%Harasola copperplates of Sīyaka II saṃvat 1005 = 949 AḌ. 
%EI 19, 1926 pp. 236
%Grant A
%typed by S.D.Vasudeva

1: oṃ 

			vidyuccakrakaḍārakesarasaṭābhiṃnāmbudaśreṇayas
			śoṇāṃ netrahutāśaḍambarabhṛtaḥ siṃghā[2:]skṛteḥ śāraṅgiṇaḥ /
			visphūrjjadgalagarjjitarjjitakakunmātāṅgadarpaudayāḥ 
			saṃraṃbhās sukhayantu vaḥ kharana[3:]khakṣu[ṇṇa]dviṣadvakṣasaḥ //(1)

paramabhaṭṭārakamahārājādhirājaparameśvaraśrīmadAmoghavarṣadevapādā[4:]nudhyātaparamabhaṭṭārakamahārājādhirājaparameśvaraśrīmadAkālavarṣadevaprthivīvallabhaśrīvalla[5:]bhanarendrapādānāṃ 

			tasmin kule kalmaṣamoṣadakṣe jātaḥ pratāp[ā]gnihutāripakṣaḥ /
			bappaipa[6:]rājeti prasiddhas tasmāt suto [']bhūd anu Vairisiṃghaḥ //(2)
			
			dṛptārivanitāvaktracandrabimbakalaṃ[7:]katā /
			no dhautā yasya kīrtyāpi Harahāsāvadātayā // (3)
			
			durvvāraripubhūpālaraṇaraṅgaikanā[8:]yakaḥ  /
			nṛpaḥ śrīSīyakas tasmāt kulakalpadrumo [']bhavat (4)
			
sa evaṃvidhaḥ praṇatasakalasāmanta[9:]śiromaṇimarīciraṃjitacaraṇayugalaḥ śrīKheṭakamaṇḍalādhipatipratipattipratibaddhatrutki(or: trukti?)[10:]satūryaravasantrastānekaripusamūhaḥ anekaśaṅkhadhvanibadhiritapaṃcavarṇapatākārājīvīrā[11:]jitaviśālavakṣa<ḥ>sthalāvalambitakumudabāndhavaḥ atuladānasaṃpādanaikakalpadrumaḥ mahāmaṃḍa[12:]likacūḍāmaṇimahārājādhirājapatiśrīSīyakaḥ, svabhujyamānaMohaḍavāsakaviṣayasaṃbaddhaKuṃ[13:]bhāroṭakagrāmaḥ / samastarājapuruṣān prativāsijanapadāṃś ca bodhayaty astu vaḥ yathā Yogarāja[14:]syopari yāttrāsamayasaṃsiddhakāryanaṃtaravyāghuṭitair Mahīnadītaṭanivāsibhir asmābhiś caṃdrā[15:]rkkayogaparvvaṇi Śivanāthaṃ samabhyarcyāva[dhā]rya // 

		vātābhravibhramam idaṃ vasudhādhipatyam 
		āpāta[16:]māttramadhuro viṣayopabhogaḥ / 
		prāṇās tṛṇāgrajalabindusamā narāṇāṃ  
		dharmaḥ sakhā paramaho[17:]paralokayāne // (5)
		
iti jagad anityaṃ sakalam avadhāryoparilikhito grāmaḥ sasīmātṛṇagocaraparyaṃ[18:]ta<ḥ> soparikāraḥ sarvvādāyasamopetaḥ śrīmadĀnaṃdapurīyaNāgarāyaTryārṣeyāya Gopālisa[19:]gottrāya Govarddhanasūnave Lallopādhyāyāya mātāpittror ātmanaś ca puṇyayasobhivṛddhaye adṛṣṭapha[20:]lam aṃgīkṛtyācaṃdrārkkārṇṇavakṣitisamakālaṃ parayā bhaktyā śāsanena udakapūrvvakaṃ pratipādita i[21:]ti // taṃnivāsijanapadair yathādīyamanabhāgabhogakarahiraṇyādisarvvam ājñāśravaṇavidheyair bhūtvā [22:] tatputtrapauttrādibhyaḥ samupanetavyaṃ / iti bud<d>hvā asmadvaṃśajair anyair api bhāvibhoktṛbhiḥ matpradatta[23:]dharmadāyo <'>yaṃm anumantavyaḥ pālanīyaś ca / uktaṃ ca / 

		bahubhir vasudhā bhuktā rājabhiḥ Sāgarādibhiḥ /
		[24:]yasya yasya yadā bhūmis tasya tasya tadā pahalam // (6)
		
		yānīha dattāni purā narendrair 
			dānāni dharmārthayaśaskarāṇi /
		[25:]nirmālyavāntapratimāni tāni 
			ko nāma sādhuḥ punar ādadīta // (7)

saṃvat 1005 Māgha va di 30 Budhe dāpako [26:] <'>tra ṭhakkuraḥ śrīViṣṇuḥ / rājājñayā likhitaṃ kāyasthaGuṇaṃdhareṇa // svahasto <'>yaṃ śrīSīyakasya //