bandhyātmajānujaḥ 
StaCi105ab:  manye nyastapadaḥ so 'pi & kṣemye mokṣasya vartmani 
StaCi105cd:  manorathaḥ sthito yasya & seviṣye śivam ity ayam 
StaCi106ab:  sthityutpattilayair loka&trayasyopakriyāsv iha 
StaCi106cd:  ekaiveśa bhavacchaktiḥ & svatantraṃ tantram īkṣate 
StaCi107ab:  trilokyām iha kas trātas & tritāpyā nopatāpitaḥ 
StaCi107cd:  tasmai namo 'stu te yas tvaṃ & tannirvāṇāmṛtahradaḥ 
StaCi108ab:  kṛtrimāpi bhavadbhaktir & akṛtrimaphalodayā 
StaCi108cd:  niśchadmā ced bhaved eṣā & kiṃ phaleti tvayocyatām 
StaCi109ab:  tac cakṣur īkṣyase yena & sā gatir gamyase yayā 
StaCi109cd:  phalaṃ tad aja jātaṃ yat & tvatkathākalpapādapāt 
StaCi110ab:  śreyasā śreya evaitad & upari tvayi yā sthitiḥ 
StaCi110cd:  tadantarāyahṛtaye & tvam īśa śaraṇaṃ mama 
StaCi111ab:  aho svādutamaḥ śarva&sevāsaṃsāsudhārasaḥ 
StaCi111cd:  kutra kālakalāmātre & na yo navanavāyate 
StaCi112ab:  muhur muhur aviśrāntas & trailokyaṃ kalpanāśataiḥ 
StaCi112cd:  kalpayann api ko 'py eko & nirvikalpo jayaty ajaḥ 
StaCi113ab:  malatailāktasaṃsāra&vāsanāvartidāhinā 
StaCi113cd:  jñānadīpena deva tvāṃ & kadā nu syām upasthitaḥ 
StaCi114ab:  nimeṣam api yady ekaṃ & kṣīṇadoṣe kariṣyasi 
StaCi114cd:  padaṃ citte tadā śambho & kiṃ na saṃpādayiṣyasi 
StaCi115ab:  dhanyo 'smi kṛtakṛtyo 'smi & mahān asmīti bhāvanā 
StaCi115cd:  bhavet sālambanā tasya & yas tvadālambanaḥ prabho 
StaCi116ab:  śubhāśubhasya sarvasya & svayaṃ kartā bhavān api 
StaCi116cd:  bhavadbhaktis tu jananī & śubhasyaiveśa kevalam 
StaCi117ab:  prasanne manasi svāmin & kiṃ tvaṃ niviśase kim u 
StaCi117cd:  tvatpraveśāt prasīdet tad & iti dolāyate janaḥ 
StaCi118ab:  niścayaḥ punar eṣo 'tra & tvadadhiṣṭhānam eva hi 
StaCi118cd:  prasādo manasaḥ svāmin  & sā siddhis tat paraṃ padam 
StaCi119ab:  vacaś cetaś ca kāryaṃ ca & śarīraṃ mama yat prabho 
StaCi119cd:  tvatprasādena tad bhūyād & bhavadbhāvaikabhūṣaṇam 
StaCi120ab:  stavacintāmaṇiṃ bhūri&manorathaphalapradam 
StaCi120cd:  bhaktilakṣmyālayaṃ śambhor & bhaṭṭanārāyaṇo vyadhāt