%Picumatatantram / Brahmayāmalam
%Lakṣabhedanavamaḥ 9 Paṭalaḥ 
%uncorrected, typed "as is"
%from  NAK 3-370, NGMPP a42/6, 
%ff.344, palmleaf, copied in A.D. 1052 
 %SDV 

PiMa09.1ab: athātaḥ saṃpravakṣyāmi    & lakṣabhede yathā kramam    
PiMa09.1cd: śāntarūpakalā devy[āḥ]   & śivayuktā vicintayet    
PiMa09.2ab: śaktisthā jyotirūpasth[ā]     & sṛṣṭikāle - anusmaret  
PiMa09.2cd: vidyāsthā yojane yuktā    & māyāyuktās tu sādhane   
PiMa09.3ab: binduyuktā smared devyā    & viśvakarme yathā sthitāḥ   
PiMa09.3cd: mokṣadā śāntirūpās tu    & śaktirūpās tu siddhidāḥ   
PiMa09.4ab: vidyārūpās tu karmajño    & māyārūpā kriyātmakāḥ   
PiMa09.4cd: lakṣasthā bindurūpās tu     & sarvakarmeṣu yojayet   
PiMa09.5ab: śāntirūpā nirācārā    & śāktisthā cāvadhūtikā[[ḥ]]   
PiMa09.5cd: sācārā vidy[ā]dehasthā    & prapañcāmayavigrahe   
PiMa09.6ab: jyotisthā bindurūpās tu     & mantrasthāḥ sarvadā smṛtāḥ   
PiMa09.6cd: jñānabhūtā[[ḥ]] kalā śāntā[[ḥ]]    & śāktisthā[[ḥ]] smaraṇātmikā    
PiMa09.7ab: nādarūpāsthitā vidyā    & uccāryamāyayā mahaḥ   
PiMa09.7cd: bindusthā karṣaye yuktā    & mantrasthā sarvasiddhidā[[ḥ]]   
PiMa09.8ab: evamāhusmaredevyā    & lakṣakāryaiḥ samādhibhiḥ    
PiMa09.8cd: sādhayanti mahābhāgā    & icchārūpair anekadhā   
PiMa09.9ab: yatra mantravadai yuktā    & āsane maṇḍalasthitam   
PiMa09.9cd: vāhanābharaṇai[r] hy astrair    & varṇarūpaiḥ pṛthak pṛthak   
PiMa09.10ab: dhyānakāle prayoktavyāḥ    & siddhyante nātra saṃśayaḥ   
PiMa09.10cd: avibhāgavibhāgaiś ca     & dhyānalakṣākṣarais tathā   
PiMa09.11ab: vāṅmanatvena yuktās tu    & śāntiyuktās tathaiva ca   
PiMa09.11cd: vācā siddhiḥ pravartante    & sarvavyāptitvam eva hi   
PiMa09.12ab: etat te paramaṃ guhyaṃ     & śivasaṃsthānacoditam   
PiMa09.12cd: ākhyātaṃ tu mayā devi    & na kathyaṃ yasya kasya cit   
PiMa09.13ab: na japaṃ niyamaṃ naiva    & na dhyānaṃ yogam eva ca    
PiMa09.13cd: sarvasthā smaraṇe caiva    & samya[k] [[s]]te bhāṣitaṃ mayā   

iti picumate lakṣabhedanavamaḥ paṭalaḥ || 9||