Herman Dooyeweerd -

“...am feallsanach as bun-chruthachaile a nochd san Olaind riamh, gun dearmad a dhèanamh air Spinoza fhèin."
An t-Ollamh G.D. Langemeijer, cathraiche Acadamh Rìoghail Dùitseach nan Saidheansan

“...Am feallsanach as doimhne, as ùr-ghnàthaiche, agus as geurchuisiche o chionn Kant."
Giorgio Delvecchio

Is e lèirsinn cumte a rèir spiorad Crìosdalachd radacaich (san t-seagh seo, Cailbhineach) a th' ann an tuigse seo na smaoine-lagha, le a fòcas teòiriceach air taobhan-cèille ar cosmais. Bidh mi a' cleachdadh samhla gus an lèirsinn seo a dhèanamh nas soilleire dhaibhsan nach eil foghlaimte ann am feallsanachd.

("This understanding of the law-Idea, in its theoretic focus on the meaning-sides of our cosmos is a vision formed in the spirit of a radical Christianity (in this sense Calvinistic). I use a symbol in order to bring this vision closer to those not schooled in philosophy.)

Tha solas na grèine air a ath-raonadh tro phriosam agus thig e am follais dhan t-sùil an riochd sgàinidh dha seachd dathan aithnichte an speactraim. Annta fhèin, tha dathan uile an speactraim nan ath-raonaidhean eisimeileach dhen t-solais neo-bhriste, agus chan fhaodar fear seach fear dhiubh a ghabhail mar bhun-stèidh diofarachadh nan dathan gu lèir. A bharrachd air sin, chan eil dath seach dath ann as eugmhais a cho-leanailt le dathan eile an speactraim. Nuair a thèid an solas neo-bhriste a bhacadh, tha clàr nan dath a' dol à bith buileach glan.

(The light of the sun is refracted though a prism and appears to the eye as split up into the known seven colours of the spectrum. All colours of the spectrum are in themselves dependent refractions of the unrefracted light, and none of these colours may be regarded as integral to the differentiation of all of the colours. Further, not one of the seven colours exists outside of its coherence with the other colours of the spectrum. When the unrefracted light is intercepted, the whole play of colours vanishes into nothing.)

Is e a th' anns an t-solas neo-bhriste ach iomlanachd ciall thìm-tharcheumnach ar cosmais a thaobh a laghalachd is a shuibseigeachd. Dìreach mar a tha tùs aig an t-solas seo ann am màthair-adhbhar an t-solais, tha tùs aig iomlanachd ciall ar cosmais san Arché aige, Tron is Don a rinneadh e.

(The unrefracted light is the time-transcending totality of meaning of our cosmos in respect to its law and subject side. Just as this light has its origin in the source of light, so does the totality of meaning of our cosmos have its origin in its Arché, through Whom and to Whom it has been created.)

Is e a th' anns a' phriosam a sgapas na dathan ach tìm chosmach, leis a bheil iomlanachd na cèille ga briseadh na raointean tìmeil.

(The prism that breaks up the colours is cosmic time, by which the fullness of meaning is broken into its temporal aspects.)

San dearbh dòigh nach eil seachd dathan an speactraim an eisimeil air càch a chèile mar mhàthair-adhbhar, chan eil na raointean tìmeil an eisimeil air càch a chèile nas mò, ach tha uachdaranachd aig gach fear dhiubh am broinn a mheud-buaidh fhèin, a rèir brìgh gach meud-buaidh.

(Just as the seven colours of the spectrum do not owe their origin to each other, so do each of these temporal aspects have, with respect to each other, sovereignty in their own sphere according to the meaning of each sphere.)

Ann an iomlanachd chràbhach na cèille chan eil ach aon lagh Dhè, dìreach mar nach eil ann ach aon pheacadh an aghaidh Dhè, dìreach mar nach eil ann ach aon chruitheachd a pheacaich ann an Adhamh.

(In the religious fullness of meaning there is only one law of God, just as there is only one sin against God, just as there is only one creation that has sinned in Adam.)

Ach fo loidhne-crìche na tìme tha iomlanachd na cèille ag ath-raonadh (dìreach mar a bhios solas geal a' briseadh ann am priosam), a' toirt am follais an taobh-lagha agus an taobh-suibseig ann an eugsamhlachd torrach nan raointean, agus tha uachdaranachd aig gach raon na mheudan-buaidh fhèin. Tha gach fear dhe na raointean seo a' taisbeanadh iomlanachd na cèille bho thaobh a mhòdaileachd-cèille fhèin, a rèir modh a bhith fhèin ann an tìm.

("But under the boundary line of time the fullness of meaning breaks (just as white light breaks in a prism) into law and subject side in a rich variation of aspects that are sovereign in their own spheres. Each of these aspects displays the fullness of meaning in its own modality of meaning according to its temporal mode of being.")

(Faclan Dooyeweerd eadar-theangaichte gu Beurla le Glenn Friesen)

Obair Dhooyeweerd eadar-theangaichte bho Dhùitsis gu Beurla le Dr J. Glenn Friesen -

De Wijsbegeerte der Wetsidee Volume I
Foreword
Introduction
Ground-Idea
Foundation
Law-Idea
Prism of Cosmic Time
Law and Subject
Philosophy/Worldview

De Wijsbegeerte der Wetsidee Volume II
The Gegenstand
Dis-stasis/ Synthesis
Intuition and Time
Conceptual Limits
Horizon and Levels
God, Self and Cosmos