RSS hemsa

FerskaEmma

hemsa@mac.com — 2008-10-04T08:56:56+00:00

það er með ólíkindum sem ég er fersk á laugardagsmorgni.. búin að fara í búð og kaupa 2 jólagjafir og klukkan rétt að verða 9!! geri aðrir betur!

Emma

hárið fær að ferðast!

hemsa@mac.com — 2008-09-24T12:25:33+00:00

þá á að leggja land undir fót og skella sér norður á Akureyrina.. þar bíða mín vinkonur og einn sérstakur ungur piltur.. mikið verður gaman fá að knúsa hann og veltast um með honum um alla íbúðina.. já ég er að tala um Daníel Tý, næstum 5 ára snáða..

ég hef verið að velta því fyrir mér hvað ég þarf að taka með mér.. mér er sagt ég þurfi djammföt en ég held ég þurfi líka náttföt, hómý föt, kaffihúsaföt, sundföt og hlaupaföt.. hvað má maður aftur fara með mörg kíló í innanlandsflug?? já, og þá mundi ég eftir öllum skónum sem ég þarf auðvitað! fjúff.. eins gott að fanney á Steisjon bíl..

hafið það gott um helgina, það ætla ég að gera!
-Emma

ný og endurbætt Emma

hemsa@mac.com — 2008-09-12T18:06:31+00:00

smá brúnka og bjórvömb..

hemsa@mac.com — 2008-08-28T14:01:52+00:00

þá er ég komin aftur úr húsmæðraorlofinu mínu.. hafði það svakalega gott og fékk smá lit og bjórvömb.. en það var sko engu líkt að vakna í morgun með stelpunum mínum.. þær voru svooo kátar að vera búnar að endurheimta mömmu sína.. og mamman auðvitað ennþá ánægðari með að vera komin heim til þeirra allra..
það var allt svo hreint og fínt hér í nótt að ég held að ég ætti bara að gera þetta reglulega.. Eiginmaðurinn stendur sig greinilega vel sem aðþrengdur eiginmaður..

takk fyrir frábæra viku, Hulda! kossar og knúsar..
Emma

Aðþrengdur eiginmaður

hemsa@mac.com — 2008-08-22T10:30:10+00:00

Ég ætlaði að láta heyra aðeins í mér, aðþrengdum eiginmanninum hérna í Holtsbúð. Héðan er allt gott að frétta og allir bíða spenntir eftir að fá móður sína heim frá Spáni.

Kveðja,
Henning

ég er að fara til spánar!

hemsa@mac.com — 2008-08-17T21:01:36+00:00

ef þið hafið ekki heyrt mig segja það þá heyrumst við of sjaldan!
Emma

afmælisbarn dagsins í dag er:

hemsa@mac.com — 2008-07-11T00:14:46+00:00

ÉG!!
-Emma

kaffið bloggar!

hemsa@mac.com — 2008-07-07T12:31:52+00:00

nú er það sko dugnaður, maður minn!
í morgun er ég búin að setja í tvær þvottavélar, tvo þurrkara, brjóta saman þvott úr tveimur vélum og ganga frá honum.. bara þetta teldist afrek út af fyrir sig á venjulegum degi en ég er sko ekki hætt! ég er búin að taka úr uppþvottavélinni, setja í hana, vökva blómin, þurrka af, þrífa klósettið, pússa speglana, ryksuga baðherbergið, svefnherbergið og þvottahúsið!!

þess má til gamans geta að ég er búin að fá mér 2 tvöfalda espressó í morgun!! :)

hafið það gott í blíðunni..
-Emman ofvirka

smá blogg..

hemsa@mac.com — 2008-06-04T12:54:18+00:00

sælinú!
það er aldeilis langt síðan ég bloggaði.. ég bloggaði að vísu á afmælinu hennar Kolku (6.maí) en forritið vildi alls ekki leyfa mér að pöbblissa því.. kannski af því að ég setti nokkrar myndir með.. annars hef ég ekki hugmynd - ég hef aldrei verið þetta tölvunörd sem ég þykist stundum vera..

Síðan barnið lét sjá sig hefur Kolka meira og minna verið veik, fengið 4 (eða 5) sinnum pensilín vegna kvefs og eyrnabólgna, það er meira að segja búið að taka úr henni nefkirtlana og stinga á eyrun..

Barnið fékk nafn um hvítasunnuhelgina.. Hún heitir Hekla eins og svo margir höfðu giskað á :D Við erum voða ánægð með nafnið og hún virðist vera það líka..

Hekla hefur verið með magakrampa síðan hún var 2ja vikna en þeir virðast vera aðeins að lagast.. Hún sefur eins og engill á nóttunni, í 7-8 tíma í senn..

Salka er alsæl með systur sínar og knúsar þær og kyssir margoft á dag.. Núna er hún eiginlega komin í sumarfrí - bara skólaslitin eftir - á morgun! og þá byrjar fjörið :D Salka fer á klifurnámskeið í eina viku í sumar og svo í sumarbúðir í eina viku og svo langar hana voða mikið að skella sér í skólagarðana.. Hún er nefnilega þvílík áhugamanneskja um mat og finnst fátt skemmtilegra en að elda, baka og bera fram mat (matnum stillt upp á disknum eins og á fínustu og flottustu veitingahúsum heims)..

Við skelltum okkur til Providence í tvær vikur í maí.. Ætluðum að hafa það svakalega notalegt og njóta þess að vera í fríi og pakka niður í rólegheitunum þar sem við vorum að fá 2 meðleigjendur.. En neiiii.. það gekk víst ekki alveg þannig.. Það var allt of mikil vinna að pakka öllu dótinu, og fara í gegnum allt og flokka í þrennt:
#1 : það sem á að selja á Yard Sale vorið 2009 (þegar Henning útskrifast)
#2: Það sem á að fara til Kaliforníu (vorönn 2009)
#3: Það sem á að senda í gám til Íslands..
og svo voru auðvitað mörg hundruð hlutir sem var troðið ofan í töskur því það virtist ómissandi á íslandi ákkrúat NÚNA!

við ætlum að skella okkur í sumarbústað í Kjarnaskógi á föstudaginn og vera þar í viku og núna skal þetta verða notalegt sumarfrí þar sem börnin leika lausum hala í skóginum allan daginn og svo verður grillað og hangið í heitapottinum, ohhh yndislegt.. Búin að panta góða veðrið!

annars bið ég ykkur bara vel að lifa og afsaka bloggleysið!

Hún er komin!

hemsa@mac.com — 2008-03-30T08:28:24+00:00

Ég vaknaði aðfararnótt laugardagsins 29.mars kl. 01.50 við verk, fór á klósettið og ætlaði að leggjast aftur uppí rúm og reyna að sofa aðeins meira en það gekk ekki. Ég fór því aftur fram og ákvað að taka tímann á milli verkja, ca 5 mínútur á milli en verkirnir agalega sárir.. Ég mundi ekki eftir því að hafa fengið svona sára verki strax þegar systurnar ákváðu að koma í heiminn..

Ég pikkaði í Henning og sagði að ég heldi að barnið ætlaði að koma í heiminn í dag og hvað segir hann: “já, er það?” og sneri sér á hina hliðina!

Ég reyndi að tína til allt dótið sem ég ætlaði að taka með mér á fæðingardeildina og gerði svo aðra tilraun til þess að vekja Henning, sem ákvað að fara á fætur í þetta skiptið Þá var kl 03.00.

Við hringdum í Fríðu og báðum hana um að passa Kolkuna sem svaf.
Henning hringdi á Hreiðrið og tilkynnti komu okkar og lét taka frá herbergi með baði.

Kl 04.00 lögðum við af stað á Landspítalann og lentum auðvitað á öllum rauðu ljósunum á leiðinni og ég þurfti að hafa mig alla við að einbeita mér að einhverju í hríðunum. Við komum upp á Hreiður kl. 04.15 og fórum strax á fæðingarherbergið og þar var ég sétt í mónitor í 20 mínútur og mér leið voða illa á meðan, gat engan veginn verið og var með verki á milli hríða líka þannig að ég náði ekki að hvílast á milli hríða.

Eftir 20 mínútur í mónitornum athugaði ljósan útvíkkunina sem var milli 8 og 9.. Ég spurði ljósuna hvort ég mætti fara í baðið og hún sagði að það væri ekki víst að ég myndi ná því en hún skildi láta renna í baðið.. Ég sagði henni að ég hefði nú lent í því með Kolkuna að vera með milli 8 og 9 í útvíkkun en hún fæddist ekki fyrr en 5 tímum seinna þannig að ég vissi alveg að þetta gæti tekið tíma.

Henning sendi sms á mömmu mína og hún spurði hvort hún ætti að koma.”Jáááá!” Sagði ég þá.

Um þetta leiti fór ég að finna fyrir rembingsþörf en ég hafði aldrei lent í því fyrr en eftir nokkra rembinga með systurnar, s.s. ljósan hafði þurft að segja mér að ég mætti byrja að rembast og svo eftir nokkra rembinga kom rembingsþörfin.

Ég fór á klósettið og þá kom þessi svakalega rembingsþörf aftur en ég hélt aftur af mér þangað til ég komst aftur upp í rúmið.
Þarna var ég á fjórum fótum á grjónapúða og rembdist með hríðunum og í því kemur mamma inn.

Vatnið byrjaði að leka og var grænt (hún búin að kúka í legvatnið). Ljósan sagði að það væri æskilegast að kalla á barnalækni til þess að vera viðstaddan fæðinguna svo hægt væri að sjúga upp úr skvísunni þegar hún kæmi. Einnig vildi hún setja upp nál í handlegginn á mér ef ég skyldi þurfa dripp og ég sagði henni að hún yrði að vera ansi snögg að því, því það var að koma hríð.

Í þeirri hríð kom höfuðið og í næstu kom búkurinn!! Stelpuskottan var fædd kl. 05.13 – klukkutíma eftir að við komum á Hreiðrið!

Barnalæknirinn náði ekki að svara og ljósan sleppti því að setja upp nálina. Ég náði aldrei að prufa baðið né fá glaðloft né nálastungur.. Þetta var alveg ótrúleg fæðing..

Hún var 4325 gr og 52.5 cm þegar hún fæddist!

engar fréttir = góðar fréttir?

hemsa@mac.com — 2008-03-27T20:53:38+00:00

hæhæ og hó..
langaði bara að segja ykkur, sem kíkið oft á klukkutíma að það er ekkert að gerast.. Bólar ekkert á Rósu Aðalbjörgu (eins og tengdapabbi er farinn að ljúga að barnið eigi að heita).. En mikið verður gaman að hitta þennan þrjóskupúka þegar hún loksins lætur segjast og kemur út...
Salka var lasin í gær, byrjaði að kvarta undan höfuðverk, magaverk og máttleysi í höndunum á miðvikudagsmorguninn en fór nú samt í skólann því ekki var hún með hita.. en svo var hún bara ennþá eins þegar hún var búin í skólanum og fékk svo hita seinnipartinn og var því ákveðið að hún færi ekki í skólann daginn eftir en svo var hún bara alls ekki eins slæm eins og ég hafði átt von á þegar hún vaknaði.. svona mættu sko allar pestir vera..

Kvefið sem ég er búin að vera með í hátt í 10 daga virðist ekkert ætla að fara á næstunni.. en það hlýtur nú að fara þegar sumarið kemur með allri sinni sól og hita!!

hafið það gott..
- Emman

barninu líður of vel!

hemsa@mac.com — 2008-03-26T16:06:43+00:00

ég var send í Monitor og mat (ekki hádegismat) á Lansann í dag og allt lítur voða vel út, eiginlega of vel.. Barninu virðist líða það vel að það ætlar ekkert að koma út strax og ákvörðun var tekin um að ég verði sett af stað á sunnudagsmorguninn ef ekkert gerist fyrir það! jei, það sér fyrir endann á þessari meðgöngu!
vildi bara láta ykkur vita :)
vonandi hafið þið það jafn gott og bumbubúinn!
Emma

hvar er þetta barn??

hemsa@mac.com — 2008-03-22T18:25:42+00:00

ég verð nú bara að viðurkenna að ég er orðin hálf óþolinmóð að bíða eftir þessu barni.. ég hefði sko aldrei giskað á að ég ætti eftir að ganga lengst með 3ja barnið.. ég hef að vísu sólarhring til að jafna Sölkumeðgöngu en ég get ekki ímyndað mér að barnið sé eitthvað á leiðinni á næstunni.. allt með kyrrum kjörum hér á bæ..
- Emma

Ekkert barn!

hemsa@mac.com — 2008-03-18T11:13:35+00:00

jæja þá eru allmargir farnir að hringja og athuga hvort stúlkubarnið í bumbunni fari ekki að láta sjá sig og ég vil bara segja við ykkur að ég er ekki ennþá gengin 41 viku sem virðist vera mín meðgöngulengd svo þið getið beðið róleg fram á annan í páskum.. En svo er enginn hætta á því að við leynum því eitthvað þegar barnið lætur sjá sig!

þið verðið bara að bíða róleg eins og við hin!
-Emma

8 ára barn!

hemsa@mac.com — 2008-03-15T17:47:49+00:00

Nákvæmlega núna, kl 17.49, eru 8 átta ár síðan ég sá Sölkuna mína í fyrsta skiptið! og mikið var hún falleg og er að sjálfsögðu ennþá!

TIL HAMINGJU MEÐ DAGINN SÆTA MÍN!

En það er nú soldið skrítið með hana Sölku, hún virðist eldast hraðar en ég því ég er ennþá bara rúmlega tvítug! :)

þvílíkur hroðbjóður!

hemsa@mac.com — 2008-03-03T14:15:23+00:00

ég fór í búðarleiðangur í dag (svaka leiðangur - alveg í eina búð!) en alla vega ég fór í búð til þess að kaupa mér brjóstagjafahaldara eða brjóstagjafatopp og þar sem ég hafði átt einn svona svakalega fínan þegar Kolkan var lítil (já, einu sinni var hún lítil!) þá ákvað ég að skella mér bara aftur á svoleiðis og ég bið um aðstoð í þessari fínu búð og afgreiðslustelpan ekkert nema almennilegheitin og týnir til gjafahaldarann í réttri stærð og stærstu stærð og sendir mig inn í klefa að máta.. ég vippa mér í haldarann, sem var bara nýrri týpa af gamla mínum, mjög svo glöð í bragði en ó mæ dog, þetta var hryllingur.. ég var öll kramin með keppina uppúr á öllum stöðum og allan hringinn..
ég hryllti mig, sneri mér frá speglinum, reif mig úr þessum óbjóði og rétt náði að skutla mér í mínar eigin flíkur áður en ég hentist út úr búðinni, ennþá með mynd af ógeðinu, sjálfri mér, í huganum!

-Emma

og þá kom Mars!

hemsa@mac.com — 2008-03-01T02:59:01+00:00

Loksins er kominn mars! Minn mánuður.. úff pjúff, sjaldan hef ég verið svona fegin að það eru komin mánaðarmót.. já og ekki vegna þess að ég eigi von á einhverri svaka summu inn á reikninginn, nei ó nei.. ég ætla að unga út þessu barni í þessum mánuði..
Æji hvað það verður gaman að hitta þessa litlu skvísu sem lætur fara soldið mikið fyrir sér - ekki bara í líkama mínum heldur líka í rúminu.. ég er eiginlega ekki með neitt pláss í rúminu lengur því bumban þarf að hafa svo gott pláss.. :)
Ætli bumbuskottan eigi eftir að vera alveg eins og Kolka þegar hún fæddist? Verður hún líka með svona lítið nef og goggamunn?? verður hún með sama hárlit og Kolka var með þegar hún fæddist? Ætli þessi skotta verði jafn stór og Kolka þegar hún fæddist eða kannski stærri??
ég er búin að vera að þvo og brjóta saman pínulitlu barnafötin, ohh þau eru svo krúttaraleg! fullt af bleiku :) Ég þarf að fjárfesta í stærri kommóðu, er strax búin að fylla gömlu kommóðuna hans Hjalta bróður (fötin hans hjalta voru geymd í þessari kommóðu þegar hann fæddist)..

jæja eigum við ekki að segja þetta gott af barnahugleiðingum og skella okkur aftur í bólið..
hafið það gott..
Belgmikla - Emma ..

langar að sofa alla helgina..

hemsa@mac.com — 2008-02-22T17:54:27+00:00

vá ég held ég hafi í alvörunni aldrei verið svona þreytt!! svaf voða illa í nótt og hef ekki haft tækifæri til að leggja mig í dag.. úff pjúff.. erfitt að vera vera ég, ég veit! ég er svo að fara út að borða í kvöld og ætla bara rétt að vona að ég sofna ekki ofan í diskinn minn..
- Emman ofurþreytta..

svooo upptekin alltaf hreint!

hemsa@mac.com — 2008-02-19T11:43:51+00:00

hvaaa.. bara langt síðan ég bloggaði! hvurslags eiginlega leti er þetta!?

Mér finnst ég vera svo upptekin þessa dagana að það hálfa væri nóg.. það er ekki þar með sagt að það sé mikið að gera, heldur er ég vön að hafa ekkert og þurfa ekkert að gera.. Mér finnst ég sem sagt vera fullt upptekin þegar ég þarf að fara 2x í viku í sjúkraþjálfun og nálastungur á 2ja vikna fresti.. Held ég þurfi að fara að gera eitthvað reglulega - annars veit ég ekki hvernig þetta fer þegar ég byrja aftur í skóla, hvað þá vinnu!

Svefnstöðunum (ss, hvernig ég ligg, ekki hvar) fer ört fækkandi.. var með tvær, á hægri hliðinni og svo á vinstri en undanfarnar nætur hef ég ekki getað legið á vinstri hliðinni vegna verkja efst í lærinu/grindinni... en sjúkraþjálfarinn reyndi að taka á því í morgun og skellti mér í leyser!!

Salka er byrjuð aftur í skólanum eftir vetrarfríið og það er ekkert verið að byrja auðveldlega, hún er nefnilega byrjuð í skólasundi núna og verður í því 4 sinnum í viku eftir skóla í 4 vikur! úff pjúff.. blessað barnið! það á ekki að láta hana hlaupa í spik, hún er 3 klst á viku í fimleikum, 1 klst á viku í klifri, 2 klst á viku í leikfimi og núna 4 klst á viku í sundi.. þetta gera 10 klst á viku í hreyfingu, geri aðrir betur! Ætli hún verði ekki svo gjörsamlega búin á því um helgina að hún eigi bara eftir að sofa til hádegis!

Kolkan er mætt aftur í leikskólann, er að klára pensilínskammtinn og er bara nokkuð hress.. Ennþá kvefuð en hver er það ekki?! :) Henni finnst ennþá soldið erfitt að fara í leikskólann á morgnana en um leið og foreldrarnir eru farnið úr augsýn hættir hún að kvarta og leikur kát við stelpurnar allan daginn! Er svo voða glöð þegar við sækjum hana!

jæja.. ætla að skakklappast inn á bað og reyna að gera mig sæta því Bryndís er að koma og sækja mig og ætlar að viðra mig í hádeginu! :)
knús og kossar á liðið!
Emman ó svo upptekna!

Viðhengið gefur mér Grindverk!

hemsa@mac.com — 2008-02-13T04:50:04+00:00

sælinú..
núna get ég ekki sofið fyrir grindverk (verkir í grind og lífbeini) og engin stelling nógu góð - enda bara tvær sem ég má vera í, á hægri hliðinni eða vinstri hliðinni.. Ég er með svo marga kodda í rúminu (til þess að styðja við hina ýmsu líkamsparta) að það er varla pláss fyrir Henning við hliðina á mér..
Nóttin í nótt er ein af þessum verstu nóttum þar sem ég er svo kvalin að ég vakna við sársaukann í hvert sinn sem ég hreyfi mig (og já, ég er ekki að ýkja, því miður). En ég á sem betur fer tíma hjá lækninum í fyrramálið og svo er hún elskuleg móðir mín búin að bjóða mér í nálastungur seinna í dag! ég er ekki frá því að ég sé hálf smeyk við að fara í nálastungur, það hljómar, af einhverju dularfullum ástæðum, ekkert sérlega þægilegt! En hvað gerir maður ekki til þess að losna við þetta Grindverk sem ég fékk með Viðhenginu!

þetta er áttunda bloggið mitt í febrúar og meirihlutinn af því er kvart og kvein - en það er svo agalega gott að geta kvartað hér því þá er ég ekki að kvarta við mína nánustu á meðan.. Mig grunar nefnilega að þeir (nánustu) séu orðnir frekar þreyttir á mér og ég pirruð á því að þeir skilji ekki hverju viðbjóðslega sárt þetta er..

en yfir í annað, hún Kolka litla er ennþá með hor og svaka hósta.. Hún fær alveg hræðileg hóstaköst þegar hún sefur en það virðist ekki trufla hana jafn mikið og okkur.. Við fórum með hana til læknis í fyrradag (mánudag) og hún fékk pensilin enda búin að vera kvefuð í 10 daga og engin merki um bata. Hún var líka með smá roða í eyrunum en lungun hrein og fín.. Nú vonum við bara að hún fari að hressast!!

Salkan er svo í vetrarfríi þessa vikuna en fer í eitthvert svakalegt stuðpartý í kirkjuna á eftir kl 9.. Þar verður hópur af 6-9 ára krökkum í leikjum, fræðslu, tónlist og bíói og í hádeginu fær hún pylsu og safa - alvöru partý bara!

hafið það gott,
Grindverka-Emma

ekki skánar það

hemsa@mac.com — 2008-02-08T17:15:33+00:00

ég vaknaði alveg ferlega slæm af grindverkjum (verkir í grind og lífbeini) í morgun og fannst alveg frábært að hugsa til þess að ég ætti tíma í nuddi eftir hádegið en þegar ég var að fara í nuddið þurfti ég að stíga yfir poll og upp á gangstéttina (yfir snjóhrygg sem hfjbær hafði búið til á götunni) og ég hlýt að hafa tekið of stórt skref eða eitthvað því ég hélt ég myndi ekki hafa það af upp að dyrunum sökum sársauka! ááááiiiiii... Þetta var alveg svakalega sársaukafullt og núna er ég með stöðugan verk - kannski svolítið eins og sviða/bruna tilfinningu í lífbeininu, meira að segja þegar ég sit.. ég sem hafði alltaf getið setið grafkyrr og verkjalaus í smástund..

Það verður fróðlegt að sjá hvað Ljósan segir á mánudaginn.. og svo er ég líka búin að panta mér tíma hjá heimilislækninum í næstu viku og vona að hún geti gert eitthvað fyrir mig..

Mjólkurvöru - og rauðs kjöts bindindið virðist ekki vera að hafa þau svakalegu áhrif sem ég var að vonast eftir.. en við gefum þessu nú sjens fram á mánudag (og þá verður sko keyptur ÍS)

vona að þið hafið það gott í þessu brjálaða veðri!!
knús og kossar,
Emma fatlafól!

hvar er jó-jó-ið?

hemsa@mac.com — 2008-02-05T23:26:55+00:00

Hvar fela jó-jó sig? þetta blessaða jó-jó er búið að vera fyrir mér og bögga mig í marga daga, því þegar Salka er með jó-jó-ið getur hún ekki gert nokkurn skapaðan hlut og ég þarf að biðja hana um að gera hlutina ca 20 sinnum oftar en venjulega (og ég þarf yfirleitt að biðja nokkrum sinnum!) .. En á morgun verður Öskudegi og Dótadegi slegið saman í skólanum hennar og hana langaði að fara með blessaða jó-jó-ið í skólann en neiiiii þá finnst ekki jó-jó-ið.. Bara týpískt!
Ef þið hafið komið í heimsókn til mín og séð Jó-jó á einhverjum skrítnum stað endilega látið mig vita med det samme!!
-Emma

Saltkjöt og baunir, Nei takk!

hemsa@mac.com — 2008-02-05T12:40:20+00:00

þá er bara kominn sprengidagur.. en ég held ég sleppi saltkjötinu í ár og ég er meira að segja með 2 ástæður fyrir því..
nr 1: ég tók út sprengidaginn í gær ásamt bolludeginum og borðaði yfir mig af Pabbabollum sem eru auðvitað þær allra bestu í heimininum!
nr 2: ég er frekar mikið ólétt og farin að safna bjúg þannig að það er æskilegt að sleppa saltkjötinu..
nr 3: ég er komin í vikupásu frá mjólkurvörum og rauðu kjöti.. Einhver ljósmóðir vill meina að maður lagist af grindargliðnun sleppi maður þessu þannig að ég ætla að prufa..

Kolkan er ennþá lasin og liggur núna sofandi í rúminu, og hrýtur sökum nebbastíflu.. greyins..

Henningurinn kemur svo bara heim í fyrramálið, ég trúi því bara varla að það sé komið að þessu enda búin að bíða eftir þessum degi í 3 vikur og aldrei hefur tíminn verið svona svakalega lengi að líða!

hafið það gott,
Emman

Helgin..

hemsa@mac.com — 2008-02-03T18:08:46+00:00

hæ hó.. (og vá hvað ég er hryllilega dugleg að blogga!

ég var s.s. svaka húsmóðurleg á föstudagskvöldið og skellti í eina köku.. Enda átti ég von á gestum morguninn eftir og gat nú ekki bara boðið uppá aðkeypt efni :D

Álftanesstelpurnar komu ss á laugardagsmorguninn með börnin sín (eiginlega bara smá hluta af börnunum) og það var rosalega gaman að hittast og leyfa börnunum að hittast þó Kolka væri ferlega kvefuð.. ég reyndi að ná mynd af börnunum en það gekk nú ekki sérlega vel..

Gekk þokkalega á meðan börnin voru bara 4 :) en ekki svo vel eftir það :) hérna fyrir ofan eru Alex og Kara (Ólafarbörn), Kolka og Sara Rún (Dagbjartarstelpa) - allir með kleinur og þeir allra gráðugustu með eplabita líka!

Hérna eru svo fullt af börnum sem fæddust árið 2006. Kolka, Salome, Eva María, Kara Margrét, Sara Rún og Björgólfur Bersi.

Kolka er ennþá ferlega kvefuð og sefur frekar illa á nóttunni, vaknar á 2ja tíma fresti en nóttin í nótt var nú samt betri en gærnóttin sem var eiginlega bara hryllingur! Það er hætt að leka úr nefinu á Kolku en hún er alveg svakalega stífluð og á mjög bágt með að borða og sofa með snuðið sitt sem hefur nú alltaf verið hennar aðal svefnmeðal. Við verðum ss heima á morgun líka en vonumst nú til að hún komist í leikskólann á þriðjudaginn..

Svo er minn elskulegi eiginmaður LOKSINS að koma heim á miðvikudagsmorguninn, íhaaaa! Hans hefur sko verið saknað sárt þessar 3 vikur sem hann er búinn að vera í burtu og ég er farin að hallast að því að ég sé of mikið ein því mín aðalskemmtun er Útsvar (þáttur á Rúv) sem ég hlæ mig máttlausa yfir og hef heyrt frá öðrum að þeir séu nú ekki svo fyndnir! :D
Ég er nú hálf smeyk við að eiginmaðurinn eigi eftir að snúa við og forða sér þegar hann mætir mér í forstofunni á miðvikudagsmorguninn! Enda hver yrði nú ekki hálf hræddur að mæta svona hval eins og mér, sem er með svo mikinn bjúg að hann getur varla hreyft fingurna á morgnana!

hvalurinn kominn 34 vikur!

-Emma bolla

ekki eins mikið ái núna..

hemsa@mac.com — 2008-02-01T20:48:28+00:00

ég er aðeins skárri í lífbeininu núna.. enda gat það nú bara ekki versnað!

Elskuleg tengdamóðir mín hjálpaði mér að taka til á heimlinu af því að ég á von á gestum í fyrramálið, nú ekki nema henni hafi blöskrað svona svakalega loðna gólfið :) en neii ætli það..

á maður að fara skella í eina tertu eða hvað það er sem húsmæður gera á föstudagskvöldum?
Emma

ái ái ái..

hemsa@mac.com — 2008-02-01T08:43:14+00:00

Nóttin var frekar slæm, bæði var ég gjörsamlega að drepast í lífbeininu og hver bylta hræðilega sársaukafull og svo svaf hún Kolka voðalega illa, vaknaði margoft og var kvefuð.. Núna er hún aðallega þreytt og lúin eftir nóttina (eins og mamman) en ekki eins kvefuð og ég hélt hún væri en hún fékk að vera heima hjá mömmu sinni í dag og taka því rólega..

Ég er alltaf verst í grindinni eftir nóttina og í morgun gat ég varla gengið og langaði mest til þess að garga og góla við hvert skref.. En það þýðir lítið þegar maður er einstæður með tvo grísi sem þurfa mat, föt, nesti og hárgreiðslur..

Mér hefði aldrei dottið í hug að "grindargliðnun" (eða hvað þetta er sem ég er með) gæti verið svona svakalega sársaukafullt. Þetta er margfalt verra en að fæða barn (sem ég hef gert 2x án verkjalyfja!) og ég er hrædd um að ef lífbeinið fer ekki að hætta að láta svona við mig þá eigi þetta barn ekki eftir að fæðast á eðlilegan máta eða alla vega ekki án verkjalyfja!

Allar einstæðar óléttar konur sem eiga fleiri börn á heimilinu eiga hrós skilið! Ég hélt ég myndi alveg ráða við að vera ein með stelpurnar og ólétt í 3 vikur en ég sé núna að hef ofmetið mig ÖRLÍTIÐ! Þetta tekur hræðilega mikið á og ég held ég sofi í viku eftir að Henning kemur heim..

jæja.. ætla að setjast hjá Kolkunni og horfa á Báá (Bangsimon) þar sem ég get voða lítið annað gert í dag!
Emma

Nýi bíllinn..

hemsa@mac.com — 2008-01-29T09:01:04+00:00

Daginn eftir að Henning fór til USU fékk ég nýja bílinn okkar afhentan, þvílík glæsikerra og bara frábær bíll í alla staði.. Hann hefur staðið sig með eindæmum vel í þessum brjálaða snjó sem hefur verið hér síðan Henning fór enda flokkast hann alveg örugglega undir velútbúna bíla - með spoiler, krómstút, filmum og rafmagni í rúðum, útvarpsfjarstýringu í stýrinu og fullt af loftpúðum :D

Þegar kagginn var 10 daga gamall (í gær) hafði ég aldrei þurft að setja á hann bensín og hafði ekki þrifið hann að utan en það var nú samt KLESST á hann! ojjj hvað ég var sár.. Þetta var nú enginn agalegur árekstur, ég var bara óheppin að vera þar sem ég var því það voru tveir aðrir bílar sem lentu í árekstrinum og annar þeirra skaust svo á minn bíl og braut stuðarann og beyglaði númerið að framan.. En það verður bara lagað og þá verður kagginn aftur eins og nýr..

Enginn slasaðist í þessum árekstri - sem er auðvitað fyrir öllu!
-Emman

Beinagrindargliðnun!

hemsa@mac.com — 2008-01-19T00:11:35+00:00

Grindargliðnun er sko ekki eitthvað sem herjar á mjaðmagrindina á meðgöngum, alla vega ekki í mínu tilviki.. mig grunar nefnilega að ég sé með Beinagrindargliðnun.. Seinnipartinn í dag byrjaði ég að fá einhverja furðulega verki í brjóstkassann þannig að það var voða vont að draga andann djúpt inn og svo fæ ég líka verki þegar ég halla mér fram og við hinar ýmsu hreyfingar.. Frekar óþægilegt og pirrandi aðallega..
ég vona bara að barnið sé ekki orðið það stórt að það sé farið að troða sér upp í brjóstkassa.. Ætli það haldi að það sé betra að komast út upp um munninn? hmm..
- Emman

Elías Lóða Halldórsdóttir

hemsa@mac.com — 2007-12-05T16:15:59+00:00

ég fékk ábendingu um það að ég væri ennþá skráð í Smáratúni á heimasíðu Póstsins og ákvað að breyta því.. eftir að hafa skoðað póstssíðuna og ekki skilið hana í smátíma ákvað ég að slá inn nafninu mínu í einhverja leit sem er á síðunni þá birtist:
Did you mean:
Elías Lóða Halldórsdóttir

og ég kafnaði næstum því úr hlátri.. Þvílík ruglleit!
-Emma

systur á breytingaskeiði!

hemsa@mac.com — 2007-12-01T22:55:12+00:00

Systurnar á heimilinu eru að breytast! og ég er ekki alveg viss hvort þetta sé breyting sem hentar mér.. þær eru nefnilega að breytast í ofurmorgunhana! alla síðustu viku hafa þær skipst á að vakna fyrir kl 7 og í morgun vaknaði Kolkan meira að segja fyrir hálf 7.. það er aðeins of snemmt fyrir mig um helgar, höndla þetta á virkum dögum en æji hvað það væri gott að fá að sofa til 8 um helgar!

en ég held ég viti hvað er í gangi með systurnar - þær eru bara hægt og rólega að koma sér á íslenskan tíma.. vona bara að þær fari ekki alla leið á íslenska tímann og taki upp á því að vakna kl 3 á nóttunni!

góða helgi!
Emman

eitthvað um ekkert..

hemsa@mac.com — 2007-11-30T18:46:55+00:00

uppþvottavélin hætti að leka þegar hún heyrði að leigusalinn ætlaði að kíkja á sig! ótrúleg maskína..

ég er búin að vera að fara í gegnum föt stelpnanna í dag. Er alveg búin með Kolku kommóðu, og blessað barnið á engin föt! Er búin með hluta af Sölkufötum og hún virðist vera aðeins betur sett en systir sín.. en það má auðvitað alltaf bæta fallegum fötum í safnið :D

Við Kolka erum svo agalega íslenskar hér á daginn að við borðum hafragraut og lifrarpylsu í hádeginu - 2 daga í röð).. Kolku finnst það alveg meiriháttar (eins og mömmu sinni) en mikið verður barnið hryllilega subbulegt eftir svona máltíð.. henni virðist finnast betra að mylja lifrarpylsuna út í grautinn og veiða kögglana svo aftur uppúr með puttunum og skella í munninn og stundum í hárið.

En eins og oft gerist þegar ég er ólétt, þá langar mig í eitthvað gott og sérstaklega þegar ég hef borðað eitthvað alveg ósætt (eins og hafragraut eða fisk) og það var einmitt það sem gerðist í dag og ég ákvað að fá mér ís og marengs (sem ég bakaði fyrir Thanksgiving) í hádegiseftirrétt :D svo er ég að hneikslast á því að ég þyngist mikið!! :D

Eigið góða helgi!
-Emma

bölvöð öppþvöttavölin!

hemsa@mac.com — 2007-11-28T16:58:49+00:00

Uppþvottavélin lekur! þannig að núna er eiginlega jafnmikið vesen að vaska handvirkt upp og þvo í uppþvottavélinni.. ég þarf endalaust að vera að hlaupa inní eldhús til að skipta um umbúðir á gólfinu því þessi leki fer í gegnum allt á nó tæm!
mikið væri nú gott ef hún Sarah leigusali kíkti á emailinn sinn reglulega!
-Emma

Óargadýrus Maximus

hemsa@mac.com — 2007-11-27T01:31:44+00:00

Jæja þá er fríið búið og venjulegir dagar framundan.. núna finnst manni voða langt í næstu helgi og sú helgi bara voða stutt, bara laugardagur og sunnudagur!

Ég var að passa Joanna í hádeginu í dag, hún er betur þekkt undir nafninu Óargadýrus Maximus þessa dagana.. Í þessi 3 skipti sem við höfum passað hana undanfarna mánuði hefur hún gjörsamlega sturlast og gargar og gólar stanslaust og dagurinn í dag var engin undantekning nema að þetta gekk betur þegar Henning kom heim, því þá gat hann sinnt Kolku og ég haldið á Joanna (sem vildi bara vera í fanginu á mér).. Kolka var nefnilega frekar svekkt yfir því að ég væri að halda á Joanna alltaf því hún fær sko ekki svoleiðis trítment hjá mér enda líkaminn ekki uppá sitt besta þessa dagana. Bakið/grindin var að gefast upp eftir ca 15-20 mínútur (og geðheilsan með)..

Óargadýrus Maximus er þvílík dramadrottning.. Ég hef bara aldrei vitað annað eins hjá barni sem er ekki orðið eins árs.. Með fyrsta vælutóni kemur þvílíkt táraflóð og þvílíkur ekki! Og svo virðist barnið bara vera óstöðvandi í þessu gargeríi sínu!

Mikið er ég fegin að dagurinn er að verða búinn og ég get bráðum lagst uppí rúm, lokað augunum og notið þagnarinnar þangað til ég dett út..

-Emma

löööööööönnng helgi!

hemsa@mac.com — 2007-11-21T01:51:04+00:00

hér eru allir komnir í helgarfrí.. ohhh svooo yndislegt að fá svona rosalega langa helgi - örugglega enn þráðara af þeim sem eru akjsúallý að gera eitthvað á daginn en langþráð samt..

Fríða amma er að koma til okkar núna á eftir, hún fer meira að segja að lenda á rútustöðinni bara eftir nokkrar mínútur og svo á Henningurinn afmæli á morgun.. Thanksgiving er á fimmtudaginn og brjáluðustu útsölur Ameríku á föstudaginn (Black Friday) og þá opna búðirnar ýmist kl 5 eða 6 um morguninn og brjáluð tilboð og afslættir í gangi.. Ameríkaninn vaknar s.s. eeeeeldsnemma eftir kalkúnaátið og verslar frá sér allt vit.. Við hin njótum þess bara að vera í fríi og höfum það extra notó!

Hafið það gott, esskurnar..
-Emma

blessuð börnin!

hemsa@mac.com — 2007-11-17T01:07:20+00:00

þegar maður er heimavinnandi og án vina og áhugamála eins og ég þá eru einu skiptin sem maður er án barna þegar maður bregður sér á salernið eða í sturtu, en ef ég læsi þá er bankað á hurðina og ég spurð ýmissa spurninga um allt milli himins og jarðar - yfirleitt hvort ég sé ekki að verða búin.. þannig að friðurinn er ekki svo mikill.. og ef ég læsi ekki og bregð mér í sturtu, til dæmis, þá lendi ég í því að þegar ég slekk á sturtunni og kippi sturtuhenginu frá til þess að sækja handklæðið þá situr eitt stykki stórt barn á klósettinu (og bíður eftir því að ég verði búin) og mér svo gjörsamlega dauðbregður að ég ræð ekkert við mig og garga og góla, blóta og bölva, rek krakkann út og þarf að minna mig á að draga andann inn og anda svooo rólega út aftur..

núna sit ég hérna heima - alein - og veit ekkert hvað ég á af mér að gera.. Kannski ég ætti bara að skella mér á klóið og svo í sturtu og njóta þess að geta verið í ró og næði!

-Emman

Tímafikt og flutningar..

hemsa@mac.com — 2007-11-05T14:56:02+00:00

Þá er búið að fikta í tímanum og er því 5 klukkustunda munur á okkur og Íslandi.. (við erum eftir á).. þannig að það er alveg stranglega bannað að hringja fyrir kl 13 nema það sé algjörlega nauðsynlegt! :D

Við erum búin að tilkynna Sölku, skólanum hennar Sölku og skyldmennum hennar á Íslandi að við erum að flytja til Íslands um jólin.. Salka var frekar leið fyrst en er núna búin að jafna sig og hlakkar mikið til.. Hana langar samt ekki til að fara í skólann sem við höfðum ákveðið að hún færi í af því að henni finnst hún ekki læra neitt þar! ;) Hún er auðvitað vön mjög vel skipulögðu námi og mikið bóklegt nám en í skólanum sem við höfðum í huga er stefnan að börnin læri í gegnum leik og því engar ákveðnar skólabækur.. Við þurfum því núna að ákveða hvort við eigum að skoða aðra skóla fyrir Sölku eða halda okkur við gamla planið..

Við erum svo að athuga með leikskóla/dagmömmu fyrir Kolkuna.. Eitthvað verður hún að fá að gera blessunin.. :D Við sjáum hvernig það fer..

- Emma

Halloween!!

hemsa@mac.com — 2007-11-02T00:18:29+00:00

hæhæ allir..

í gær var Halloween (Hrekkjavakan) og við höldum auðvitað upp á það eins og sönnum Ameríkubúum sæmir. Við keyptum grasker, skárum þau út með ömmu og afa þegar þau voru í heimsókn, keyptum fullt af nammi til að gefa litlum nornum, sjóræningjum, súpermönnum, prinsessum og öllum hinum, klæddum okkur í búningana okkar og fórum út að Trick or Treat-a :D Þetta er alltaf rosa skemmtilegt kvöld og mikil stemning yfir mannskapnum sem maður hittir.. Salka var auðvitað rosa spennt yfir því að fá nammi hjá nágrönnunum og Kolka var sko ekki lengi að átta sig hvernig þetta virkaði! Undir lokin var Kolka farin að reyna að segja Trick or Treat og Happy Halloween við nágrannana.

Þegar við vorum hálfnuð með hverfið datt Kolka á miklum hlaupum og sprengdi neðrivörina og það blæddi svaka mikið en það var mjög fljótt að jafna sig og hún hélt ótrauð áfram í nammibetlinu.

læt fylgja nokkrar myndir!

feðginin tilbúin að fara út að trick or treat-a

froska graskerið okkar..

Nornin með fjólubláa hárið

beðið með mikilli eftirvæntingu eftir nágranna!

Kolka bíður líka spennt!

Presturinn var á svæðinu!

og vonda drottningin!

Kolkan með rosa bólgna vör!

hafið það rosa gott,
kv. Emma, Henning og stelpurnar!

veiiiii, veiiiii og ekki veiiiii..

hemsa@mac.com — 2007-10-30T22:12:01+00:00

ég kláraði loksins púslið í gær, eftir 10 daga erfiði :D

lítur voða einfalt út á myndinni á kassanum og þegar maður sér það púslað en ó mæ ó mæ þegar það er í 1000 molum ofan í kassanum þá virðast allir bitarnir eins á litinn!!

í öðrum fréttum:
Við Henz fórum í mæðraskoðun í morgun, allt í góðu með krílið en ég farin að þyngjast - þá byrjar fjörið! Krílið sparkar og sparkar og bæði mamma og Henning hafa fundið spörk og ég sem er bara komin 20v4d..
Mamma og pabbi voru að fara frá okkur eftir yndislega 6 daga.. ohh hvað þeirra verður saknað..
En það þýðir bara eitt! Gestaherbergið er laust! Hver vill koma í heimsókn??

hafið það gott,
Emma

ef það er ekki eitt þá er það annað..

hemsa@mac.com — 2007-10-24T14:35:06+00:00

... og ef það er ekki annað þá er það ALLT!!!

já ég veit ekki hvernig þessi meðganga á eftir að enda (jú sennilega með fæðingu barns) en meðgangan á eftir að ganga fram af mér áður en að því kemur! ég fæ alla mögulegar "aukaverkanir" á þessari meðgöngu og hef nú alveg ákveðið að halda því fram að meðganga verði alltaf verri en sú sem var á undan..

Ég fann ekkert fyrir því að ég væri ólétt þegar ég gekk með Sölku, jú, var frekar þreytt fyrstu 12 vikurnar og fékk bjúg í lokin (soldið vel af honum).

Með Kolku fékk ég þreytu fyrstu 12 vikurnar, kúkastíflu dauðans eftir 12 vikur og fram undir lokin, einstaka bakverk og var á mörkum meðgöngusykursýki.

Með þetta Viðhengi fæ ég allt sem ég hef nefnt hér að ofan, nema þreytan var svæsin fram að 18 viku, bakið er að fara með mig þessa dagana og svo er ég öll útsteypt í bólum (Jakk) og hef verið þannig frá því í byrjun.. í hvert sinn sem ég lít í spegil er komin ný bóla - og þó það væri auðvelt þá er ég ekki að ýkja! er að hugsa um að taka niður speglana í húsinu! óþolandi ástand.. og svo er geðið líka ekki sem best í þetta skiptið, hef bara aldrei áður upplifað svona svaka sveiflur á meðgöngu! og það sem verra er, er að sveiflurnar eru yfirleitt niðurávið! Sykursýkin hefur ekki verið greind en ég fer í svoleiðis próf í desember býst ég við..

- Emma

helv.. ávaxtaflugur!

hemsa@mac.com — 2007-10-20T16:27:18+00:00

ég er að verða gjörsamlega geðveik á ávaxtaflugunum sem fljúga hér um alla íbúðina og pirra heimamenn og gesti þeirra (aðallega mig samt!).. Þessar árans flugur eru útum alla íbúð, mest í eldhúsinu en líka í stofunni, borðstofunni, svefnherbergjunum og á klósettunum (meira að segja inní tannburstaskápnum!) ef það eru ekki til ávextir fyrir þessi grey þá hanga þær á uppþvottaburstunum - mjöööög furðulegar flugur..

-Emman sem hefur enga þolinmæði gagnvart ávaxtaflugum!

sónarinn mikli!

hemsa@mac.com — 2007-10-16T15:46:53+00:00

hæhæ allir..
nú er sónarinn búinn og við fengum að sjá lítið fallegt barn og allt virðist vera í lagi og eðlilegt.. Konan sem skoðaði krílið var frekar svekkt yfir því að barnið skyldi bara vilja sofa en ekkert hreyfa sig en mér finnst það nú bara góðs viti :D bara fínasta rólegheitar barn :D

og jú við fengum að vita kynið og við erum að safna í Prinsessuflota! :D það er sem sagt 3ja stelpan á leiðinni :D og ég er ekki frá því að hún verði bara alveg eins og Kolkan, með lítið nef og gogga munn :D

hafið það gott í dag!
Emma og Henning

Minkagátumaraþon

hemsa@mac.com — 2007-10-15T01:08:39+00:00

Góða kvöldið! Ég var að skella inn tveimur nýjum gátum, einni klassískri og fyrstu gátunni úr minkagátumaraþoninu, sem verður í gangi hér næstu daga. Endilega spreytið ykkur og njótið vel! Kveðja, Henning

fyrsta klippingin :D

hemsa@mac.com — 2007-10-11T19:12:41+00:00

hárið á Kolku hefur tekið sinn tíma í að vaxa en hún fékk sem sagt sína fyrstu klippingu í gær.. þess má geta að Salka fór 3 sinnum í klippingu áður en hún varð eins árs :D
en hérna koma myndir til að sanna að barnið hafi verið klippt :D

sætar systur.. Kolka með nýju klippinguna.

svona vaknar maður sætur og góður á morgnana!

nýja klippingin.. orðin voða fullorðin eitthvað..

og að aftan.. allt beint og fínt :D

það var stelpuvídjókvöld eitt kvöldið.. Kolka var í nýju flottu beinagrindar náttfötunum sínum sem lýsa í myrkri, úúúúúú...

hafið það gott allir..
- Emma

límheilinn..

hemsa@mac.com — 2007-10-08T21:47:16+00:00

þá er heilinn gjörsamlega að gefast upp eða ég að gefast upp á heilanum mínum.. það virðist alltaf eitthvað verða að vera fast á honum - hin ýmsu lög til að vera nákvæmari..
þessa dagana er það "Stolt siglir skútan mín" eða "jáááá fínt, já sæll, já fínt, já sæll" nú eða eitt alveg obbonsins skemmtilegt lag sem Salka kom með heim úr skólanum í tilefni af Columbus Day sem er í dag! fyrsta erindið er svona:

In fourteen hundred ninety-two Columbus sailed the ocean blue, It was a courageous thing to do But someone was already here.
mjög skemmtilegt lag en límist svona fullmikið!
-Emma

orkusugan

hemsa@mac.com — 2007-10-04T21:09:52+00:00

nú er ég búin að vera þreytt og orkulaus í tæpar 17 vikur!
þetta er nú bara ekki eðlilegt.. ég hef nú yfirleitt lent í því að vera þeytt fyrstu 3 mánuðina af meðgöngunni en mér er bara hætt að lítast á blikuna..

en já nú syttist óðfluga í sónarinn mikla (12 dagar þangað til) og nú er kominn tími á ykkur blogglesara nær og fjær að giska á hvort það leynist stelpa eða strákur í bumbunni.. hvort verður þetta Polka eða Polki? :D endilega segið ykkar gisk í kommentum!

við vonum bara að þessi litla orkusuga taki út allt orkusugið núna og verði eins og hugur manns þegar það lætur sjá sig :D

-Emma

Neðri hæðar fólkið!

hemsa@mac.com — 2007-10-03T22:05:36+00:00

Leigusalinn okkar kom í dag og lagaði hurðarhún og var að spjalla á milljón við mig og Kolku á meðan.. Við ræddum um allt milli himins og jarðar og svo barst umræðan að fólkinu sem býr á neðri hæðinni og leigusalinn segir mér að þau séu með hugleiðsluherbergi þar sem við erum með stofuna okkar og ég sagði að mér hefði nú dottið það í hug þar sem ég hefði heyrt í þeim kyrja.. og hún alveg: "ha, eru þau að kyrja?" já já segi ég og þá segir hún mér að þau hefðu fengið einhvern til þess að blessa húsið og reka burt illa anda.. Þá brosti Emman nú út í annað og sagði að það væri nú gott að vita af því að hér sé allt gott og blessað!

-Emma

smá nýtt..

hemsa@mac.com — 2007-09-30T17:38:16+00:00

hæ hó..
hvaaa bara komin vika síðan ég bloggaði síðast, ódugnaðurinn í manni! :D

það er allt við það sama hér á heimilinu, smá veikindi ennþá; Henzinn slæmur í maganum, greyið og Kolka litla með hor í nös ennþá.. Hún var samt alveg eiturhress í gær en í morgun hefur hún farið öfugu megin fram úr greyið.. var frekar úrill og lítil í sér þangað til hún fékk að leggja sig í hádeginu!

Salka er hress og kát og er gjörsamlega að brillera í stafsetningarprófunum sem eru á hverjum föstudegi! víííí.. Hún stendur sig betur en ein vinkona hennar sem er læs og hefur búið í USA síðan hún var 1 og hálfs árs :D (bara skemmtilegt fyrir okkur)..
Salka er líka í Sirkus prógramminu sínu og kann að snúa diskum og hún kann á kínverskt jójó.. Hún er líka byrjuð í fótbolta og var í marki á síðustu æfingu og stóð sig svo vel að engum tókst að skora (að eigin sögn)..

og svo eru einar fréttir enn: hún Hulda vinkona okkar ætlar að kíkja til okkar 13.október.. veiiiiiiiii.. við erum orðin alveg svakalega spennt að fá hana í heimsókn!

skelli inn smá mynda seríu af Kolku sem ég tók á föstudaginn - hún vaknaði í svoo svakalega góðu skapi!

nei sko, Mjási minn.. (eða Mjái eins og hún kallar hann)

svo gott að knúsa hann..

og að kyssa hann..

aaaaa við hann..

kyssa meira.

svo góðir vinir..

og svo verð ég nú að skella inn myndum af Kolkunni með nýja hárgreiðslu :D

sjáiði lubbann??

hafið það gott, kæru vinir!
knús Emma

rafmagn, skafmagn..

hemsa@mac.com — 2007-09-23T21:00:27+00:00

Núna er hálfrafmagnslaust hjá okkur á Transit og með því að segja hálfrafmagnslaust meina ég að sumar innstungur virka ekki.. og það eru auðvitað ekki þær innstungur sem maður notar aldrei, ó nei neii.. Sjónvarpið virkar ekki, síminn virkar ekki, netið virkar ekki, loftkælingarnar virka ekki, þurrkarinn er bilaður, vifturnar inni í okkar herbergi og herbergi stelpnanna virka ekki, lampar hér og þar virka ekki OG uppþvottavélin virkar ekki!!

Leigusalinn okkar reyndi að hamast í rafmagninu og Henning og Úlfar prufuðu en ekkert lagast.. Núna eru gæjar frá rafmagnsfyrirtækinu að mæta á svæðið og að reyna að laga þetta.. ohh ég vona að það takist.. ég kann bara ekki við það að vera svona allslaus! Sem betur fer náum við þokkalegu interneti frá Villu á neðrihæðinni þannig að við getum alla vega eytt tíma í tölvunni..

-Emma.

fjölskyldustund í garðinum

hemsa@mac.com — 2007-09-22T21:01:03+00:00

fjölskyldumynd sem var tekin í morgun í Brown garðinum..

hafið það rosalega gott allir..
kv. Emma

sniðugt..

hemsa@mac.com — 2007-09-21T02:55:30+00:00

Can you cry under water?

How important does a person have to be before they are considered assassinated instead of just murdered?

Why do you have to "put your two cents in".. but it's only a "penny for your thoughts"? Where's that extra penny going to?

Once you're in heaven, do you get stuck wearing the clothes you were buried in for eternity?

Why does a round pizza come in a square box?

What disease did cured ham actually have?

How is it that we put man on the moon before we figured out it would be a good idea to put wheels on luggage?

Why is it that people say they "slept like a baby" when babies wake up like every two hours?

Why are you IN a movie, but you're ON TV?

Why do people pay to go up tall buildings and then put money in binoculars to look at things on the ground?

Why do doctors leave the room while you change? They're going to see you naked anyway.

Why do toasters always have a setting that burns the toast to a horrible crisp, which no decent human being would eat?

Why do you park on a driveway and drive on a parkway?

Can a hearse carrying a corpse drive in the carpool lane ?

If the professor on Gilligan's Island can make a radio out of a coconut, why can't he fix a hole in a boat?

Why does Goofy stand erect while Pluto remains on all fours? They're both dogs!

If Wile E. Coyote had enough money to buy all that ACME stuff, why didn't he just buy dinner?

If corn oil is made from corn, and vegetable oil is made from vegetables, what is baby oil made from?

If electricity comes from electrons, does morality come from morons?

Do the Alphabet song and Twinkle, Twinkle Little Star have the same tune?

Why did you just try singing the two songs above?

meiri lagfæringar

hemsa@mac.com — 2007-09-20T19:57:05+00:00

Það var að koma út ný útgáfa af forritinu sem við notum til að keyra þessa vefsíðu þannig að við skulum vona að nú sé allt komið í lag. Knús, Henning

lagfæringar á hemsunni..

hemsa@mac.com — 2007-09-20T16:44:59+00:00

ég er búin að vera að reyna að laga hemsuna en það gengur ekkert sérstaklega vel þannig að ég vona að þetta detti allt í rétt far ef ég blogga núna.. :D

annars er það að frétta af heimilinu að ég er enn að mygla, orðin sjúskuð, klístruð og sleip úr viðbjóði.. (of miklar upplýsingar?) en heilsan er aðeins að skána, Kolka er orðin það hress að hún er farin að hlaupa um og klifra um allt og Henning er aðeins að skána, er staðinn uppúr rúminu en hnerrar, snýtir og hóstar til skiptis..
Kannski á morgun kemst ég út!
Emma

Súrefnisskortur..

hemsa@mac.com — 2007-09-20T00:05:03+00:00

ég þjáist af súrefnisskorti.. Er búin að vera inni í 2 og hálfan dag og líður eins og það sé farinn að vaxa mosi á mér, bjakkk! Mig langar í góða heilsu til að skipta jafnt á milli fjölskyldumeðlima og fara út í ferska loftið!
- kannski á morgun, hver veit?
Emma og hinir misveiku og mishressu.

lítill lasarus og sirkusdýr á heimilinu..

hemsa@mac.com — 2007-09-17T21:58:32+00:00

Kolka litla vaknaði lasin í gærkvöldi og þá var sko allt ómögulegt.. hún vildi bara fara fram og svo var hún svo kvefuð að hún gat eiginlega ekki verið með snuðið með góðu móti.. Endaði með því að hún var tekin fram og fékk að horfa á DVD með mömmu sinni langt fram eftir nóttu..
í dag er hún svo greinilega búin að vera lasin, engin hlaup og ekkert klifur upp um allt og vill bara lesa bækur með afa sínum.

Salka er svooo heilbrigð ung stúlka (eitthvað annað en mamma hennar), hún á alltaf að taka með sér létt snarl í skólann til þess að narta í í frímínútum á morgnana og í dag vildi hún taka kál með sér.. Mér fannst tómt kál nú full furðulegt snarl þannig að við sættumst á sallat með gúrku, papriku og káli :D
Salka byrjaði í eftiskólaprógrammi í dag, Sirkusnum.. Hún ætlar að læra ýmis Sirkusbrögð í vetur, t.d. að snúa diskum með priki, hjóla á einhjóli, ganga á stultum og margt fleira.. Henni líst rosa vel á þetta..

langaði bara að kasta á ykkur kveðju og endilega kommentið!!
kv. Emma

NÝTT, NÝTT, NÝTT

hemsa@mac.com — 2007-09-11T19:43:27+00:00

ja hérna hér.. þá eru bara fleiri fleiri vikur síðan ég bloggaði.. ég ætlaði auðvitað ekkert að láta líða svona langan tíma en svona gerist bara stundum..

Við komum aftur til Ameríkunnar fyrir 8 dögum síðan í rosa hita og raka suma daga en núna undanfarna 3 daga hefur verið skýjað, rigning á köflum og einstaka þruma.. en dagurinn í dag á víst að vera sá síðasti samkvæmt spánni..

Við erum búin að vera að koma okkur fyrir aftur í íbúðinni, pakka upp úr töskum, byrja í skólum og komast á amerískan tíma síðan við komum og hefur bara gengið nokkuð vel.. Kolka er ekki alveg sátt, sennilega hitinn (vonum það). Hún hefur ekki sofið eins vel á nóttunni eins og hún hefur alltaf gert og svo er komin einhver gríðarleg frekja í hana greyið (vona svo sannarlega að það sé tímabundið) og hún bara truflast algjörlega ef henni er bannað eitthvað.. Ákkúrat þessa stundina er hún samt eins og hugur manns og situr og litar í litabók :D

Salka er alsæl með að vera komin aftur, hafði beðið svolítið eftir því að hitta vinkonurnar aftur og byrja í 2.bekk (já þið lásuð rétt!). Nú er hún byrjuð að læra á fullu og fær meira að segja orðalista á mánudögum heim og á að kunna að stafa þá á föstudögum því þá eru þær prófaðar í orðum vikunnar.. Salka er meira að segja búin að fara í eitt afmæli síðan við komum og skemmti sér konunglega.. afmælið var haldið í risastórum leikjasal og Salka fór á hjólaskauta (gamaldags hjólaskauta) og skemmti sér konunglega og var enga stund að ná tökum á því..

Við Henning höfum ákveðið að fjölga okkur enn meira og taka yfir bæði Ísland og Ameríku :D neiii kannski ekki alveg en við ætlum samt að stækka við okkur barnalega séð og eigum von á nýju kríli um miðjan mars.

skelli inn nokkrum myndum sem hafa verið teknar síðan við komum..

Fyrsti skóladagurinn í 2.bekk í Lincoln School

voða spennt..

Salka og Mrs. Hallan (kennarinn hennar)

Salka við nýja skrifborðið sitt í 2.bekk

Kolka að kíkja á leiktækin í Lincoln School

rosa fjör í rennibrautinni, Kolka fór örugglega 20 ferðir :D

Sölku finnst líka gaman í rennibrautinni

og að róla

Salka vildi alls ekki kíkja í myndavélina

á flugi!

hafið það gott og ég lofa að vera duglegri að blogga..
knús til allra..
Emman.

alveg að koma

hemsa@mac.com — 2007-07-22T13:34:59+00:00

þá er loksins komið að því, við Kolka erum að koma til íslands.. vei vei vei.. við (aðallega ég) erum búnar að bíða eftir þessu svoooo lengi og erum búnar að hlakka svooo mikið til að við höfum ekki sofið almennilega í meira en viku (aftur aðallega ég).. Við ákváðum að koma fyrr til íslands af því að við söknuðum Sölkunnar svo mikið og það voða gaman að geta fengið hana lánaða í sund og svona þó hún ætli að vera hjá pabba sínum þangað til í byrjun ágúst.. Kolka hefur labbað inní herbergið þeirra systra bent á rúmið hennar Sölku og sagt: "Ga-Ga" þannig að það er ekki bara ég sem sakna Sölku..

það er svooo mikið stuð við matarborðið oft!

þvílíkt fjör!

Kolkan að borða ferskju (ófreskju)

Einbeitt við þetta.. mmmmmmmm..

sjáumst bráðum..
Emman

sef svo illa!

hemsa@mac.com — 2007-07-17T15:56:18+00:00

sælinú..

ég hef verið að sofa hálf illa undanfarnar nætur, að miklu leyti út af hita en svo held ég að í undirmeðvitundinni sé það aðallega músagangur sem veldur þessum litla svefni og því að ég hrökkvi upp á næturnar og eigi erfitt með að sofna aftur enda yfirleitt með rosa hjartslátt eftir þessar glötuðu vakningar..
en svo má ég til með að segja ykkur frá því að í nótt þegar ég svaf eins og engill og hafði gert í alveg rúman klukkutíma, hrekk ég upp við það að Henning hafði sprottið upp í rúminu og er á hnjánum til fóta og klappar þvottinum sem ég hafði lagt svo snyrtilega frá mér (fyrir einhverjum dögum síðan) á borðið sem hægt er að rúlla yfir rúmið og ekki nóg með það að Henning er að klappa þvottinum heldur er hann að sussa líka svona eins og hann gerir þegar Kolka vaknar (gerist örsjaldan) um miðjar nætur. Þar sem Kolka er í öðru herbergi þá datt mér nú í hug að hann væri ekki að sussa á hana, heldur væri hann að sussa á mig, því ég auðvitað hrökk upp með andfælum, og hélt þá að hann hefði heyrt í mús og væri að reyna að finna hvar hún væri.. Þegar hugsunin "oó, oó, OÓÓÓ það er mús í herberginu!!" hafði farið allnokkrum sinnum í gegnum huga minn, ákvað ég að spyrja Henning hvað í ósköpunum gengi á og hvort hann hefði heyrt í mús (gleymið því ekki, kæru vinir að hann var að klappa þvottinum) og þá svarar hann sísvona: "Það er svona þegar maður þarf að tvöfalda uppskrift!" og ég auðvitað "WHAT??!! um hvað ertu að tala maður??" Þá lagðist hann aftur á koddann og sagði "sko, ef maður er með uppskrift sem er ..." og ég alveg: "já? er hvað?" og hann: "svona 500 gr hveiti ....... og restin eitthvað annað!!" og þá sagði ég: "ég skil, sneri mér á hina hliðina og reyndi að róa mig eftir þetta músa - False Alarm!

vona að ykkar nætur séu lausar við mýs..
kv. Emma

3 ár!

hemsa@mac.com — 2007-07-03T13:06:39+00:00

í dag, 3.júlí, eru 3 ár síðan við Henning giftum okkur.. það er alveg með ólíkindum hvað tíminn líður hratt.. mér finnst sko ekki eins og það séu 3 ár síðan þessar myndir voru teknar!

Takk fyrir árin elsku Henning minn! hlakka til næstu ára og áratuga!!
Ég elska þig!
- Emma

Snyrtistofa Kolku!

hemsa@mac.com — 2007-06-30T14:18:13+00:00

hvað haldið þið að hún Kolka hafi gert?
þegar hún átti að fara að leggja sig upp í rúmi þá hætti hún bara við að vera þreytt og náði sér í varalit sem Salka prinsessa á og ákvað að gera sig soldið fína.. útkoman var: varalitur um allt andlit, á duddunni að innan sem utan og alveg heill hellingur í hárinu! MJÖG SMART!

vonum að þið eigið góðan dag!
kv. Emma

nýtt nýtt nýtt..

hemsa@mac.com — 2007-06-29T15:38:46+00:00

jæja þá virðast erfiðleikarnir vera yfirstignir :D mikið er ég glöð!

pabbi er að koma frá texas núna á eftir - mikið verður gaman að sjá hann, kallinn.. líður einhvern veginn alltof langt á milli. Svo kemur elskuleg mamma mín á mánudaginn - ég hef bara séð hana 2 daga á þessu ári og síðustu 8 mánuði ef maður fer að spá betur í það.. hún er greinilega of upptekin, konan, en hún er búin að lofa að vera hér í afslöppun og notalegheitum í 11 daga! vei vei vei..

skelli inn myndum af Kolku litlu - sem er nú ekkert lítil lengur, hærri en borðstofuborðið, fimari en köttur og léttari en Salka var 8 mánaða held ég alveg örugglega :D það er alveg ótrúlegt hvað þær eru ólíkar í vextinum systurnar.. en bara gaman að því..

sjáiði lubbann??

svona er maður orðinn stór, situr bara á fullorðinsstól og borðar brauð :D

litla sæta..

er soldið mikið fyrir það að rífa út úr eldhússkápunum, hleypur með það út um alla íbúð og byggir turna!

Salka virðist einhvern veginn aldrei nást á mynd enda er brjálað að gera hjá henni, stelpunni, á öllum sumarnámskeiðunum sínum og með bókuð playdate margar helgar í röð! en hún er hress og kát og hlakkar mikið til að koma til íslands, sérstaklega eftir að Árný amma hringdi í hana um daginn.. Mikið verða skemmtilegir endurfundir þá!
hér koma myndir af Sölkunni á ballettsýningunni (myndirnar eru frá foreldrum Noru, Connie og Reinhard):

Hópurinn hennar Sölku.

Salka mjög einbeitt!

Salka og Nora besta vinkona hennar úr skólanum

hafið það ofsalega gott í góða veðrinu á íslandi..
knús Emma

erfiðleikar á Hemsu

hemsa@mac.com — 2007-06-28T14:43:38+00:00

hæhæ allir..
við höfum átt í smá vandræðum á hemsu, hún vill ekki skella á netið því sem við viljum að hún setji þangað.. vonandi kemst þetta þó í gegn og við vinnum duglega að því að finna út hvað er að..
hafið það gott..
kv. úr providencu - þar sem rakinn er yfirþyrmandi!

ja hérna hér!

hemsa@mac.com — 2007-06-13T23:58:12+00:00

jæja þið sem kíkið kannski ennþá..
ég skellti inn 3 nýjum myndböndum, 2 af Kolku og eitt af dansinum hennar Sölku á ballettsýningunni.. Ballett myndbandið er mjög langt þannig að þið ættuð að leyfa því að byrja að halast niður og skella ykkur í bíó og kíkja svo á það fyrir svefninn :D alla vega sýnið þolinmæði, ég vona að þetta virki samt, enda rosalega glæsilegar ballerínur þarna á ferð..

hmmm.. svo ég stikli aðeins á stóru..
*Henning skellti sér til Utah í sumarskóla í 13 daga og er nú búinn að vera í 10 af þeim 13..
*Fríða kom og er búin að vera hjá okkur stelpunum á meðan, frábær hjálp, ómetanlegur félagsskapur og geðhjálpari mikill!
*Allt sem klikkað getur hefur klikkað á meðan Henning er í burtu:
- Bíllinn varð rafmagnslaus og svo strax á eftir næstum því bensínlaus
- Rafmagnið sló út í hluta af íbúðinni - einmitt þeim hluta sem Internetið, síminn, sjónvarpið og loftkælingin eru í sambandi
- Annað klósettið bilaði.
- Mjási hennar Kolku týndist (og að vísu líka ein stútkannan hennar) en fannst aftur
- Þvottavélin bilaði
...svo eitthvað sé nefnt!

En það hefur nú líka ýmislegt skemmtilegt gerst á þessum 2 vikum:
* við sáum íkornaunga sem við höfum aldrei séð áður - þvílíkt sætur!
* Fríða er 2 sinnum búin að fá hláturskast á meðan hún er með fullan munn af vökva og getur ekki kyngt.
* Fríða er komin með Gelgjuna nr.2 og segir "ógissslega!" í gríð og erg!
* Við sáum rosa skemmtilega ballett/jazz sýningu
* við höfum borðað góðan mat, nammi og horft á vídjó alveg eins og stelpuvikur eiga að vera!
* við erum búnar að labba rosalega mikið
* og höfum leikið okkur mikið í Brown garðinum..
* og við höfum tekið á móti þessum ýmsu erfiðleikum með þvílíku jafnaðargeði. :D

skelli inn 2 nýjum myndum í lokin:

hafið það gott..
kv. Emma

Nohorðlenskka!

hemsa@mac.com — 2007-05-30T01:38:03+00:00

Nú finnst mér að Íslendingar ættu að hætta að fara eins og heitur köttur kringum kaldan graut og gera almennilega mállýsku úr norðlensku. Þá gætum við sagt við útlendinga að það væru tvær mállýskur talaðar á Íslandi: "sunnlenska" og "norðlenska". Það væri svalt. Mér finnst að það ætti einnig að fara að stafsetja norðlenskuna eins og hún er töluð (alla vega á Ólafsfirði). Til dæmis væri "norðlenska" skrifuð "nohorðlenskka" á norðlensku, til þess að gefa til kynna hvernig bera skuli fram orðið. Þá mætti fara að gefa út bækur í tveimur gerðum, eina á sunnlensku og eina á norðlensku. Einnig þyrfti að gefa út orðabók, sunnlensk-norðlensk og norðlensk-sunnlensk. Síðan þyrfti að gefa út símaskrá á norðlensku. Þar mætti finna nöfn eins og "Óhólafur", "Einhar", "Gunnhar", "Sighrún", "Pháll" og "Siðgfinnhur". Þá mætti halda upp á páðska og jóðl fyrir norðan á meðan haldið væri upp á páska og jól fyrir sunnan. Fólk ætti aðfmæhli fyrir norðan en afmæli fyrir sunnan. Þetta myndi hressa mikið upp á umræðu um íslenska tungu og væri augljóslega almennt til bóta. Þ.e.a.s. til bhóðtha fyrir norðan og til bóta fyrir sunnan.

knhús,
Hennhing.

p.s. það er ný gáta í gátuhorninu og enginn búinn að reyna við hana!

bleik síða og ný gáta!

hemsa@mac.com — 2007-05-25T02:54:13+00:00

ákvað að breyta útlitinu á síðunni, gera hana svona bleika og sæta. en, jæja dömur mínar og herrar, það er komin ný gáta, og hún er úr dýraríkinu. njótið vel!

knús,
henning

labbandi Kolka!

hemsa@mac.com — 2007-05-17T00:22:41+00:00

hún Kolka byrjaði að labba í dag! hún fór allt í einu að æfa sig í gær og aftur strax í morgun og fyrir hádegið var hún farin að labba hálfa leið yfir stofuna! hún byrjaði á því að taka voða lítil skref, eiginlega bara nokkra millimetra en er nú komin upp í sentimetraskrefin :D

annars er það að frétta að Kolka er ennþá kvefuð og Henning er líka lasinn, með kvef, hálsbólgu, höfuðverk og almennan slappleika. Við vonum að allir vakni hressir á morgun því við ætlum að fara í ferðalag á föstudaginn.. Við ætlum að keyra og skoða Niagara Falls og gista á hóteli þar í 2 nætur. Við ætlum að gista á Marriott hótelinu sem er við fossana..

hafið það gott..
ferðafjölskyldan!

nýjar myndir - loksins!

hemsa@mac.com — 2007-05-12T14:53:05+00:00

jæja þá er ég búin að setja inn nýjar myndir.. hér til hægri undir apríl og maí!

Annars gengur allt rosa vel hér á Transit, stelpurnar ennþá soldið kvefaðar en annars hressar. Henning gekk mjög vel í Topics-inu og er búin að vera í smá fríi síðan þá - rosalega gott og gaman að hafa hann heima :D

Svo styttist í að Fanney og Lilja komi í heimsókn, bara 13 dagar í dag! vei vei vei..

hafið það gott og munið að kommenta!
kv. Emman

fyrsta afmælið búið!

hemsa@mac.com — 2007-05-08T23:47:30+00:00

hæhæ og hó..
það líður alltaf frekar langur tími milli færslna núna.. en hver veit, kannski koma þær örar núna.. En þið verðið þá að vera dugleg að kommenta!

Kolka er búin að eiga sitt fyrsta afmæli. Alveg ótrúlegt hvað tíminn líður.. Hún var nú samt lasin á afmælisdaginn, með hita og pínu kvef. En við bökuðum nú samt köku og héldum smá afmælisveislu bara fyrir fjölskylduna.. Það var voða gaman og hún fékk alveg fullt af pökkum (og Salka líka) - takk fyrir það allir! Kolka hafði samt ekki orku í að taka alla pakkana upp á sjálfan afmælisdaginn þannig að það var klárað í dag!
Kolka er orðin hress núna og er að breytast í enga smá frekju! :D Hún vill bara vera úti og helst ekki í kerrunni, vill bara æfa sig að labba og svo skríða um allt, koma við blómin sem hafa dottið af trjánum og grafa í sandi sem er á gangstéttunum! og ef foreldrarnir hafa önnur plön en að vera úti á stétt þá bara sturlast sú stutta og leggst í jörðina og gargar! (ætli þetta sé nokkuð terrible two að byrja svona svakalega snemma??)

Salka fékk kvef í lok síðustu viku en hefur náð því að verða ekki veik, þarf bara að snýta sér nokkrum sinnum á dag en er alveg hress - sem betur fer..

Við fórum með Fríðu og Úlfar í PikkNikk í stærðfræðideildinni, rosa fjör.. við fengum gott veður, góðan mat og bús :D Við nýttum okkur líka pössunina vel og fórum tvisvar sinnum til Conniar og Joes að spila - okkur stelpunum gengur nú ekkert sérlega vel samt þessa dagana.. vonandi snýst það á rétta leið bráðum..

Henning er að fara í Topics prófið í fyrramálið! það er 40 mínútna fyrirlestur sem hann heldur fyrir 3 prófessora og þeir mega svo spyrja hann út úr í 40 mínútur! Hann er búinn að vera að lesa fyrir þetta í marga mánuði svo það verður svaka léttir þegar þetta verður búið!

hafið það gott!
kveðjur úr vorinu í providence..

enn meira af Villu af neðri hæð!

hemsa@mac.com — 2007-04-27T18:55:55+00:00

Kyrjunin heldur áfram hjá Villóbí. Á föstudaginn fyrir viku var hún með einhverja seremónýju þar sem hún og kyrjunarflokkurinn hennar sló á trommur, kyrjaði og þagði svo inn á milli til kl 2 um nóttina.. Við Árni Már hittum hana hér fyrir utan á föstudeginum og þá tilkynnti hún okkur það að hún yrði með seremónýju um kvöldið og að hún yrði lengi frameftir og sagði að það myndi ekki gerast aftur.. Við Árni brostum bara hvort til annars og svo lét Árni slag standa og spurði sakleysislega hvort okkur væri boðið.. Villa sagði að því miður væri okkur ekki boðið..

Miklar vangaveltur voru hér í gangi um kvöldið þegar trommusláttur og kyrj ómaði um gangana.. "hvað ætli þau séu eiginlega að gera?" "hvað varð til þess að Villa fór allt í einu að kyrja svona svakalega?" "er þetta trúarsöfnuður?" og svona ýmislegt

það hlýtur að hafa verið gaman í seremónýjunni því gestirnir fóru ekki fyrr en rúmum sólarhring eftir að þeir komu!

-Emma

ps. það eru komin ný myndbönd á myndbandasíðuna!

kynning á Villóbí..

hemsa@mac.com — 2007-04-18T00:39:46+00:00

mig langar að segja ykkur sögu um hana Villóbí sem býr hér á fyrstu hæðinni.. Hún er sálfræðinemi sem býr í nákvæmlega eins íbúð og við erum í (3 svefnherbergi, 2 klósett, eldhús, borðstofa og stofa) og býr þar ein með hundinum sínum.. Hún fer að sofa fyrir kl 10 öll kvöld og heilsar sjaldan þegar við mætum henni í innkeyrslunni enda yfirleitt í hrókasamræðum við hundinn sinn.. Henning hitti hana nú samt einu sinni þegar hún var ekki að ræða við hvutta og þá segist hún vera að hugsa um að hætta að leigja hér og fara í hugleiðlsubúðir í einhverja mánuði.. og svo á sunnudaginn þá byrjar fjörið.. Villóbí var með gesti og þau eru að kyrja á fullu í stofunni og það var opið fram á gang (hurð sem hún notar eingöngu til þess að sækja póstinn sinn ca 1x í viku) og reykelsislyktina lagði um allan stigagang og ég er nokkuð viss um að þau hefðu ekkert tekið eftir því þótt ég hefði skotist inn til þeirra og bæst í kyrjunarhópinn.. Við á efrihæðinni vorum frekar hissa á þessu en höfðum lúmst gaman að þessu og flissuðum og tístum í sífellu þar til þetta hætti.. Í gær komum við svo heim eftir að hafa sótt Sölku fótgangandi í skólann og þá er hún aftur með kyrjunarhópinn og þau kyrja og kyrja.. :D

Er búin að vera að reyna að setja inn myndbönd en það virðist ekki ganga.. bið henning um að kíkja á það þegar hann kemur heim úr skólanum..

hafið það ætíð sem best,
Emma og hinir.

nú er úti svefnfriðurinn!

hemsa@mac.com — 2007-04-14T14:57:54+00:00

það er ekki svefnfriður á heimilinu þessa dagana.. Skvísan á efri hæðinni fer á fætur fyrir kl 7 alla daga og beint í hælaskóna og hleypur svo fram og aftur um íbúðina í svona hálftíma og við það vaknar auðvitað Kolka.. svo eru hér málarar hangandi á húsinu og þeir mæta líka fyrir allar aldir þannig að maður þarf að vera kominn í fötin fyrir kl 8 því við þurfum að opna bílskúrinn fyrir þá þegar þeir mæta..
-emman svefnlausa..

buhu buhu..

hemsa@mac.com — 2007-04-12T21:49:09+00:00

dularfullir hlutir hafa gerst hér á Transit... Páskaeggið mitt hvarf.. og þá er ég ekki að tala um að það hafi horfið ofan í mig, heldur hvarf það.. það var í ísskápnum og svo hvarf það.. henning er grunaður um verknaðinn en eftir að hafa yfirheyrt hann lengi og vel (tók smá Jack Bauer á hann) þá hefur hann nokkurn veginn sannfært mig um að hann hafi ekki tekið það, borðað það né falið það.. og þá er Salka eftir en hún segist ekki hafa tekið það og henni finnst súkkulaði ekkert sérstakt svo hún hefur ekki borðað það.. en hvar er það??? þetta er alveg glatað!

ég er alla vega búin að ákveða það að um næstu páska ætla ég að borða páskaeggið mitt strax og vera ekkert að spara það - maður græðir greinilega ekkert á því!

- emman sem á ekkert páskaegg..

vor eða vetur?

hemsa@mac.com — 2007-04-12T17:23:03+00:00

hér í providencu eru árstíðirnar voða stuttar.. í gær var vor með sól, golu og nokkuð hlýju lofti og meira að segja geitungarnir mættu í þessa vorgleði en í dag er vetur með hagléljum, kulda og leiðindum.. alveg ótrúlegt.. vonum að það fari að vora aftur fljótlega!

Annars gengur lífið sinn vanagang hér, Kolka er komin með 8. tönnina loksins og Salka er hress og kát í skólanum.. Við eigum líka von á nokkrum heimsóknum nú með vorinu (ef það verður þá vor), Árni Már kemur eftir 5 daga, Fríða og Úlfar ætla að koma í afmælið hennar Kolku, Fanney og Lilja vinkonur mínar koma í lok maí og Bryndís kemur um miðjan júní.. fullt að gerast..

Henning er svo að fara á sumarnámskeið í Utah í byrjun júní og ætlar að skilja okkur dömurnar einar eftir..

jæja.. hafið það gott og við lofum að vera duglegri að blogga.. þetta gengur ekki svona..

góðan daginn

hemsa@mac.com — 2007-03-25T11:00:57+00:00

jæja, það er orðið ansi langt síðan við höfum sett eitthvað hingað inn á síðuna og er það að mestu leiti vegna leti minnar. ég átti eftir að setja upp heimasíðuforritið á nýju tölvunni hennar emmu. en nú er það loksins búið. héðan er allt það fína að frétta, erum stödd á íslandi um þessar mundir sem er auðvitað alltaf snilld.

kveðja,
henning

systir Goofy??

hemsa@mac.com — 2007-02-28T16:48:12+00:00

er einhver sem er með krúttulegra bros??

tók þessa mynd núna áðan og stóðst bara ekki mátið.. varð að deila henni með ykkur..
-Emma

fyrsti alvöru snjórinn

hemsa@mac.com — 2007-02-27T15:38:07+00:00

hæhæ og hó..

loksins kom snjór.. og bara búið að snjóa smá í 2 daga!! haldið að það sé!! :D Ég, Henning og Kolka fórum á Starbucks í gærmorgun, og Kolka á snjóþotunni sinni í fyrsta skiptið.. Henni virtist líka það mjög vel en soldið erfitt að rugga svona fram og til baka með engan stuðning við hausinn.. og svo var ekki það mikill snjór - þannig að Henning hélt á henni mestan hluta leiðarinnar :D

Snjóþotan hennar Kolku virðist ekki vera sérstaklega vel hönnuð.. í fyrsta lagi þá er bandið í henni allt of stutt og svo í öðru lagi þá mokast snjórinn bara undir snjóþotuna og situr fastur þar.. sem að vísu kemur sér vel þegar maður þarf að fara yfir götu sem er snjólaus :D

Við komum við í Brown garðinum og gerðum snjókall.. mest langaði mann að kasta sér í blautan snjóinn og gera engla en það hefði ekki verið gaman að labba heim í rennandi blautum gallabuxum.. Snjókallinn var líka ekki alveg þessi týpíski því ég var ekki með gulrót á mér í þetta skiptið.. þannig að hann fékk Penny fyrir augu, Dime fyrir nef og sígarettu í munninn :D frekar svalur kall, hehe..

Kolka greyið á enga skó sem hún getur verið í úti í snjónum yfir ullarsokka þannig að hún fékk bara SippLokk poka utan yfir tvenna ullarsokka og var þá reddí tú gó! Kellurnar í stærðfræðihúsinu voru nú hálf hneikslaðar á þessu..

í morgun þegar við fórum á Starbucks þá var Kolka í kerrunni.. það er eiginlega betra þannig :D

nú er bara vika þangað til við stelpurnar leggjum í hann til Íslands.. vei vei vei.. og ekki nema 4 dagar þangað til pabbi kemur!! það verður rosalega gaman að sjá hann og auðvitað að koma til Íslands..

hafið það gott..
-Emma

nýtt myndband..

hemsa@mac.com — 2007-02-22T15:50:56+00:00

hæhæ allir..

við fórum með Kolku til læknis í gær og eyrnabólgan er að fara.. og hún er orðin 76 cm og 9.6 kíló.. sprengir skalann hér í Ameríku en er einni kúrfu yfir meðaltali í þyngd og tveimur í lengd.. rosa fín bara..

ég setti inn nýtt myndband (undir myndbönd - smitandi hlátur) en það er soldið stórt þannig að þið verðið að gefa því tíma til að hlaðast inn.. en það er algjört möst að sjá það! það var tekið í byrjun janúar en myndavélin er búin að vera batteríslaus síðan þá.. en er nú komin í gagnið aftur..

hafið það gott..
kv. Emma

öppdeit..

hemsa@mac.com — 2007-02-20T14:43:09+00:00

góðan daginn allir saman..

þá er bara komið vor.. eða svona næstum því.. það á að vera hlýtt (+8 gráður) í dag og á morgun.. það finnst manni bara strandarveður miðað við það sem hefur verið undanfarnar vikur..

á miðvikudaginn síðasta var Valentínusardagurinn loksins.. Búið að vera skreytt með rauðu, bleiku, hjörtum og böngsum í öllum búðum síðan um áramótin!! og Salka söng á Valentínusarsöngskemmtun hjá 1. og 2. bekk í skólanum og auðvitað mættum við Henning rosa stolt með myndavélina.. ég bara höndla varla svona söngskemmtanir í skólanum hennar Sölku.. þær eru svo yndislegar að maður á erfitt með að halda aftur af tárunum! (mæli samt með því að þið reynið að koma alla vega einu sinni) :D

af því að það var Valentínusardagurinn þá máttu stelpurnar koma í rauðu, bleiku og hvítu í skólann og kjóllinn hennar Sölku vakti mikla athygli og var henni hrósað margoft af kennurum, starfsfólki, nemendum og öðrum foreldrum..

á fimmtudaginn fórum við svo með Kolku til læknis út af kvefinu og til að láta hlusta hana (búin að vera veik síðan á sunnudag) en ekkert heyrðist í lungunum - sem betur fer.. en hún var komin með eyrnabólgu greyið, út frá kvefinu og ég vona að þetta sé þá bara einstakt tilfelli en ekki krómísk eyrnabólga..
ég var heppin með Sölku.. hún var með svo svakalega eyrnabólgu þegar hún var eins árs að hún heyrði ekkert og fékk rör í eyrun en svo hefur hún aldrei fengið eyrnabólgu eftir það - 7, 9, 13!!
Kolka fékk uppáskrifað pensilín en þar sem við erum ekki með tryggingar hérna úti þá ákvað læknirinn bara að gefa okkur prufur af pensilíni svo við þyrftum ekki að borga heilan helling í apótekinu, þannig að við löbbuðum út með fulla skiptitöskuna af pensilín prufum :D frekar furðulegt..

Kolka farin að gretta sig fyrir myndavélina..

frekar hissa þarna..

En já, Úlfar er farinn til íslands og hér er rosa tómlegt.. enginn til að kjafta við og enginn til að drekka Mokkað með mér á morgnana.. (Henning farinn í skólann).. Við hlökkum mikið til að fá Dóra afa í heimsókn, erum búin að komast að því að það verður bara einn dagur sem við eldum eitthvað á meðan hann er hér því við verðum auðvitað að fara á Wendy's og Pizza Hut með afann :D (Salka hlakka mikið til!)

og já eitt enn, við stelpurnar komum fyrr heim en ætlað var sökum flugvélafylli.. við lendum sem sagt á miðvikudagsmorguninn 7.mars.. 3 dögum á undan áætlun! og Henning kemur svo að morgni 17.mars.. og við förum aftur 1.apríl.. (þá hýtur að vera komið vor hér í Ameríkunni!)

er þetta ekki orðið ágætt? jú ég held það bara..

ahh jú.. eitt enn.. við erum búin að flytja Kolku yfir í Sölku herbergi þannig að nú eru þær saman í herbergi.. við verðum bara að passa að Kolka fari að sofa á slaginu 8 svo hún sé sofnuð áður en Salka fer uppí því annars eru þær bara að spjalla.. En þessar tvær nætur sem þær hafa verið saman í herbergi hafa bara gengið rosalega vel..

hafið það gott..
-Emma

2 glóðvolgar myndir!

hemsa@mac.com — 2007-02-13T19:30:09+00:00

Salka sæta að reikna aðeins í pabba tölvu fyrir svefninn.. (ætli hún verði líka stærðfræðingur??)

Kolka krús með gosbrunn í fyrsta skiptið :D virðast ekki vera til nógu litlar teygjur hér í Ameríku :D

góðar stundir!
- Providence crew-ið

breyttur maður..

hemsa@mac.com — 2007-02-13T15:55:42+00:00

ég held að Úlfar sé búinn að umgangast mig of mikið.. þegar við fórum í búðina í gær þá stakk ég hann af og var að tína í körfuna og svo þegar ég finn hann aftur þá stendur hann við kassana og er að skoða slúðurblöðin!!!

ég vona bara að hún Fríða eigi eftir að þekkja manninn sinn aftur og fyrirgefi mér :D

-Emma

hið venjulega tekið við aftur..

hemsa@mac.com — 2007-02-07T18:45:50+00:00

jæja.. þá erum við Henning komin aftur til Ameríku eftir ossa stutta íslandsferð.. en það var alveg rosalega gaman - en þegar maður stoppar bara í 3 sólarhringa þá getur maður ekki hitt alla sem maður vildi hitta en sem betur fer þá komum við stelpurnar aftur eftir 31 dag og stoppum þá í 3 vikur!!

Fríða og Úlfar pössuðu stelpurnar fyrir okkur á meðan við vorum á Íslandi - takk kærlega fyrir það! pössunin gekk víst rosa vel og ég held að þau hefðu helst viljað að við værum lengur í burtu..

Salka er búin að vera hálf lasin síðan í fyrradag, fór ekki í skólann á mánudag en fór í gær og var svo send heim eftir minna en klukkutíma en hún var svo bara eiturhress hér heima og fór í skólann í morgun enda mikil spenna fyrir fyrsta French Cooking tímanum sem er núna á eftir..

Kolka er komin með 7undu tönnina og sú 8unda fylgir fast á eftir :D Núna er aðalsportið hjá Kolku að standa upp og dansa.. hún hreyfir hausinn upp og niður um leið og hún heyrir lag, alveg sama hvort það er heilt lag eða bara í auglýsingum.. og ef hún stendur þegar hún heyrir lag þá dansar hún standandi - voða krúttaralegt.. þegar hún stendur í leikgrindinni er voða sport að beygja hnén og klessa andlitinu við netið.. (sem er auðvitað einstaklega skemmtilegt fyrir þann sem er fyrir utan!)

Úlfar er búinn að vera að vinna í mótorhjólinu sínu hér síðan í desember og ég náði mynd af honum þar sem hann var að prufa það..

og svo kemur hér ein mynd af henni Sölku með svaka krullur..

hafið það rosalega gott..
kv. Emman

yndislegi Craig-inn okkar..

hemsa@mac.com — 2007-01-29T16:39:20+00:00

Loksins er farið að hlýna.. það er -4 núna og manni finnst það bara hlýtt og gott.. fyrir 3 dögum var - 16 stiga kuldi þegar við fórum á starbucks.
.
Svona var Kolka þegar við komum inn.. með rauðan nebba og kinnar..

Henning keppti á klifurmóti á laugardaginn. Við fórum öll og vorum klappstýrur en ekki virðist það hafa virkað því honum gekk ekkert allt of vel og er hálfmeiddur í olnboga (sennilega of mikil áreynsla þar sem hann fór að klifra á fimmtudeginum líka).. En klifurmótið var í stærsta klifurhúsinu hér í Ameríku og við erum að tala um það að það er SVIMANDI hátt!!

Nú erum við að byrja að pakka niður í töskurnar og ég held bara að við verðum með alveg fullt af dóti.. ég sem ætlaði að fara bara með eina tösku enda þarf ég nú ekki mörg föt til skiptanna fyrir 3 sólarhringa.. En við erum að ferja eitt og annað til landsins.. en það reddast..

Annars er bara allt gott að frétta héðan.. við erum búin að finna okkur nýtt áhugamál (ef áhugamál má kalla).. það er hann Craig Ferguson sem er með The Late Late Show hér í Ameríkunni.. hann er alveg hryllilega fyndinn og gerir svo óspart grín að Ameríkönum - sem er okkur alveg að skapi :D þið getið kíkt á hann á youtube.com, þið skrifið bara nafnið hans í leitina og þá birtast allnokkur uppistönd :D

hafið það gott (og sendið mér email!! - ég virðist ekki vera í náðinni hjá fólki.. ég bara fæ enga pósta!)
kv. Emma

aðeins vika!

hemsa@mac.com — 2007-01-25T15:13:20+00:00

nú eru bara 7 dagar í það að við Henning leggjum af stað til Íslands.. og það er nú bara orðið þannig að ég er hætt að sofa.. er orðin svo spennt og upptjúnnuð á kvöldin að ég get varla sofnað.. "í hverju á ég að vera á leiðinni? hvað ætla ég að taka með mér? í hverju á ég að vera í partýinu? hvenær á ég að fara í mollið og kaupa það sem ég ætla að kaupa áður en ég fer? hvenær á ég að hitta þennan og hinn?" og svona eitt og annað sem poppar upp í hausinn á kvöldin.. :D

Annars gengur lífið sinn vanagang hér á Transit.. Salka og Henning fara í skólann á morgnana og ég, Kolka og Úlfar förum í göngutúr í stæfræ húsið, pikkum Hensa upp og förum á Starbucks og fáum okkur þrefalda Grande Mokka.. og löbbum svo heim á leið.. Kolka sofnar nú alltaf á leiðinni heim og neitar svo að fara að sofa fyrr en rétt fyrir hádegið..

Svona er maður duglegur að standa!! Soldið skítug á þriðju myndinni.. (hún er það nú á öllum en það sést best á 3ju :D )

jæja.. ég verð að fara að sturta mig og gera mig sæta, er að fara að hitta Conni í hádegismat á Kebab og Karrý..
hafið það gott..
-Emma

Meistari í stæ og klifri

hemsa@mac.com — 2007-01-21T21:51:02+00:00

hæhæ allir (ef einhver)..

Meistari Henning keppti í klifurmóti um síðstu helgi og lenti í 1.sæti í Intermediate flokk!!! vei vei vei.. svo duglegur kallinn! Hann var að athuga í hvaða sæti hann er OverAll í Rhode Island og þar reynist hann vera í 5.sæti.. kannski ætti hann bara að gerast pró klifrari??

Við erum farin að fara á Starbucks á hverjum morgni.. Emman kemst bara ekki í gang nema fá smá Kaffi Mokka! Voða gott að fá sér heitt kaffi á köldum dögum og verða alveg hyper!! íbúðin er alla vega búin að vera nokkuð hrein og fín undanfarið :D

Úlfar ætlar að koma til okkar á morgun og undirbúa fyrir pössunina miklu!! það verður alveg svakalega gaman að sjá hann aftur.. Veit ekki alveg hvort hún Willoughby (villóbí)) á neðri hæðinni hafi saknað hans jafn mikið.. Úlfar hafði alla vega smá áhyggjur af því síðast að hann væri alltaf að vekja hana og hundinn hennar með umganginum í sér á kvöldin.. :D

Kolka stóð upp í fyrsta skiptið í gær hjá Conni og Joe - rosa dugleg.. og svo gerði hún það bara aftur og aftur en hefur ekki enn tekist það hér heima.. en hún reynir og reynir..

set inn ný myndbönd fyrir ykkur að kíkja á.. munið að sýna þolinmæði þegar þau hlaðast inn á tölvuna ykkar og það kemur allt með kalda vatninu!
hafið það gott..
Emman

ný færsla!

hemsa@mac.com — 2007-01-18T15:41:03+00:00

Kolka í fína snjógallanum sínum sem hún fékk í jólagjöf!

soldið erfitt að hreyfa sig í honum :D

jæja.. þá er nú löngu kominn tími á nýja færslu!! en það er nú bara þannig að ég er komin með mína eigin tölvu og þetta forrit (til að blogga) er ekki á minni tölvu og það er víst soldið vesen að setja það inn hjá mér.. myndaalbúmin eru (á einhvern dularfullan hátt) tengd í iPhoto á Henningstölvu og það fer allt í steik ef við flytjum þetta á mína tölvu eða eitthvað svoleiðis.. þannig að ég verð bara að nota Hensatölvu ef ég ætla að blogga..

hér er alveg viðbjóðslega kalt.. -10 í gærmorgun og -8 í morgun.. en það á víst að fara að hlýna þannig að ég get tekið gleði mína á ný :D

Við höfðum það rosalega gott um jólin og fengum rosa margar fallegar gjafir, borðuðum góðan mat og skelltum okkur til New York yfir áramótin.. Eins og flestir vita þá voru Fríða og Úlfar hjá okkur um jólin og sem betur fer bara.. Við söknum þeirra ennþá.. rosalega gott og gaman að hafa þau hér..

Kolka er nú farin að skríða og er ekki hægt að líta af henni eitt augnablik því þá er hún farin að fikta í blómunum sem Conni og Joe eiga og eru hér í pössun nú eða kapalafruglaranum - sem henni finnst rosa spennó! Hún er komin með 6 tennur og er ekki ósvipuð Goofy !!!

Salka byrjaði svo aftur í skólanum 2.janúar og skemmtir sér mjög vel.. er rosalega kát að fara á morgnana og gengur mjög vel að lesa.. hún fær bók til að lesa heima um helgar en svo er hún komin með nokkur orð núna sem hún á að æfa sig á á hverjum degi..

Við Henning erum svo að fara í örstutta Íslandsheimsókn fyrstu helgina í febrúar.. og svo komum við stelpurnar að morgni 10.mars og verðum þangað til í lok mars.. Henning kemur aðeins seinna.. hann er ekki alveg búinn að ákveða hvaða dag ennþá!

jæja Kolka er vöknuð og farin að spjalla uppi í rúmi.. best að fara að tala við hana!

lokaverkið :D

hemsa@mac.com — 2006-12-13T18:20:10+00:00

hæ hó hæ hó það eru að koma jól!!!

hvað segið þið þá? héðan er allt gott að frétta.. jólaþrifin ganga mjög vel, erum aðeins strönduð í herberginu hennar Sölku enda af nógu að taka þar.. Jólagjafirnar eru bara í góðum gír, flest farið með póstinum til Íslands, en jólakortin ganga ekki eins vel.. þau eru ekki lögð af stað :D þannig að ef þið ætlið að fara að hneikslast yfir því að við höfum ekki sent ykkur jólakort þá er það bara á "leiðinni" :D verða kannski milli jólaognýárs kort en það er nú bara gaman!!

Henning var að klára síðustu kennsluna í bili áðan og er á kafi í heimaprófi þessa dagana.. á að skila eftir 6 daga og ég held að það gangi bara nokkuð vel..

Kolka er soldið pirruð í dag, enda tennur að koma.. vonandi verða þær komnar fyrir jólin svo hún geti notað þær á jólamatinn :)

Salka á núna bara 2 daga eftir í skólanum fyrir jólafrí og hlakkar mikið til.. Við komumst að því að jólasveinarnir koma líka til Ameríku til að setja í skóna hjá íslensku börnunum.. Meira að segja er kolka með sinn skó útí glugga..

við fórum á jólaball hjá Íslendingafélaginu í Boston á sunnudaginn og ég er nú bara nokkuð viss um að þetta verður árlegur viðburður hjá okkur fjölskyldunni á meðan við búum hér! rosalega gaman að hitta marga íslendinga, borða góðan mat, dansa í kringum jólatréð og fá íslenskt nammi frá jólasveininum!

Salka fær vinkonu í heimsókn á morgun eftir skóla og svo á föstudaginn er þessi sama vinkona að bjóða öllum stelpunum heim í piparkökuhússskreytingarpartý.. og á föstudagskvöldið koma Fríða og Úlfar til okkar.. mikið gaman hjá okkur..

ég er búin að setja inn lokaverkefnið mitt.. (til hægri undir "Emmu Lokaverk")
og ef þið viljið lesa ógeðslega skemmtilega sögu af Sölku þá ættuð þið að kíkja í vefdagbókina á Barnalandi.. (salka.barnaland.is)!!!

hafið það gott og njótið jólaundirbúningsins!
-Emma

jólalykt, stress og læknisheimsókn

hemsa@mac.com — 2006-12-06T13:23:22+00:00

hæhæ allir saman (sem er nú sennilega enginn því það kommentar enginn!!!!)

Við erum komin með jólatré inn í stofu og jólalyktin maður.. nú mega Fríða og Úlfar bara fara að koma svo jólin geti komið.. það á að vísu ennþá eftir að þrífa allt, fara með stálhilluna niður í bílskúr, brettin í kjallarann, færa skrifborðið, baka og skreyta.. Ætla að byrja á einhverju af þessu á morgun, lofa, lofa!!

við fórum með Kolku stóru til læknis í gær út af eyrnatoginu, en sem betur fer var það ekki eyrnabólga, bara heill hellingur af eyrnamerg og smá kúkastífla.. Fær sveskjusafa við því og það eru sennilega bara tennur sem valda þessum þrýsting í eyrun - þannig að sennilega er fleiri tennur á leiðinni! Stóra stelpan okkar er nú orðin 19 pund og 8 únsur = 8.85 kíló.. ekki lítil lengur, ha!

og svo er það bara lokaverkefnið.. ég á að skila því í dag og ég verð nú bara að viðurkenna að ég er hálf kvíðin.. en þetta hlýtur að reddast, er það ekki??
gef ykkur smá forsmekk af þessu hjá mér :D

hafið það gott elskurnar og farið vel með ykkur..
ykkar Emma..

snjókorn falla..

hemsa@mac.com — 2006-12-04T17:47:54+00:00

ja hérna hér.. þegar ég bloggaði síðast var 18 stiga hiti og núna eru 3 gráður og kl er að verða 13!! þegar við vöknuðum í morgun var bara kominn snjór.. fyrsti snjór vetrarins!! þvílík kátína.. en hann stoppaði nú ekki lengi, bara allur bráðnaður núna..

við erum að hugsa um að fara að kaupa okkur jólatré þar sem Ameríkanarnir gera þetta alltaf svo snemma og við viljum ekki fá bara einhverja hríslu :D svo fer að líða að jólahreingerningunni (eða ættum við kannski bara að bíða með það og leyfa Fríðu að vera með).. Við ætlum líka að baka piparkökurnar í þessari viku en það verður nú sennilega ekki fyrr en eftir að ég er búin að skila af mér lokaverkefninu sem er á miðvikudaginn..

á föstudaginn förum við í jólapartý í stærðfræðideildinni, á laugardaginn er barnaafmæli hjá einni í bekknum hennar Sölku og á sunnudaginn er Jólaball hjá Íslendingafélaginu í Boston - kannski maður skelli sér á það.. þannig að það er nóg að gera á heimilinu þessa vikuna..

ég setti inn tvö ný myndbönd af Kolku.. og það er komin ný gáta.. endilega kíkið á það :D

hafið það gott..
kveðja úr jólalandi..

1.des..

hemsa@mac.com — 2006-12-01T17:39:15+00:00

hæhæ allir saman..
og gleðilegan 1.des.. já það er bara kominn desember.. eða svo segir dagatalið.. ég er nú samt alveg viss um að það sé bara september því hér er sko 18 stiga hiti (og á að fara upp í 21 gráðu í dag!!!).. getur það staðist í desember!!!?? maður spyr sig..

Kolka er að fá sína 3ju tönn.. uppi vinstra megin og er nú loksins farið að glytta í hana.. hún er sko ekki búin að vera fljót á leiðinni þessi.. og greyið Kolka búin að kveljast og kveljast yfir henni.. ég held líka að þessi tanntaka leiði út í eyrun því Kolka togar og ýtir á eyrun til skiptis..
meiri fréttir af Kolku.. Hún er alveg að fara að skríða.. eða sýnir alla vega tilþrif þegar hún situr á gólfinu, teygir hendurnar fram og setur þær í gólfið, vaggar sér svo fram og aftur þannig að rassinn fari upp frá gólfinu og er því á fjórum fótum (svona inn á milli) en er ekki ennþá búin að átta sig á því að fæturnir geta ekki verið í kross ef maður ætlar að fara eitthvað.. ég skal reyna að taka vidjó af þessu svo þið fattið hvað ég er að meina..
og enn meira.. Kolka er farin að spjalla alveg heilmikið.. talar og talar við dótið sitt þegar hún situr á leikteppinu - verst að það er allt með vælutón! :D
Kolka er farin að smakka alls kyns mat, bjúgu og kartöflur stappað saman, brauð með banana, brauð úr samlokuvélinni með skinku og osti, kalkún, seríós og svo hefur hún fengið mjólk, vatn og vatn+eplasafa í stútkönnu..

við matarborðið í gær var Salka eitthvað að tala við Kolku og fíflast í henni og Kolka fór að hlæja og þá sagði Salka: "hún er farin að hlæja eins og við".. mjög skemmtilegt..

nú á Henning bara einn dag eftir í skólanum og svo kemur upprifjun.. ég á líka eftir einn tíma í mínum skóla, á miðvikudaginn og þá á ég að skila lokaverkefninu mínu - oóóó.. :)

sem sagt allt gott að frétta héðan og það er komin ný gáta!
-Emma

Myndbönd..

hemsa@mac.com — 2006-11-26T04:08:40+00:00

hæhæ allir saman..

vegna mikilla eftirspurna höfum við sett inn ný myndbönd.. þið finnið þau hér til hægri undir "Myndbönd"..
Njótið vel!

og fyrir ykkur sem eruð að verða gráhærð á gátunni þá er svarið þetta: Because she was a Bonehead!! hahahahaha.. og það er komin ný gáta!
Njótið vel!

Fjölskyldan í úglöndum..

dagurinn batnandi fer - fyrir suma alla vega :D

hemsa@mac.com — 2006-11-25T20:13:17+00:00

klukkan var tuttugu mínútur í 12 á hádegi þegar við rukum út úr húsi, orðin of sein í barnaafmæli sem var haldið í keilusal í 18 mínútna keyrslu fjarlægð og þar sem við höfðum ekki hugmynd um hvar þetta væri þá ætluðum við að vera tímanlega.. gekk ekki betur en þetta þó.. Þegar búið var að hlaða bílinn með börnum og átti að leggja af stað þá heyrist bara tuhhh tuhhh tuhhh og bíllinn rafmagnslaus!! Arrrg og garrrrg.. hvað gera lagsmenn þá?? Þar sem það er Thanksgiving helgin og allir farnir úr bænum, þá var ekki svo auðvelt að fá nágrannann á efri hæðinni til að hjálpa okkur (eins og hann gerði síðast).. Emman stökk út á götu og veifaði í bíla sem hún sá.. Tvær konur stoppuðu en höfður ekki tíma til að hjálpa (ohhhh yndislegu Ameríkanar!!!) en eftir nokkrar mínútur þá kom annar bíll, Emman aftur út á götu og náði að sannfæra blessaðan manninn um að hjálpa okkur.. Startkaplarnir settir á sína staði og bíllinn í gang.. klukkan orðin 5 mínútur í 12 - shitt.. Jæja ekkert við því að gera.. keyrðum af stað og villtumst pínu en komumst á áfangastað 20 mínútur yfir 12..

í barnaafmælinu var Henning að spjalla við mömmu einnar í bekknum (ég stóð við hliðina á þeim) , og hún er eitthvað að tala um Kolku (Henning hélt á henni) og hvað hún væri nú lík pabba sínum, svo snýr hún sér að mér og segir "ert þú svo stóra systirin?" HAHAAHHAHAHA.. ég : "ég? neiii, ég er mamman!!" HAHAHAHHAHAHHA..
Mér fannst þetta náttla ógurlega fyndið, Henning fannst þetta ekki eins fyndið! Hann hefði greinilega ekki átt að raka hanakambinn af í morgun FYRIR afmælið!!!

hafið það gott,
unga, GAMLI og dæturnar..

boston boston boston..

hemsa@mac.com — 2006-11-15T16:32:23+00:00

jæja fólkens.. þá er komið að því.. við erum að fara til Boston á morgun og verðum þar fram á sunnudag í túristafíling.. gistum á hóteli, borðum úti og fáum Room Service, löbbum um og skoðum Boston og hver veit nema við kíkjum í New England Aquarium og Museum of Science (íslenskt orð alveg stolið úr mér).. Ef þið vitið um eitthvað rosa sniðugt sem við getum gert (staðir, söfn, veitingastaðir o.þ.h.) í Boston þá endilega kommentið og segið frá..
ástæðan fyrir því að við erum að fara er sú að það á að skipta um gluggana í íbúðinni okkar.. vonandi verða þeir nýju betri.. er ansi hrædd um að hitinn okkar sé allur að leka út..

jæja.. hafið það gott..
knús
- Emma

Nýtt í Gátuhorninu!

hemsa@mac.com — 2006-11-10T01:06:53+00:00

Nú eru undur og stórmerki hérna á síðunni! Það er komin ný gáta í Gátuhornið!!! Látið nú reyna á heilabúið og skrifið svörin í athugasemdirnar.

hvar eru vinirnir??

hemsa@mac.com — 2006-11-08T02:14:34+00:00

hæhæ allir..

héðan er allt gott að frétta úr veðurblíðu.. við getum nú ekki beint kvartað yfir kulda og leiðindum, er 14 stiga hiti núna og nýbyrjað að rigna (kl. 21.15) og á að fara upp í 19 stig á fimmtudaginn og léttskýjað.. mjöööög fínt bara..

Við fórum á Friday's áðan og á næsta borði sat vinahópur að fagna afmæli eins meðlimsins og þá allt í einu áttaði ég mig á því að ég sakna þess að eiga vini.. sakna þess að fara eitthvert með vinum og tala við vini.. mjög leiðinlegt að vera allt í einu svona einmana..

við erum eiginlega búin að ákveða að vera hér um jólin, hafa það bara notó og horfa á dvd og fara í göngutúra í fallegu vetrarveðri.. það verður bara gaman að athuga hvort við finnum okkur eitthvað jólatré og æðislegt að geta misst sig svolítið í jólaskrautskaupin.. bakað, þrifið og gert jólalegt án þess að þurfa að pakka í töskur og taka upp úr þeim..
þar sem það hefur alltaf verið spilað hjá okkur milli jóla og nýárs (og bjórinn drukkinn) þá ætla ég að bjóða fólki að koma og spila hér í ameríku.. vinir og vandamenn sem langar að skella sér til Ameríku þá er það velkomið.. við getum meira að segja fengið lánaða aðra íbúð ef allir ákveða að mæta!

hafið það rosa gott í vikunni..
knús Emma vinalausa í Ameríku..

breyttir tímar..

hemsa@mac.com — 2006-11-03T01:21:58+00:00

hæhæ allir saman..

nú eru breyttir tímar.. það er sem sagt búið að breyta klukkunni hér í Ameríku og við erum núna 5 tímum á eftir Íslandi.. þannig að það er alveg stranglega bannað að hringja í okkur fyrir kl 13 á íslenskum tíma (nema það sé eitthvað rosalega merkilegt)..

Við Henning fórum með Kolku til læknis í gær og þar var hún vigtuð, lengdarmæld, hlustuð og svo endaði heimsóknin á 3 sprautum.. Kolka var sko ekki sátt við það enda kannski hægt að sætta sig við eina sprautu en alls ekki 3!!! í gærkvöldi byrjaði hún svo að verða slöpp og er búin að vera þannig í dag líka.. virðist samt vera að ná sér núna..

Salka er loksins orðin hress og kát eftir kvefið sem hún nældi sér í og var í henni í 10 daga..

Mig langaði líka að benda ykkur á að þið getið alltaf skoðað myndir á síðunni þeirra systra á barnalandi, við erum mun duglegri við að setja inn myndir þangað..

hafið það gott.
-Emma

meira neistaflug

hemsa@mac.com — 2006-10-29T04:40:16+00:00

Rafmagnsfyrirtækið lét loksins sjá sig og kom og klippti frá greinar sem voru að rekast í rafmangsvíra. Þeir stóðu sig reyndar ekki nógu vel því stuttu seinna tókum við eftir því að það voru ennþá litlir neistar úr vírnum. Þannig að ég þurfti að hringja aftur í rafmagnsfyrirtækið (National Grid) og nöldra um að fá aftur "Tree Group" til þess að klippa niður trén hjá okkur. Í þessum skrifuðu orðum er búið að klippa fullt af greinum af trénu fyrir framan innkeyrsluna okkar. "Tree Group"-ið sér hinsvegar ekki um að fjarlægja klipptu greinarnar og því eru þær í fallegum haug, Í INNKEYRSLUNNI OKKAR. JESSS! Ó BJÚTIFÚLL AMÉRIKA! Kíkið í athugasemdirnar til þess að lesa þetta fréttaskot þar sem öllum sérhljóðunum hefur verið skippt út fyrir "ö".

neistaflug vegna veðurs..

hemsa@mac.com — 2006-10-28T23:45:58+00:00

ja hérna hér.. allt getur gerst í Ameríku..

Henning fór í makindum sínum að taka á móti pizzunni okkar áðan og þá kemur nágranninn hlaupandi og segir honum frá því að rafmagnslína liggi utan í stóra trénu beint fyrir utan gluggann okkar (bogagluggann) og það skjótist litlir neistar úr henni.. Það eina sem er að bjarga því að það kvikni ekki í trénu er það að það er blautt! (sem betur fer var rigning í dag!!)
Henning kemur allur æstur upp og hringir strax í Söru (húseigandann) en hún svarar ekki þannig að hann hringdi í lögguna sem gaf honum samband við slökkviliðið og þeir komu í einum grænum með ljósin á..

í þessum töluðu orðum er slökkviliðið hér fyrir utan að bíða eftir rafmagnskompaníinu sem þarf að koma að laga þetta..

jæja vonandi áttuð þið líka spennandi helgi..
- Emma óver end át..

Klifurkeppni

hemsa@mac.com — 2006-10-22T02:27:43+00:00

Ég sló til og tók þátt klifurkeppni í Rhode Island Rock Gym í dag. Hjalti kom með mér og var mjög góður aðstoðarmaður. Ég tók þátt í "Intermediate" flokknum þar sem maður átti að klifra 10 leiðir, gráðaðar frá V2 til V4. Ég byrjaði nokkuð vel, fór 5 af 10 leiðunum án þess að detta (sem gefur mínus stig) og klifraði svo sjöttu leiðina með því að stíga á ólöglega festu. Ég tók ekki eftir því strax og var rosa glaður að hafa farið leiðina sem var frekar há og endaði þannig að maður þurfti að klifra upp á aðra hæð. Ég kom því skælbrosandi niður stigann og þar sagði Hjalti mér að ég hefði stigið á ólöglega festu. Það var frekar fúlt þannig að ég reyndi leiðina aftur, aftur og aftur en gat hana aldrei aftur... Eftir þetta allt saman var ég orðinn alveg búinn og gat ekki klifrað hinar 4 leiðirnar sem ég átti eftir. Ég fór heim, bara nokkuð sáttur við daginn og síðan komum við Emma, Salka og Kolka aftur að horfa á úrslitin. Þá kom í ljós að ég lenti í 4. sæti! Ég er auðvitað mjög ánægður með það og hlakka til að taka þátt í næstu keppni sem verður 18. nóvember, þar sem ég ætla að klifra nakinn, málaður í íslensku fánalitunum.

snyrtistofan Salka

hemsa@mac.com — 2006-10-21T20:40:05+00:00

Salkan er búin að opna bissniss.. Amman var fyrsti viðskiptavinurinn og eins og þið sjáið þá er þetta æðislega flott.. Þannig að endilega látið orðið berast og verið tímanlega að panta því það fer allt að verða upppantað!!

veð erem enet!!

hemsa@mac.com — 2006-10-21T01:35:15+00:00

geðen degenn eller semen..

eg verð ne bere eð segje ekker fre þve eð veð fjelskjelden hefem erðeð ferer elverlegem heeleskeðe.. eg þeð er Henneng eð kenne!! henn er beenn eð vere með eetthveð ellt e megenem greeeð.. henn premper með sveke vendre lekt!! ej bere elle bjekk.. *fneff, fneff*
Eg veet ekke hvert eg men eenhvern temenn jefne meg en þengeð tel verðeð þeð bere eð reene eð skelje þette svene..

hefeð þeð gett vener mener.
- Emme eg eller hener..

Þvottavélarhelvítið!!

hemsa@mac.com — 2006-10-06T15:21:41+00:00

hæhæ fólks..

hvað er málið með amerískar þvottavélar??? Þvottavélin okkar á Amy skilaði öllum fötunum með fjólubláum kuskklessum sem var auðvitað mjög pirrandi og ég var svo fengin þegar við fluttum að fá nýja þvottavél.. en nei.. þessi er sko ekki betri, ef maður setur á lengsta prógrammið, ekstra skol og ég veit ekki hvað og hvað þá er hún 40 mínútur að þvo!! sem segir auðvitað bara eitt.. hún er ekki að þvo neitt sérsaklega vel.. við höfum líka alveg tekið eftir því.. og þá sérstaklega þegar salka var í leikskólanum, buxurnar hennar komu oftar en ekki með brúnum blettum á hnám eftir sandinn og þó maður setti þær beint í vélina og blettaspray og blettaduft og allt þá voru blettirnir fastir.. mjög margar buxur, sokkabuxur og sokkar hafa farið illa á þessu..

og hvað er málið með að hafa ekki hitastillingarnar venjulegar, 30, 40, 60, 90 gráður.. nei mín þvottavél er sko með cold/cold, warm/cold, warm/warm, hot/cold og hot/warm.. alveg fáránlegt.. hvernig veit maður hversu heitt hot/cold er? er einhver munur á hot/cold og warm/warm??

Bottom Line-ið er sem sagt: MIG LANGAR Í NÝJA ÞVOTTAVÉL!!!!! (tilvalin jólagjöf, hehe)
-Emma

Besti brandari í heimi

hemsa@mac.com — 2006-09-27T16:42:44+00:00

Emma sendi mér fyndnasta brandarar sem ég hef heyrt:

Siggi var nýkominn frá Spáni og vinir hans voru að dást að því hvað hann væri sólbrúnn. Þá sagði Siggi: "Já, ég náði mér í smá sin/cos!"

Ha! Hahahah!

Svo eru auðvitað sígildir brandarar eins og: "Konan mín fór ekki í allar búðirnar í bænum, hún fór í sumarbúðir!" Ha! Hahaha! Sumar-búðir! Hahahah!

Endilega skrifið fleiri frábæra brandara í athugasemdirnar.
- h

Górilluhlaupið í London

hemsa@mac.com — 2006-09-27T03:42:29+00:00

Æ, æ ertu eflaust að hugsa... "Ég missti aftur af Górilluhlaupinu í London." Þá er bara að reyna aftur á næsta ári. Ég er að hugsa um að taka þátt næst, þarf eflaust ekki búning, þar sem ég er svo loðinn. Jæja, ætla að fara að undirbúa kennsluna á morgunn. Allir að hugsa fallegar kennslufræðilegar hugsanir til mín.

Friður út,
Henning

Versta mynd í geymi

hemsa@mac.com — 2006-09-26T12:48:37+00:00

Góðan daginn frú mín góð,

við fórum í Sam's Club (þar sem maður getur keypt lifandi humra og trampólín (eða hoppdýnu eins og það kallast á íslensku)) í gær og þar sá ég ótrúlega gott tilboð: Hellboy og Ultraviolet saman á DVD á aðeins $12! Við Emma og Hjalti horfðum einu sinni saman á Hellboy (í Pay-Per-View á Amy Street) og hún var alveg ótrúlega léleg. Ég ákvað samt að kaupa þetta par, þar sem mig langaði rosalega mikið að sjá Ultraviolet. Ég verð nú bara að segja að af tvennu illu þá var Ultraviolet bara svona ógeðslega ömurlega léleg að ég veit bara ekki hvað ég á að segja um hana. Hún var svo léleg að Emma nennti ekki að horfa lengur og fór að þrífa klósettin! Og fyrst við erum nú farin að tala um klósett og Hellboy þá má geta þess að eina matvörubúin í Grímsey er að fara að loka.

Knús,
Henning

nýjar myndir ofl

hemsa@mac.com — 2006-09-14T17:38:30+00:00

jæja.. þá erum við búin að setja inn myndir (sumarmyndir 1 og 2).. soldið gamlar myndir - alla vega sumar en það er nú samt gaman að skoða þær..

ég er byrjuð á kvöldnámskeiðum í RISD (stafræn ljósmyndun og grafísk hönnun) og líkar bara rosa vel í ljósmynduninni en ekki eins vel í grafískunni.. þar er ég sú eina sem hef aldrei notað forritin, sem við eigum að vera að nota, áður.. þannig að ég veit ekki alveg hvernig það fer.. en ég er alla vega rosalega spennt yfir ljósmynduninni enda er kennarinn svakalega áhugasamur og skemmtilegur..

við fórum í grillpartý til Michelle um síðustu helgi og skemmtum okkur rosa vel..

Kolka er komin með eina tönn og bítur mömmu sína óspart, hún veltir sér margoft á dag af bakinu á magann og er farin að una sér mun betur á maganum en hún gerði..

Salka er rosalega ánægð í skólanum og fer þangað með bros á vör á morgnana og er líka kát þegar hún er sótt.. Henni finnst rosalega gaman þegar við löbbum úr skólanum, sem ég skil nú ekki alveg þar sem það tekur um 40 mín að labba heim! en þetta er alla vega góð hreyfing fyrir unga sem aldna (sem sagt fyrir mömmuna).. Salka ætlar svo að byrja í ballett í næstu viku (eftirskólaprógramm) og svo erum við að velta því fyrir okkur hvort við eigum að leyfa henni að fara á Leirnámskeið líka, það kostar bara svo fjári mikið! við ættum kannski bara að fara að vera með kökubasar hérna úti á götu til að fjármagna þetta..

Allt gengur sinn vanagang hjá Henning í skólanum, hann kennir 3svar í viku og er í tímum 2svar í viku - það er að vísu ekki ennþá komið í ljós hvenær þeir eiga að vera - eitthvað vandamál með skólastofur.. og svo er hann að lesa einhverja bók fyrir leiðbeinandann sinn (getur hann ekki lesið sjálfur??)

Eitt kvöldið þegar ég var hérna fyrir utan sá ég þá ALstærstu engisprettu sem ég hef á ævinni séð (ljósmyndir, dýralífsþættir og kvikmyndir teknar með)!! hún var eins og fugl! ég fæ ennþá hroll þegar ég hugsa um augnaráðið frá henni! *brrrrrrr*

jæja.. hafið það gott..
-Emma

providensa hér erum við!

hemsa@mac.com — 2006-09-03T14:55:29+00:00

hæhæ allir saman..

þá erum við komin til Providence aftur og höfum bara fengið hið furðulegasta veður, fullt af rigningu og skýjum og bara einn dag með sól - alveg ótrúlegt.. svona á þetta sko ekki að vera í lok ágúst á þessu svæði!
Fríða og Úlfar fóru frá okkur í gær, eftir átta daga heimsókn og er þeirra sárt saknað!!

Við litla fjölskyldan fórum í pikknikk í skólann hennar Sölku á góðviðrisdeginum um daginn og það var voða notó.. Salka hlakkar mikið til að byrja í skólanum á þriðjudaginn og er held ég bara komin með allt tilbúið nema leðurskó (við skólabúninginn). Salka kynntist einni stelpu í pikknikkinu sem er líka að byrja í skólanum þannig að Salka verður ekki alveg ein á báti þegar hún byrjar..

Kolka er farin að velta sér af bakinu á magann og ætlar að verða alveg eins og Salka í þeim efnum. Byrjaði á því í gærmorgun og hefur ekki hætt síðan! hún stækkar og stækkar og er núna farin að fá þurrmjólk í pela með mömmumjólkinni og líkar bara vel. Sefur í 8 - 12 tíma yfir nóttina og vaknar svo bara með bros á vör á hverjum morgni - ekki amalegt það!

Henning byrjar í skólanum á þriðjudaginn og verður að kenna á mán, mið og föstudögum frá 10 - 10.50 og svo verður hann í tímum á þrið og fimmtudögum frá 1 - 2.20..
ég byrja svo sjálf á kvöldnámskeiðunum í þarnæstu viku (11.sept)..

við erum loksins komin með nýtt sjónvarp, ekki lengur bleika prinsessusjónvarpið hennar sölku.. það er bara eins og vera í bíó að horfa á þetta.. þarf ekki lengur gleraugu þegar ég horfi á sjónvarpið!

hafið það sem allra best..
-Emma

Fáránlega ófríður gaur!

hemsa@mac.com — 2006-08-26T14:20:36+00:00

Ég tók þátt í 10 km hlaupinu í Reykjavíkurmaraþoninu nú um daginn og var auðvitað lang fyrstur! Ég sá samt þennan svakalega ófríða gaur hlaupa og varð að sýna ykkur mynd af honum!

Þið getið skoða stærri mynd á þessari slóð.

Kveðjur (frá Providence!)
Henning

Blysför

hemsa@mac.com — 2006-08-21T10:00:30+00:00

Ég rakst á tvö holugeitungabú hérna í hólnum við göngustíginn við hliðina á okkur. Þar sem mér er mjög illa við geitunga þá kom ekki annað til greina en að eyða þeim. Vanalega geymi ég nokkur bengalblys frá áramótum til þess að gera út af við svona holubú en nú gerði ég þau mistök að eiga bara eitt blys eftir... hin blysin voru notuð til þess að sprengja upp áramótakjúklinginn - eins og venjan er. Þess vegna ákvað ég að nota bengalblys í eitt búið og stjörnuljós í hitt búið. Bengalblysið gerði alveg útaf við fyrra búið, enda er þvílíkur hiti og reykur af svona blysi en stjörnuljósin tvö dugðu ekki á seinna búið. Því reyndi ég aftur næsta kvöld og í þetta skiptið með sjö stjörnuljós. Það virðist ekki hafa virkar heldur því það er enn stríður straumur geitunga í holuna. Þeir eru hins vegar allir með stjörnur í augunum og greinilega stjörnuvitlausir! Haahahah!

-Henning

bráðum komum við aftur..

hemsa@mac.com — 2006-08-09T15:51:41+00:00

hæhæ allir saman..

hmmm.. hvað hefur gerst síðan síðasta blogg.. jú ég (Emma) varð 25 ára 11.júlí og átti mjög góðan dag eins og langflesta aðra daga.. fékk fullt af pökkum og kveðjum í tilefni dagsins sem er alltaf rosalega gaman..

Kolka er rosalega stillt og góð alltaf, sefur í 8 - 13 tíma á nóttunni og sefur mis mikið á daginn, stundum bara nokkra 30 mínútna lúra en aðra daga 4 tíma í vagninum.. en við erum nú ekkert að kvarta yfir því fyrst barnið sefur svona vel á nóttunni.. Hún er líka farin að halda haus og teygja sig í dót, brosir allan hringinn og hlær. Orðin voðalega stór allt í einu..

Salka er alveg að verða búin í sumarskólanum, síðasti dagurinn á föstudaginn næsta og þá eru bara 2 vikur í að við förum aftur til Ameríkunnar.. rosalega er tíminn fljótur að líða, ég er búin að vera hérna síðan í mars og mér finnst ég samt búin að vera stutt hérna..

Henning er ennþá að vinna í Landsbankanum, hættir 18.ágúst og ætlar að vera síðustu vikuna með fjölskyldunni sinni.. :D rosa gaman fyrir okkur.. Hann æfir af kappi fyrir Reykjavíkurmaraþonið um þessar mundir, hleypur um allan bæ, í hádeginu eða á kvöldin og tekur svo tröppurnar (í hjallahverfinu í Kópavogi) þess á milli með skokkhópnum sínum sem heitir múhammed að mig minnir.. Hann ætlar að hlaupa 10 kílómetra í Rvk maraþoninu þann 19.ágúst.. og við erum auðvitað alveg viss um að hann eigi eftir að koma fyrstur í mark á 29 mínútum!! hann er svo duglegur, hann Henning!

ég er alltaf að rembast við að vera heimavinnandi húsmóðir, þó ég sé nú minnst vinnandi og slöpp húsmóðir en heima er ég! ég skráði mig í tvö kvöldnámskeið í RISD og þar ætla ég að eyða mánudags- og miðvikudagskvöldum í vetur.. ég hlakka soldið til en kvíði líka rosalega fyrir enda einstaklega kvíðin manneskja og geri helst ekkert sem er nýtt.. þeir sem þekkja mig geta samþykkt þetta enda hefur fólk nú væntanlega tekið eftir því að ég borða alltaf á sömu veitingastöðunum og fæ mér alltaf það sama á þessum fínu stöðum.. það telst alveg til tíðinda ef ég fæ mér eitthvað annað en ég er vön og þá er ég yfirleitt búin að spá lengi í að fá mér það og hætt margoft við..

en við fórum með Fríðu og Úlfari í sumarbústaðinn á Flúðum um verslunarmannahelgina og ég verð nú bara að viðurkenna að ég hef ekki drukkið svona lítið um verslunarmannahelgi síðan ég var 15 ára.. enda drakk ég bara einn bjór (aðallega til þess að fá meiri mjólkurframleiðslu).. en mikið langaði mig að vera í eyjum.. verð alltaf alveg veik vikuna fyrir versló enda er ekki aftur snúið þegar maður hefur farið einu sinni!

og viti menn, ég hellti mér uppá kaffi áðan!! (Emma kannski að verða fullorðin, fylgist vel með næstu bloggum).. kaffið var nú aðallega lausn við þreytu og það virkaði enda fyrsta expressó uppáhelling (úr venjulegri kaffikönnu) á íslandi..

læt fylgja smá myndir enda alltaf gaman að þeim og svo fæ ég Hensann til að setja inn myndband af Kolku síðan um helgina..
tjá tjá..
Emman

brúðkaupsafmæli..

hemsa@mac.com — 2006-07-03T15:42:52+00:00

hæhæ allir saman..

í dag eigum við Henning tveggja ára brúðkaupsafmæli, sem er víst bómullarbrúðkaupsafmæli.. það er alveg ótrúlegt að fyrir ákkúrat tveimur árum vorum við í kirkjunni að lofa því að elska, virða og standa með hvort öðru í gegnum súrt og sætt.. mér finnst eins og þetta hafi verið í gær! eða alla vega ekki lengra síðan en síðasta sumar! en ég það er alltaf gaman að eiga brúðkaupsafmæli og þá rifjar maður upp þann yndislega dag sem var fullkominn í alla staði.. þrátt fyrir soldið stress fyrir brúðarvalsinum og ekki alveg glampandi sól en hverjum er ekki sama um það.. ég veit alla vega að mig langar að endurnýja heitin eftir einhver ár og hafa aðra svona æðislega veislu!

Takk æðislega fyrir þessi yndislegu ár, elsku Henning minn og ég vona að þau verði miklu miklu miklu fleiri!!
Lov jú læk a kreisí pörson..

-Emma

Skírn..

hemsa@mac.com — 2006-06-28T12:44:55+00:00

hæhæ allir (ef það er þá einhver sem kíkir á þessa síðu ennþá)

þið verðið bara að afsaka alla letina á heimilinu.. engin færsla komið í margar vikur! en núna verður tekið á þessu máli!

Við höfum haft það alveg rosalega gott og litlan er alltaf jafn mikill draumur.. sefur bara og drekkur, er að vísu búin að vera pínu illt í maganum á kvöldin en ekki þannig að hún sofi ekki á nóttunni.. ég held að hún sé bara soldið lík mömmu sinni - finnst voða gott að sofa :D Barnaskólinn Hjallastefnunnar sem Salka var í frá því í lok mars er búinn og nú er sumarskóli tekinn við og það er alveg svakalega gaman hjá þeim. Þetta er bara eins og eitt risastórt leikja og íþróttanámskeið.. Salka er alla vega mjög ánægð með þetta og mamman er alveg í vandræðum með það hvort Salka eigi að fara í eitthvað frí í sumar.. þetta er bara of skemmtilegt!
Henning er byrjaður að vinna í Landsbankanum og líkar bara betur og betur með hverjum deginum.. Hann er nú samt ekki viss um að þetta sé framtíðarstarf fyrir hann..

Við skírðum litluna í gær, á 25 ára brúðkaupsafmæli Fríðu og Úlfars og uppljóstruðum við þá nafni litlunnar sem hafði verið leyndarmál síðan hún var nokkurra daga gömul og fékk hún nafnið KOLKA!!! Fallegt nafn á fallega stelpu..

En hvað er að frétta af ykkur öllum? hvar eruð þið, stærðfræðistrákar? á ekkert að hittast í hádegismat á Hróa í sumar???

Annars bið ég ykkur bara vel að lifa.
þar til næst,
Emma, Henning, Salka og Kolka

"Sæll, þú hefur fitnað!"

hemsa@mac.com — 2006-05-22T11:58:41+00:00

Ég er kominn aftur til Íslands í faðm fjölskyldunnar eftir að hafa skroppið út í 6 daga til þess að fara yfir próf og vesenast. Þegar ég var úti þá rakst ég á fyrsta árs nema í stærðfræðinni sem heitir Kaveh og er frá Íran. Hann var búinn að frétta að ég hefði eignast dóttur og hann óskaði mér innilega til hamingju með það og sagði mér svo að "ég hefði fitnað," eða eins og það útlegst á ensku "you have gained weight." Mig grunar að hann hafi verið að meina að ég hefði vaxið við að eignast dótturina en það er líklega afneitun hjá mér. Ég sem var fylgjandi því að Íranir fengu að reysa kjarnorkuver...

-Henning

Fyrsta baðið og fyrsta listasýningin!

hemsa@mac.com — 2006-05-14T14:23:35+00:00

á miðvikudaginn síðasta (10.maí) kom ljósmóðirin í heimsókn og kenndi okkur að baða litla nýja gullmolann.. í fyrstu var litlan ekki sátt en þegar hún var komin vel ofan í vatnið þá virtist henni bara líka vel og við vonum að það haldi áfram þannig!
á laugardaginn síðasta fórum við á opnun á listasýningu (svo menningarleg!!!!) hjá mömmu minni og tveimur öðrum leirlistakonum.. Litlan vakti auðvitað mikla lukku og stal kannski svolítið athyglinni frá listmununum.. :D en við mælum með þessari sýningu og hvetjum alla til þess að kíkja á hana.. hún er í hönnunarsafninu á Garðatorgi 7..

Annars er bara allt gott að frétta af okkur, Henning fór til Ameríku í gær og kemur aftur á sjálfan Júróvísjóndag (laugardag).. Litlan er algjör draumur í dós - sefur bara og drekkur og gargar bara þegar það er verið að skipta á henni enda hefur það nú aldrei talist til skemmtunar! Salka er svo rosalega góð við litlu systur sína og kyssir hana og knúsar eins og hún fái borgað fyrir það.. Hún nebbar hana líka (setur sinn nebba uppað hennar og hristir hausinn) - mjög gaman að því..

Við vonum að þið hafið það jafn gott og við!
kveðja úr Holtsbúð (búðin þar sem bara hollt fæst (gulrætur, epli o.þ.h.) eins og Salka sagði við afa sinn)

Naflastúfur, fjórtándi jólasveinninn

hemsa@mac.com — 2006-05-12T10:18:09+00:00

Þeir sem trúa ekki öllu sem þeir sjá í amerískum bíómyndum vita að lítil börn eru með smá stúf eftir af naflastrengnum. Þessi stúfur losnar og dettur síðan af eftir nokkra daga. Þetta gerðist einmitt í gær hjá henni Akkalý, nema hvað við fundum ekki stúfinn. Við leituðum út um allt, Salka leitaði með vasaljósi undir rúminu hjá Akkalý, ég ryksugaði allt og við leituðum í óhreinatauinu til þess að athuga hvort hann hefði nokkuð slæðst með þangað. Ég opnaði meira að segja gamla bleiu til þess að leita að honum... en ekkert fannst. Síðan í gærkvöldi þá fann ég stúfinn hangandi utan í bleiunni sem hún var með... mikill léttir að þurfa ekki að hafa hættu á að gestir og gangandi stígi óvart á hann!

Salka sunddrotting

hemsa@mac.com — 2006-05-12T10:12:23+00:00

Ég fór með Sölku í sund um daginn og hún er alltaf að verða klárari og klárari (syndnari og syndnari?). Hún er líka orðin svo fljót að koma sér ofaní... ég er alltaf rétt kominn ofaní, þá er hún komin líka. Hún er hætt að nota kúta og getur nánast haldið sér á floti. Henni finnst rosalega gaman að kafa og getur stungið sér af bakkanum og kafað til baka! Henni finnst svo svakalega gaman að kafa að hún er farin að biðja mig um að ýta sér niður til þess hún komist dýpra! Ég held það sé alveg spurning um að senda hana á sundnámskeið í sumar!

Héðan úr Holtsbúðinni er annars allt gott að frétta, Akkalý sefur mjög vært og er heimilisfólkinu til mikillar skemmtunar. Hún fór í læknisskoðun í gær og var einungis 80gr undir fæðingarþyngd sem telst rosalega gott því börn léttast alltaf eftir fæðingu. Svo fór hún í fyrsta baðið sitt um daginn og við setjum vafalaust inn myndir af því bráðlega.

Nýtt líf

hemsa@mac.com — 2006-05-08T10:43:06+00:00

Þá er hún loksins komin í heiminn litla stúlkan okkar. Þetta byrjaði allt klukkan fjögur í eftirmiðdaginn á föstudaginn síðasta. Við tókum því rólega en ákváðum síðan að kíkja aðeins upp á fæðingardeild um miðnættið. Þá voru um 5 mínútur milli samdrátta en við ætluðum samt að reyna að koma heim aftur í rólegheit. Þegar á fæðingardeildina var komið var Emma skoðuð og kom í ljós að hún var með milli 8 og 9 í útvíkkun og stutt í að barnið kæmi í heiminn! Ljósmóðirin, Þórdís Klara Ágústsdóttir, átti von á að um leið og vatnið færi þá myndi barnið koma, en það reyndist vera meiri bið eftir litlu dömunni. Ljósmóðirin spurði okkur hvort læknanemi mætti vera viðstaddur fæðinguna og Emma var til í það. Mér leist ekkert alltof vel á það en leyfði Emmu auðvitað að ráða þessu, enda reyndist neminn, Berglind María Jóhannsdóttir alveg ótrúlega vel. Eftir skoðunina fórum við í fæðingarstofu þar sem við höfðum útsýni yfir Hallgrímskirkju -- ekki amalegt það! Við hringdum í mæður okkar sem komu að vörmu spori. Þær voru mikil stoð og stytta fyrir okkur og ómetanlegt að hafa þær á svona stundu.

Samdrættirnir fóru að koma með styttra millibili en Emma tók því með mestu ró og það heyrðist aldrei neitt í henni. Ég er alveg viss um að ég gæti ekki gengið í gegnum einu sinni svona smá byrjunarsamdrætti, hvað þá heila fæðingu. Ég gerði mitt besta til þess að hjálpa Emmu með hjálp Kristínar. Við gáfum henni ísvatn í lok hríðanna og settum kaldan þvottapoka á ennið hennar. Mér fannst ég samt aldrei geta gert neitt almennilegt og vorkenndi Emmu alltaf alveg rosalega, jafnvel þó hún stæði sig svo hetjulega. Loksins var útvíkkunin öll búin og Emma mátti byrja að rembast. Þá lá hún á bakinu upp í rúmi en fannst ekki gott að rembast þannig. Hún ákvað því að fara á fjóra fætur og steig út úr rúminu. En áður en hún fór aftur upp í prófaði hún að rembast standandi og það fannst henni mjög gott. Við héldum því áfram þannig og Emma rembdist og rembdist -- án nokkurra verkjalyjfa -- hetja munið þið!? Þá loksins kom kollurinn út en stóð síðan fastur þannig að Emma brá sér upp í rúm og kláraði þannig.

Akkalý kom síðan beint upp á magann til mömmu sinnar -- soldið blá, eins og venja er -- en andaði með prýði og var hin hressasta! Ég klippti síðan á naflastrenginn og svo var strokið af Akkalý og hún fékk að vera smá stund í ró og næði hjá mömmu sinni og pabba. Þar næst var hún vigtuð: vóg 4575 gr eða 18 merkur, og mæld: mældist 53 cm. Þess má geta að Emma hafði giskað á 4500 gr og 53 cm daginn áður! Ljósmóðirin og nemin voru alveg frábærar, voru inni hjá okkur við og við; leyfðu okkur að vera útaf fyrir okkur og reyndust okkur rosalega vel undir lokin. Síðan tók við nokkkur bið eftir Hreiðrinu. En loksins máttum við fara þangað og fengum þar hið besta herbergi með mikilli lofthæð og útsýni yfir flugvöllinn!

Við vorum auðvitað í skýjunum og þvílíkt þreytt og gátum sofið vel fram eftir degi. Ég er alveg ótrúlega stoltur af henni Emmu! Hún stóð sig svo frábærlega vel að ég get varla lýst því -- og svo gerði hún þetta allt án deyfingar! Ég er alveg í skýjunum með eiginkonuna mína og litlu sætu telpuna sem hún færði mér!

Við fengum alveg fullt af heimsóknum seinna um daginn, Salka, Fríða og Úlfar komu fyrst og Salka var alveg svakalega glöð að sjá litlu systur sína. Hún Akkalý er nú heppin að eiga svona frábæra stóru systur! Síðan komu Bryndís og Fanney, vinkonur Emmu og svo afar mínir og ömmur og Kristín og Hjalti, bróðir Emmu. Yfir daginn þá svaf Akkalý eins og engill og gólaði sára lítið. Hún hafði hinsvegar lítinn áhuga á svefni um nóttina og við vorum orðin ansi þreytt hjónin á sunnudagsmorgninum þegar við fórum heim. Á sunnudeginum svaf hún alveg heilmikið og við áttum því von á erfiðri nóttu. Við reyndumst þó ekki vera sannspá því Akkalý svaf næstum alla nóttina og við þar af leiðandi líka. Núna sofa mæðgurnar saman tvær upp í rúmi!

Við viljum þakka öllum fyrir hamingjuóskirnar sem við höfum fengið -- þið eruð öll svo góð!

-Henning

X-ið bjargar þrífættum ketti

hemsa@mac.com — 2006-05-03T16:02:02+00:00

Ég var á keyrslu í Hafnarfirði í fyrradag, hlustandi á Létt-Bylgjuna eða eitthvað þvíumlíkt og hægði því á mér til þess að skipta um útvarpsstöð. Ég skipti af sjálfsögðu á X-ið, 97,7 og í sama mund hljóp þrífættur köttur fram fyrir bílinn. Það er alveg öruggt ef að ef ég hefði ekki verið að hlusta á einhvern ámóta óbjóð og Létt-Bylgjuna og hefði ekki neyðst til þess að skipta um stöð þá hefði ég ekið beint yfir þrífætta köttinn. Það hefði mér auðvitað þótt leiðinlegt, ólíkt vini míni honum Matthíasi sem finnst fyndið þegar fólk hjólar yfir skúnka. Annars sendum við Matthíasi baráttu kveðjur.

-Henning

Borðaðu númerið þitt

hemsa@mac.com — 2006-04-28T10:45:45+00:00

Ég var á þeim öndvegisstað Tryggingastofnun í dag með Emmu. Við þurftum auðvitað að taka númer og síðan var kallað á okkur og allt það. En síðan var engin ruslafata fyrir númerið okkar þannig að ég er ennþá með númerið. Það sama var uppi á teningnum í lagnadeild BYKO. Ég var þess vegna að spá hvort það væri ekki sniðugt að prenta númer á oblátur og dreifa þeim í staðinn fyrir bréfmiðum. Þá er hægt að borða oblátuna þegar búið er að kalla á mann til afgreiðslu og þannig má spara alveg heilmikið af trjám.

Myndir frá Ameríku og Íslandi

hemsa@mac.com — 2006-04-27T18:04:02+00:00

Við vorum að smella inn myndum bæði frá Ameríku og Íslandi. Endilega kíkið á þær. Þær sýna meðal annars vorið í Ameríku, framkvæmdir á neðri hæðinni í Holtsbúð, snjó og skólann hennar Sölku. Fyrir þá sem eru í trúarlegum hugleiðingum mæli ég með: Flying Spaghetti Monster.

Salka "ein" í sund!

hemsa@mac.com — 2006-04-25T22:12:28+00:00

Ég og Salka skelltum okkur saman í sund núna í kvöld í Garðabæjarlaugina. Salka er orðin svo gömul að hún þurfti að fara ein í kvennaklefann! Hún stóð sig rosalega vel og var eldsnögg ofan í laug og þegar ofan í var komið var hún svaka dugleg að synda og kafa. Hún var einnig eldsnögg upp úr og gekk alveg ótrúlega vel í fyrsta skiptið! Ég fór að rifja upp þegar ég fór einu sinni einn í sund og náði mér í sápu í sturtunni og skolaði hana svo af mér og lagði af stað út í laug. Ég var kominn út úr klefanum en var samt enn inni í sundlaugarbyggingunni þegar ég áttaði mig á því að ég hafði gleymt að fara í sundskýluna! Ég sneri við á staðnum og smellti mér í skýluna og enginn sá til, en þetta var samt sem áður vægt taugaáfall!

Myndir frá New York

hemsa@mac.com — 2006-04-18T11:21:42+00:00

Við Kristinn kíktum til New York nú fyrr í apríl og það var mikil snilld! Hér til hægri má sjá myndir frá ferðinni. Nú er ég kominn heim til Íslands og við bíðum spennt eftir komu Akkalý í heiminn! Það var búið að reikna með henni 29. apríl en við verðum ekki hissa ef hún lætur sjá sig fyrr!

Nýjar myndir!

hemsa@mac.com — 2006-03-28T04:53:46+00:00

Var að smella inn glóðvolgum myndum. Á morgun fer ég upp til Boston að sækja Kristinn sem ætlar að koma og vera hjá mér í nokkra daga. Hugsa að ég plati hann með mér í IKEA til þess að skipta gölluðum klósettskáp. Hef verið án spegils inni á klósetti í alla vegana tvær vikur og er orðinn töluvert loðinn í framan... Við ætlum líka að kíkja í heimsókn til Braga í New York sem verður örugglega mikil snilld! Annars bið ég kærlega að heilsa til Íslands og allir verða að muna að knúsa Emmu og Sölku frá mér!

-Henning

Meiri Tíramísú fréttir

hemsa@mac.com — 2006-03-19T15:47:06+00:00

Ég snúsaði (heitir víst að blunda á kórréttri íslensku) frá klukkan 8 til 9 í morgunn og það var víst nóg til þess að það var fugl fyrir utan gluggan hjá mér farinn að herma eftir hringingunni, aftur og aftur og aftur! Frekar fyndið! Í sambandi við Tíramísúmálið þá var Conni var að tala við móður sína áðan og komst að því að hún hafði notað 10 sinnum of mikið súkkulaði í Tíramísúið! Aðeins of fyndið!

Aleinn og yfirgefinn með vont Tíramísú

hemsa@mac.com — 2006-03-19T04:29:21+00:00

Sit hér aleinn og yfirgefinn með tvo Þjóðverja í húsinu. Emma og Salka voru að fara til Íslands nú í kvöld og það er alveg ótrúlega tómlegt í kotinu. Ég keyrði þær upp til Boston áðan þar sem við sóttum Úlfar á Colonnade hótelið og þaðan var haldið á Pizzeria Regina í norðurhluta Boston, þar sem við ætlum að snæða ljúffenga flatböku. Eftir að hafa þrætt þröng stræti norðuhlutans þá blasti við okkur röð fyrir utan pizzastaðinn... svo við ákváðum bara að halda aftur á hótelið þar sem við snæddum ljúffengan mat í boði Úlfars! Eftir þær vellystingar keyrðum við mjög furðulega leið út á Logan flugvöll þar sem ég hvaddi þær mæðgur og föður minn með miklum söknuði og keyrði svo mjög niðurdreginn aftur til Providence. Það var síðan enginn heima á Transit Street þegar ég kom þannig að ég fékk mér frosinn harðfisk og horfði á South Park. Conni og Joe komu síðan heim og Conni fór að baksa við að búa til Tíramísú. Það heppnaðist ekki betur en svo að hún notaði allt of mikið af vitlausu súkkulaði þannig að úr varð hálfgerður kókómaltsþeytingur. Hún var nú hálffúl yfir þessu en ákvað samt af einhverjum dularfullum ástæðum að skipta þeytingnum niður í poka og frysta... á eflaust eftir að koma einhvern tímann að góðum notum! Ef einhver lesenda rekst á þær mæðgur á Íslandi þá sendi í knús til þeirra.

-Henning

Nýjar myndir og nýtt myndband!

hemsa@mac.com — 2006-03-16T00:00:57+00:00

Við vorum að fleygja inn myndum og myndbandi af Sölku að hjólabrettast og hjóla! Þess má geta að í myndbandinu sést fyrsta ferðin hennar EIN á hjólinu. Magnað! Það eru ekki margir sem fara sína fyrstu ferð í snjókomu!

Til hamingju Ísland að Salka fæddist hér!

hemsa@mac.com — 2006-03-15T20:24:01+00:00

hæhæ allir saman!

hvað segið þið þá? við segjum allt þrusufínt..
Salka á afmæli í dag, orðin 6 ára skvísan!! alveg ótrúlegt, finnst ykkur ekki?? mér finnst svo ótrúlegt að það séu liðin 6 ár síðan ég fékk Sölku í fangið, gargandi og gólandi!! :D núna er hún bara að fara að byrja í skóla, getur fengið sér sjálf að borða, ristað sér brauð og smurt það og fengið sér kakó að drekka með og meira að segja gengið frá eftir sig, svo getur hún reimað skóna sína sjálf, nuddað mömmu sína og baðað sig sjálf!! Hvað varð eiginlega um litlu stelpuna mína?

Við héldum upp á afmælið hennar Sölku á sunnudaginn og það komu 6 stelpur úr leikskólanum hingað heim og við fengum vísindamann til þess að sýna stelpunum spennandi vísindi, eins og að búa til regnboga og flugelda og stelpunum þótti þetta rosalega gaman!!

ég fór á stærðfræðifyrirlestur áðan, já trúið þið þessu!!?? Henning var að halda fyrirlesturinn og mig langaði að sjá hann.. En honum gekk alveg rosalega vel - það var bara aðeins of lítill tími! en heilinn minn var alveg að fara yfirum við það að reyna að fylgja því sem Henning sagði..

Við fengum síðasta svarið í síðustu viku og vorum nú eiginlega bara móðguð, þeir sögðu bara í bréfinu að Salka ætti ekki samleið með þeim og núna þykir okkur foreldrunum þessi skóli bara ekkert flottur!

Núna styttist í að við Salka leggjum í hann til Íslands og ég er að reyna að pakka, gengur ekki eins vel og ég hélt að mér myndi ganga.. ég hef bara ekki hugmynd um hvað ég á að taka með mér? á ég að taka ullarkápuna? gönguskóna? vettlinga, húfu og trefil? hlaupaskóna? hmmm...

jæja.. hafið það sem allra allra best og við sjáumst eftir nokkra daga!
ykkar Emma og Akkalý

bara eitt svar eftir..

hemsa@mac.com — 2006-03-07T22:34:55+00:00

hæhæ allir saman!

hvað segið þið þá? Við erum ennþá í skýjunum yfir Lincoln svarinu.. Við erum búin að fá svör frá tveimur skólum í viðbót, Salka er á biðlista í Gordon skóla (ég hélt að vísu að hún kæmist inn í hann) en hún komst ekki inn í Moses Brown.. Við þurfum að svara Gordon skóla um það hvort við viljum að Salka verði áfram á biðlista en ég held við tökum hana af biðlistanum og gerum þannig einhverjum öðrum greiða..

En svona annað, þá styttist í að afmælið hennar Sölku verði haldið hátíðlegt :D við erum ennþá að hugsa hvað við eigum að bjóða upp á en við ætlum að reyna að hafa þetta bara heimilislegt og notalegt.. Ekkert stress - bara gaman! Afmælið verður haldið á sunnudaginn kl.3 (að staðartíma) og ykkur er auðvitað velkomið að mæta (boðskortin voru ekki send nema bara innanlands)!

Sambúðin með þjóðverjunum (einn 1/2 þjóðverji og einn 3/4 þjóðverji) gengur bara alveg ótrúlega vel.. Þau eru nú ekki mikið heima á virkum dögum en þegar þau eru heima á kvöldin þá er nú bara hlunkað sér við borðstofuborðið og spilað af miklu kappi (og nartað í alls kyns alls kyns). Það er meira að segja verið að skrifa niður stigin á töfluna, og stelpurnar eru með 9 vinninga og strákarnir 8 - mjög mikil spenna sem fylgir þessu!

Við Henning hlupum um Mollið í morgun, vorum ekki nema 40 mínútur og náðum þó að kaupa eitthvað og skoða ennþá meira..

Núna þurfum við að fara að skipuleggja okkur svolítið betur svo við náum að gera það sem við ætlum að gera (og kaupa) áður en við Salka förum til Íslands, það eru nú ekki nema 11 dagar í að við leggjum í hann!

Við öll (ég, Henning, Salka, Conni og Joe) fórum í IKEA á laugardaginn og keyptum fullt og svo þrufti auðvitað að skrúfa þetta allt saman og hengja upp hitt og þetta. Henning stóð sig með eindæmum vel í því en auðvitað var einn baðskápurinn gallaður svo við þurfum að fara aftur í IKEA og skila og fá nýjan.. En þegar það er búið og skápurinn kominn upp þá held ég að íbúðin sé bara orðin eins fín og hún verður!! það verður voða gaman þegar það er búið!

Í lokin viljum við óska henni Agnesi frænku innilega til hamingju með afmælið og við vonum að þú hafir átt góðan dag!

Bestu kveðjur úr vorinu á Transit!

fyrsta svarið..

hemsa@mac.com — 2006-03-03T14:32:28+00:00

Sæl öll sömul!!

Við erum þá loksins með skemmtilegar fréttir..

Við fengum svar frá fyrsta skólanum í gær.. og Lincoln school segist vera glaður að bjóða Sölku að vera í 1.bekk hjá þeim! vei vei vei..
Lincoln skóli er stelpnaskóli og við Henning vorum hrifnust af honum en þorðum ekki einu sinni að vona að Salka kæmist inn í hann! Stelpurnar í Lincoln skóla eru í skólabúningum, þannig að það er aldrei vesen með að velja föt á morgnana..

Við Henning vorum að sjálfsögðu að rifna úr monti og stolti í gær (og erum ennþá) en Salka tók þessu með stakri ró, enda held ég að hún geri sér ekki grein fyrir því hvað það erfitt að komast inn í einkaskólana hérna enda gerðum við ekkert mál úr þessu þegar hún var að heimsækja alla skólana.

jæja.. það var þá ekki fleira í bili..
hafið það sem allra allra best og við sjáumst eftir nokkra daga!!
ykkar Emma og Akkalý!

Kapalgaur

hemsa@mac.com — 2006-03-03T02:16:05+00:00

Í dag átti kapalgaur frá Cox að koma til þess að færa kapalinn úr einu svefnherbergi í annað. Emma talaði við Cox rétt áður en hún fór að sækja Sölku í leikskólann og sagði þeim að þeir gætu komið þar sem Conni væri heima. Síðan kom kapalgaurinn og Conni spyr hvað hann eigi að gera og hann kemur af fjöllum og veit ekkert hvað hann átti að gera. Conni vissi það ekki heldur svo það varð lítið úr þeirri heimsókninni!

gestir, gestir og fleiri gestir!!

hemsa@mac.com — 2006-02-28T19:19:14+00:00

sæl verið þið öll sömul!

Voðalega er langt síðan ég hef bloggað hér.. eða tókuð þið ekkert eftir því?? En fyrir þá sem hafa gaman að því að fylgjast með "fræga" fólkinu í útlöndum þá er ég að hugsa um að segja ykkur frá því merkilegasta sem hefur verið gert hér í Providence undanfarna daga og vikur..

Það er sko búið að vera mikið að gera hjá okkur undanfarna daga og þá aðallega í gestagangi - en það er nú alltaf svo svakalega gaman að fá heimsóknir frá Íslandi!

Fyrir tæpum tveimur vikum komu mamma mín og pabbi (Kristín og Dóri) í heimsókn og voru hjá okkur í 5 daga.. Það var alveg einstaklega gaman að sjá þau en á leiðinni heim frá Boston þá komumst við að því að pabbi kom með flensu með sér - og við sem vorum ný búin að sótthreinsa íbúðina út af lúsafaraldri.. En það var nú í lagi að hann hefði komið með þessa pest sína (hann fær sko alltaf flensu þegar hann pantar flug til okkar) því hann smitaði okkur ekki en greyið mamma - hún fékk flensuna..
Sem betur fer vorum við ekki með mikla dagskrá planaða, bara aðeins að kíkja í pepboys, sears (verkfæradeildina), aðeins að kíkja í Mollið og svo bara að hafa það notó heima í náttfötum, sem við gerðum mikið af.. Náttfatapartý á hverju kvöldi alveg.. Rosalega notó!

Við horfðum líka á úrslitin í Júróvísjón keppninni (íslensku) og vorum voðalega spennt yfir keppninni en vissum þó alveg að hún Silvía Nótt myndi vinna þetta - tremma í hel! Enda vissum við að hann Úlfar (tengdapabbi) myndi sjá til þess að hún fengi nægjanlega mörg stig til þess að vinna..

Við fórum með þau út að borða, á TGI Fridays, Bugaboo Creek og svo var auðvitað þetta venjulega smakkað: Pizza Hut og Wendy's!

Mamma og pabbi fóru svo á mánudegi og Fríða og Úlfar komu svo tveimur dögum seinna og það var alveg rosalega gaman að sjá þau líka..
Moll ferðirnar byrjuðu strax daginn eftir að þau komu og ég hef greinilega farið mér heldur geyst því um kvöldið var ég hálfómöguleg, með bólgna fætur, verki í baki og frekar mikla túrverki og þrýsting.. en það lagaðist um nóttina og ég gat því haldið áfram að hjálpa þeim Fríðu og Úlfari í leiðöngrum um búðir!

Við fórum í skemmtilegan bíltúr með Fríðu og Úlfari, skoðuðum strendur sem eru neðst í Rhode Island og höfðum mjög gaman að því en veðrið var nú ekki beint strandlegt, -7 gráður og vindur!! Enda kíktum við bara rétt svo út úr bílnum, fengum okkur frískt loft og inn aftur!

Af bumbubúanum er bara fínt að frétta, við fórum í skoðun í gærmorgun og eftir endalaust langa bið á biðstofunni og miklar pælingar okkar hjónanna hvað við gætum gert til þess að fá fljótari "afgreiðslu" (s.s. æla á gólfið, troða sér ofan í ruslatunnu, skera sig á púls og svona hitt og þetta), hittum við loksins lækninn sem sagði að blóðþrýstingurinn minn væri fínn, hjartsláttur Akkalý svakafínn og allt liti eðlilega út..

Núna eigum við bara eftir að fara í eina læknisheimsókn enn áður en við prinsessurnar í fjölskyldunni skellum okkur til Íslands!

Við höfum líka ákveðið að halda afmælið hennar Sölku aftur heima og fá Vísindagaura til þess að sjá um skemmtiatriðin.. það verður spennandi að sjá hvort börnin eða fullorðnir hafi meira gaman að því!

og já.. Conni og Joe eru að flytja inn til okkar í dag og við erum búin að vera rosalega dugleg að breyta og betrumbæta heimilið að undanförnu, komin hilla og lesljós inn í hjónaherbergið (takk Úlfar!) og núna er skrifborðið komið hjá bogaglugganum og þá getur maður þóst vera í tölvunni þegar maður er að njósna um nágrannana, hehe..

og já enn eitt enn.. Við erum degi á eftir áætlun hérna í Ameríku, við erum nebbla með bolludaginn í dag!

er þetta ekki orðið ágætt? Vona að þið hafið náð að lesa í gegnum þetta og endilega verið duglega að skilja eftir athugasemdir og ég lofa að setja inn myndir í dag eða á morgun, ok!

Bestu kveðjur,
Emma og Akkalý (31v3d)

Tapaði "coolinu"...

hemsa@mac.com — 2006-02-17T23:10:13+00:00

... eða eins og það er á kórréttri íslensku: "Týndi svölunni." Ég var sem sagt að kenna Math 10 og taldi mig vera búinn að leggja á minnið nöfn allra í tímanum. Eins og venjulega er könnun í lok hvers tíma úr efni vikunnar og því sagði ég að þau myndu öll fá 10 á könnuninni ef ég gæti ekki þulið upp nöfnin á þeim öllum. Síðan ruglaðist ég auðvitað á fjórða nemandanum, kallaði hana Christine í stað Kaitlyn, og þar fór könnunin! Ég þarf því einhvern veginn að útskýra fyrir þeim sem er yfir mér í goggunarröðinni í kennslunni af hverju allir fengu fullt hús stiga á könnuninni! Það ætti hinsvegar að vera auðvelt þar sem ég gaf honum brennivínsfleyg um jólin...

Salka heldur áfram að sýna listir sínar!

hemsa@mac.com — 2006-02-14T04:12:51+00:00

Það snjóaði einhver ósköp á okkur hérna á austurströndinni og um 2.000 flugum (fiskiflugum? býflugum?) var frestað vegna snjóþyngsla. Ég og Salka ákváðum því að skella okkur á bretti hér á götum Providence og var það feikna fjör. Ég dró hana upp Thayer Street og í Brown garðinn þar sem hún renndi sér af mikilli list og síðan renndi hún sér heim aftur. Það horfðu margir á okkur með stórum augum - sérstaklega þeir sem sátu í bílunum sem við mættum! Við settum saman myndband af ævintýrinu og það má finna hér á hægri hönd.

Salka að dansa ballet!

hemsa@mac.com — 2006-02-12T06:50:27+00:00

Hér á hægri hönd má smella á "Myndbönd" og þar er hægt að sjá Sölku dansa ballet af mikilli snilld. Mæli eindregið með því að þið kíkið á dömuna. Héðan er annars allt gott að frétta: Salka er alltaf að verða betri og betri að hjóla, bumbubúinn okkar stækkar og stækkar og það er loksins byrjað að snjóa. Það var meira að segja gefin út viðvörun vegna mikilla snjóþyngsla en við vitum nú öll hversu móðursjúkir Bandaríkjamenn eru! Annað hef ég bara ekki að segja nema það að ég rakst á snilldar sýnishorn úr myndinni Nacho Libre, sem ég mæli með að allir kíki á, þó sérstaklega þeir sem hafa gaman af Jack Black.

Salka að hjóla og ýmislegt!

hemsa@mac.com — 2006-02-09T05:50:14+00:00

Eins og glöggir taka eftir þá má sjá hér til hliðar "Myndbönd" og þar má einmitt sjá myndskeið af Sölku hjólandi! Hún er búin að vera rosalega dugleg að æfa sig að hjóla eftir að annað hjálpardekkið skaust af þegar við klesstum á kannt á Thayer Street. Daginn eftir tókum við síðan hitt hjálpardekkið af og "the rest is history" eins og þeir segja hérna í landi hinna frjálsu og stoltu. Endilega kíkið á dömuna spreyta sig á hjólinu. Annars er héðan allt gott að frétta, hitinn loksins dottinn niður fyrir frostmark og við farin að vonast eftir snjó! Síðustu helgi þá fór ég í leiðangur með þremur úr stærðfræðideildinni upp til Mt. Snow í Vermont sem var mikil snilld! Var með alveg hrikalegar harðsperrur eftir en það var nú samt þess virði! Við bíðum spennt eftir meiri snjó svo hægt sé að skreppa með Sölku til Yawgoo Valley sem er skíðasvæði hérna í grenndinni. Frúin hefur það gott og litli bumbubúinn sparkar í hana af áfergju. Við erum einmitt í leiðinni í skoðun í fyrramálið og bíðum spennt. Við bíðum hins vegar ekki svo spennt eftir píparanum sem á að koma til okkar klukkan 7 í fyrramálið til þess að laga klósettið okkar sem lekur...

nýjar bumbumyndir

hemsa@mac.com — 2006-02-05T15:37:13+00:00

jeiiii mér tókst það!!

ég gat sem sagt sett inn nýjar bumbumyndir án þess að Henning væri á svæðinu! :D vei vei vei.. Þið getið kíkt á bumbumyndirnar, þær voru teknar í gær þegar ég var komin ákkúrat 28 vikur (af 40)..

Annars gengur lífið sinn vanagang hér á Transit - Úlfar kom til okkar á mánudaginn og gisti eina nótt og það var alveg rosalega gaman að fá hann í heimsókn! En fyrir utan það þá hefur þetta verið bara skóli, leikskóli, búðir, elda, sofa og pínu horft á sjónvarpið!

Við bíðum spennt eftir að mamma og pabbi (Kristín og Dóri) komi til okkar.. Þau koma eftir 10 daga! og svo erum við að byrja að undirbúa flutning þeirra Conni og Joe til okkar.. Erum að reyna að ákveða hvað við eigum að gera við dótið okkar sem er í gestaherberginu, hvert ætti skrifborðið að fara og hvað eigum við að gera við svefnsófann?? Um næstu helgi ætlum við svo að reyna að hjálpa þeim að flytja eitthvað af dótinu þeirra í kjallarann!

Núna er Henning á snjóbretti í Vermont, hann vaknaði kl 5.30 og lagði af stað keyrandi kl 6.00 með Conni, Michelle og David sem er maðurinn hennar Michelle (Henning, Conni og Michelle eru öll í stærðfræðinni).. keyrslan tekur ekki nema 3 klukkutíma hvor leið!

En á meðan Henning er á bretti ætlum við Salka að eiga notalegan stelpudag.

Núna kl korter í 11 er 10 stiga hiti úti.. það er bara sumarblíða!

jæja.. Hafið það sem allra allra best og endilega kommentið í kommentakerfið - það er svooo miklu skemmtilegra að blogga þegar maður veit að einhver er að lesa!

bestu kveðjur,
Emma

sörprææææssss!!!

hemsa@mac.com — 2006-01-30T15:07:36+00:00

jæja.. þá er bara kominn mánudagur aftur! Voðalega ætlar þetta að líða hratt..

En ég gleymdi auðvitað að segja ykkur að núna er ég farin að fara í mæðraskoðun á tveggja vikna fresti, þannig að ég fer næst þann 9.febrúar..

Annars gengur bara allt ágætlega, við erum búin að vera heila viku að taka til í herberginu hennar Sölku - það er ótrúlegt hvað barnið á mikið af dóti (og drasli)!! Vonandi klárast það samt í dag.. Salka var alla vega voðalega dugleg í gær að þurrka úr hillunum undir rúminu sínu í gær þannig að það er hægt að skella vel flokkuðu dóti þangað í dag..

Í gær var ég að fara að versla með Conni (eða það hélt ég) en svo þurftum við aðeins að koma við hjá Jessicu og þá var bara Sörpræs Baby Shower fyrir mig!! Voðalega gaman og alveg hryllilega Amerískt :D En það var nú í lagi! Þetta voru sem sagt stelpurnar úr stærðfræðinni og tvær af skrifstofukonunum! og við fengum voðalega fínt fyrir barnið: samfellur, náttgalla, tappi til að vefja barnið inn í, dúkku, föt (kjól, buxur og hatt), blautþurrku-vermi (allt til í Ameríku) og inneign í Pottery Barn Kids!

Þegar ég kom heim í gær eftir Baby Shower-ið fórum við út að hjóla, Salka að hjóla (hjálparadekkjalaus), Henning hlaupandi á eftir henni að reyna að passa að hún detti ekki og slasi sig og ég lallandi einhvers staðar lengst fyrir aftan á mínum óléttu hraða!

Þegar við komum heim eftir hjólatúrinn fórum við að taka til og Henning að gera skatta og svo var eldað hakk og spagettí og eftir matinn var barnið baðað og Conni og Joe komu svo að spila! Voða gaman!!

En í dag kemur hann Úlfar til okkar, það verður nú gaman að fá hann í heimsókn.. Verst að það eru ekki tveggja nátta stopp í Boston!

jæja.. er þetta ekki orðið ágætt??

Hafið það sem allra best þar til næst og ég minni á BUMBUmyndir í janúar 2006 albúminu hér til hliðar!

ykkar Emma

ps. Hvernig fisk á ég að elda í dag??
--- og hugsið vel til okkar á morgun þegar við förum í heimsókn í Gordon skóla

vikan okkar..

hemsa@mac.com — 2006-01-27T23:24:00+00:00

sæl verið þið öll saman!

þá er allt að komast í rétt ról hér á bæ, Henning byrjaður í skólanum og er í skólanum alla daga!! Salka er búin að vera að skoða skóla og er sem sagt búin að skoða 3 skóla í þessari viku.. Á mánudaginn fór hún í Wheeler skóla og á þriðjudaginn fór hún í Moses Brown skóla og svo í dag fór hún í heimsókn í Lincoln skóla sem er stelpnaskóli.. Sölku fannst rosalega gaman í dag í skólaheimsókninni og fannst leiktækin á skólalóðinni alveg æði! í næstu viku förum við öll í heimsókn í Gordon skóla og þá erum við búin að skoða alla skólana sem við erum að sækja um.. þá er bara að bíða og vona að Salka komist inn í einhvern skólann!

Henning er búinn að vera hálf slappur núna í 3 daga en við vonum að hann nái að sleppa við að verða alveg veikur!

við fórum í mæðraskoðun í gær og allt fínt að frétta þar á bæ, blóðþrýstingur alveg eðlilegur en ég var auðvitað búin að þyngjast svo um munaði heilli meðgöngu en ljósmóðirin sagði að ég væri "healthy looking" svo hún þyrfti ekkert að setja út á þyngdaraukninguna! og svo mældi hún legbotninn (sem fylgir venjulega vikufjöldanum) og hann var 30 cm og ég bara komin tæpar 27 vikur!! og þá kom ljósmóðirin með þá skýringu að þetta yrði sennilega stórt barn (og ég sem setti markið á 16 merkur!)

í dag fórum við Henning í foreldraviðtal í leikskólann hennar Sölku og auðvitað var ekki sagt nema bara gott um þessa prinsessu en við þurfum að vera duglega að æfa hana í að lesa og skrifa - hún hefur misst svolítið mikið úr við þessar löngu Íslandsheimsóknir!!

Hjalti bróðir minn náði bóklega bílprófinu í dag og mun því væntanlega fara að aka um götur borgarinnar á næstu dögum (og við viljum bara biðja ykkur hin að hafa varann á, hehheheeheh)
og svo á hún móðir mín, Kristín, afmæli á morgun en það er ekkert stórafmæli þar sem hún verður 27, 34 eða 36 ára.. er það ekki? :D

En hvað er fleira að frétta..
jú.. við elduðum steiktan fisk í gær (það telst til tíðinda) og hann var bara mjög góður (kom alveg á óvart) og svo á morgun ætlum við að baka köku (gulrótarköku) í tilefni afmæli ömmunnar! (við erum svooo góð)

og svona í blálokin þá langar mig að benda ykkur á þetta - þetta er nebbla mjög skemmtilegt og ávanabindandi!! þarna á maður að finna út hvað stafirnir þýða og skrifa það í dálkinn við hliðina á dæminu.. Munið bara að skrifa með hástöfum (stórum stöfum)! Góða skemmtun!

Hafið (bláa hafið?) það rosa gott og endilega verið dugleg að kommenta!
ykkar Emma og Tröllalý

ps. lítill fugl hvíslaði að mér að það væru einstaklega ódýr flug núna til Boston! kíkið á það!
og jú það fara að koma nýjar bumbumyndir!! :D

komin heim til Ameríku

hemsa@mac.com — 2006-01-22T12:08:27+00:00

hæhæ allir saman!!

Hvað segið þið þá? Við segjum bara allt það besta, komin heim til Ameríku!!

Við lögðum af stað frá Íslandi í gær og það síðasta sem við gerðum var að skjóta upp einum flugeld sem hafði orðið eftir í fyrra eða hittífyrra og vakti það mikla lukku viðstaddra! Þegar við komum í Keflavík komumst við að því að laugardagar eru sko réttu dagarnir til þess að ferðast - bara eitt flug til Ameríku og engar raðir og allt hálf tómt! Salka sofnaði ekkert í flugvélinni og ekki Henning heldur en ég (yfirsvefnpurkan) náði að dorma aðeins fyrir matinn.. Þegar tveir tímar voru eftir af fluginu var ég farin að bólgna ansi mikið og ég hafði alveg steingleymt því hvað ég finn fyrir súrefnisleysinu í flugvélum.. þannig að ég gat ekkert hvílt mig seinnihluta ferðalagsins - en ég verð bara dugleg að drekka vatnslosandi næstu daga og losna við bjúginn á Nótæm!

Conni og Joe sóttu okkur á flugvöllinn á okkar bíl og dótið var bara eins og sniðið í bílinn - ekkert brjálað vesen að koma þessu öllu fyrir (við vorum með mjöööög mikinn farangur) og svo þegar heim var komið pöntuðum við okkur pítsu og sátum mjög þögul og föl af svefnleysi og svo var bara hoppað upp í rúm og sofið á sínu græna eyra þangað til Eldsnemma í morgun!

í dag ætlum við að fara í búðir (alla vega matvörubúð) og pakka upp úr töskum og gera heimilislegt aftur!

Hafið það gott!

Ykkar Emma

ps. í þessari viku fer Salka að skoða 3 skóla sem við erum búin að sækja um fyrir hana og við vonum að það gangi vel og þið megið endilega hugsa vel til okkar! :D

Grænt sjálflýsandi svín!

hemsa@mac.com — 2006-01-12T11:52:23+00:00

Maður verður frekar hissa þegar maður rekst á svona fyrirsagnir á mbl.is: Grænt og sjálflýsandi svín. En þetta er greinilega í tísku þessa dagana, að erfðabreyta dýrum í eitthvað svakalega sniðugt. Án efa hafa sveppatýnslumenn orðið himinlifandi yfir þessum fréttum því svín eru notuð til þess að þefa uppi sveppi og nú má fara í sveppaleiðangra á nóttunni, meira að segja án vasaljóss. Þó verður maður að passa sig að verða ekki viðskila við svínið sitt. Þessa hugmynd má síðan útfæra á önnur dýr. Til dæmis mætti búa til sjálflýsandi gíraffa sem gætu komið í stað ljósastaura. Einnig væri sniðugt að gera glæpamenn sjálflýsandi svo þeir eigi erfiðara með að fela sig í myrkri og læðast um í skúmaskotum.

Stærðfræði í daglega lífinu

hemsa@mac.com — 2006-01-07T15:49:04+00:00

Stærðfræðingar vilja meina að það sé öllum þarft að læra stærðfræði meðan aðrir kvarta yfir því að stærðfræði komi að litlu gagni í daglega lífinu. Þessu þarf að breyta. Því legg ég til að við förum að breyta daglegu máli þannig að það innihaldi tilvísanir í stærðfræði. Til dæmis ef ég er spurður: "Hvað ertu gamall"? þá gæti ég svarað: "Ég er n ára, þar sem n leysir jöfnuna 3n-2=70". Þetta má líka heimfæra á aðrar fræðigreinar, til dæmis ef ég væri efnafræðinörd gæti ég svarað með "Ég er n ára þar sem n er fjöldi róteinda í Kryptoni mínus 12". Eða ef ég væri sögunörd þá gæti ég svarað: "Ég er n ára þar sem n er ártalið þegar Herod hinn mikli dó plús 20". Eins og þið sjáið eru möguleikarnir endalausir! Svo er spurningin: Hvað er ég gamall!

600 mýs í jólagjöf!

hemsa@mac.com — 2005-12-24T01:43:53+00:00

Fyrir þá sem hafa ekki enn klárað jólagjafainnkaupin þá mæli ég með 600 músum. Þetta er frumleg, sniðug og lífleg jólagjöf sem elstu menn eiga eftir að muna eftir lengi. Hana má framreiða á marga vegu, til dæmis má setja mýsnar í eggjabakka, og vill svo skemmtilega til að stór eggjabakki tekur 12 egg/mýs og talan 12 gengur upp í 600 svo það má fylla 50 bakka af músum. Hvernig koma á hverri mús fyrir í sínu stæði í eggjabakkanum er önnur og stærri spurning. Gott gæti reynst byrla músunum ólyfjan eða rota þær samanber frægt atriði Monty Python. Ef maður vill vera prakkari þá mætti líka fela mýsnar einhvers staðar á heimilinu, til dæmis nokkrar í vídjóinu, soldið góðan slatta inn í skóskáp og svo restina í grænmetisskúffunni í ískápnum - en þá verður að muna að hækka hitann soldið duglega þannig að þær fái ekki kalbletti. Einfaldast væri að hafa þær allar saman í stórum kassa þannig að þær geti leikið sér og haft ofan af fyrir sér í jólapakkanum meðan fjölskyldan gæðir sér á jólamatnum. Síðan vaknar spurningin hvernig hljóð 600 mýs gefa frá sér. Ef hver mús gefur frá sér að meðaltali eitt "míííp" á tveggja sekúndna fresti þá gefa 600 mýs frá sér um 18.000 "míííp" á mínútu og má gera ráð fyrir að það heyrist bara endalaust "mííííííí..." úr kassanum nema hann sé hristur duglega. Enn stærri spurning er hvað 600 mýs gera þegar þær komast út úr dimmum jólapakka eftir að hafa verið þar í nokkra tíma og hversu mikið pláss þær taka.

En nú er víst kominn aðfangadagur þannig við óskum landsmönnum öllum gleðilegra jóla og farsældar á komandi ári. Við viljum einnig minna á að Kattholt getur tekið við umframmúsum eftir hátíðarnar.

Aldrei treysta fyrirtæki sem heitir úps!

hemsa@mac.com — 2005-12-20T17:29:38+00:00

Það má með sanni segja að UPS beri nafn með renntu! Ég átt von á pakka 8. desember en fór til Íslands 7. desember og sendi því tölvupóst á úps! og bað þá að fresta sendingunni til 19. desember. Ég fæ síðan svar við þeim tölvupóst þar sem öllu fögur er lofað og ekkert vandamál að fresta þessu. Síðan kem ég hérna 18. desember og allt fullt af miðum frá pirruðum úps! sendli sem hafði reynta að koma fjórum sinnum með pakkann og enginn heima. Ég hringi í úps! hér í Providence og segi þeim frá frestuninni og öllu því. Þeir vildu ekkert kannast við það og sögðu að ef ég kæmi ekki að sækja pakkann þá yrði hann sendur aftur til sendandans 22. desember. Ég spurði hvort ég gæti frestað pakkanum til loka janúar þegar við komum aftur en þá var það ekki hægt því það var búið að fresta pakkanum einu sinni... sem gerðist þó raunar aldrei. Síðan var annað vandamál að pakkinn var stílaður á karl föður minn sem er ekki staddur hér. Ég þurfti því að fara með rafmagnsreikning til þess að sanna að ég ætti nú heima hérna og eitthvað vesen. Frábær þjónusta! Mæli eindregið frekar með FedEx sem hefur ekki brugðist hingað til.

Í skemmtilegri fregnum þá er ég á heimleið á eftir og hlakka ógeðslega mikið til þess að koma og hitta prinsessurnar mínar og fjölskylduna og vinina! Sjáumst!

Flugvélinni þinni hefur verið seinkað til kl. N

hemsa@mac.com — 2005-12-17T19:38:56+00:00

Ég sit hér í Leifstöð og bíð og bíð og bíð því "áætlunarflugfélagið" Flu-gleiðir ákvað að seinka vélinni minni til 19:00 og svo aftur til 20:00. Farþegunum var reyndar boðið upp á Lasagna í sárabætur. Því miður hafði ég fengið mér að borða áður en lét mig nú samt hafa það að fá mér Lasagna. Eftir matinn beið ég í röð eftir að fá sæti og þá vatt sér að mér dauðadrukkinn Norðmaður að nafni Sven sem hafði týnt vegabréfinu sínu. Stuttu seinna kom til okkar öryggisvörður sem hafði fundið vegabréfið hans. Hann var svaka kátur en alveg löðrandi af svita eftir stressið og talaði mikið um hvað hann langaði í aðra skyrtu. Eftir mikið spjall kom í ljós að Sven er búsettur í Boston og rekur þar innflutningsfyrirtæki. Hann hefur ekki mikið álit á Bush og vill meina að hann geti ekki talið upp að 15 óstuddur. Hann talaði einnig um að það styttist í 3-4 véla "mid-air collision" á einhverjum stórum velli í Bandaríkjunum vegna mikillar umferðar. Þetta vakti mikla lukku hjá viðstöddum og sér í lagi hjá þeim sem smeykir eru við flug! Eftir nokkuð áreiti þá tókst mér að sleppa frá honum og sit hérna út í horni og sé að Sven hefur vundið sér upp að ólánssamri konu og er byrjaður að ónáða hana. Ég vona innilega að ég lendi ekki við hliðina á honum í vélinni!

Allsber sundlaugavörður og dónalegt loðaldin

hemsa@mac.com — 2005-12-14T13:21:39+00:00

Það er aldeilis margt sem drífur á daga manns hér á Íslandi! Um daginn fórum við fjölskyldan í sund og þegar ég kem inn í klefann mætir mér allsber sundvörður sem er í óða önn að moppa eitthvað upp af gólfinu. Þetta fannst mér einkar viðeigandi þar sem venjulega eru allir allsberir nema sundlaugavörðurinn. Við nánari skoðun þá reyndist þetta vera ólánssamur maður sem hafði misst svitalyktareyðinn sinn í gólfið og var að flýta sér að hreinsa upp eftir sig glerbrotin. Eftir að hafa byrjað að hugsa um sundlaugaverði yfir höfuð varð mér auðvitað hugsað til Gísla sem var betur þekktur sem Stórfótur af ungum drengjum í skólasundi í Garðabænum fyrir um áratug síðan. Hann Gísli var afspyrnu undarlegur sundlaugavörður sem lifði eftir fáum en hnitmiðuðum lífsreglum:

1) Gísli hefur alltaf rétt fyrir sér.
2) Ef þú ert ekki Gísli þá hefur þú alltaf rangt fyrir þér.
3) Þeir sem nota skóstærð undir 54 eru aumingjar.
4) Ávallt skal troða öllum fötunum sínum ofaní buxurnar sínar.
5) Það kann enginn að þvo sér almennilega.

Eins og listinn hér að ofan gefur til kynna þá var Gísli mjög sérstakur sundlaugavörður og erfiður viðureignar. En fyrst ég er á annað borð farinn að tala um sundlaugaverði þá má sjá hér að neðan mynd af ofboðslega dónalegu loðaldin sem Emilía rakst á í Fjarðarkaupum í dag.

Ævintýri á KFC

hemsa@mac.com — 2005-12-11T15:56:03+00:00

Það má alltaf treysta á mikil glens og grín þegar maður er með Pétri! Ég fór með honum og Árna á KFC í Kópavoginum í fyrradag. Við ákváðum fara inn á staðinn og borða þar því það er svo fáránlega huggulegt. Síðan sáum við hversu fáránlega troðið var inn á staðnum og ákváðum því að fara í bílalúguna, sem reyndist örlagarík ákvörðun. Þegar við ætluðum að snúa við á bílaplaninu (sem er nánast flatt) komumst við hvorki áfram né aftur á bak sökum hálku! Við Pétur þurftum að fara útúr bílnum og ýta! Það hófst með því að taka tilhlaup þaðan sem engin hálka var og hlaupa á bílinn, því ekki þýddi að standa og ýta bílnum sökum hálku. Eftir að hafa snúið við héldum við í bílalúguna þar sem við Árni pöntuðum okkur Tower Zinger að sið víkinga og Pétur pantaði sér kjúkling af sið ambátta. Ekkert vesen var að panta Zingerana og stelpan í talstöðinni skildi okkur Árna mjög vel, enda hefur Árni mikla reynslu af því að tala við fólk gegnum talstöð. Síðan kom að Pétri:

Pétur: "Ég ætla að fá þrennu, takk."
Stelpan í talstöðinni: "Ha?"
Pétur: "Þrennu."
Stelpan í talstöðinni: "Þrennu?"
Pétur: "Já, þrennu."
Stelpan: "Þrennu?"
Pétur: "Svona nokkra kjúklingabita saman, einn Barbeque."
Stelpan: "Kjúklingaþrennu?"
Pétur: "Já, þrennu!"

Inn á milli allra lína má svo bæta

Árni og Henning: "Tíhíhíhí!"

Þetta var semsagt einkar fyndið því þetta var í annað sinn á nokkrum dögum sem Pétur á í erfiðleikum með að panta sér þrennu, betur þekkta sem kjúklingaþrennu, á KFC. Það er mér mikil furða að starfsmenn KFC skilji ekki að "Þrenna" eigi við kjúklingaþrennu, en þýði ekki eitthvað annað eins og til dæmis: "Mér er mál, má ég nota salernið og gera númer þrjú" eða "Við erum þrír hérna í bílnum og viljum allir fá þrjár kokteilsósur" eða "Ég er með þrjár geirvörtur".

Kjúklingakveðjur,
Henning

Akkalý?

hemsa@mac.com — 2005-12-10T00:43:59+00:00

Jæja, þá er biðin loks á enda, dömur mínar og herrar! Eins og má væntanlega lesa úr fyrirsögninni þá heitir bumbubúinn okkar ekki lengur Akklú, heldur Akkalý, því í bumbunni á Emmu er að finna litla sæta stúlku! Ég verð því í miklum minnihluta á heimilinu! Við komumst að þessu í sónar sem við fórum í daginn sem við fórum til Íslands, sem var í gær eða fyrradag eftir því hvernig litið er á það. Þetta vakti mikla lukku hjá foreldrunum því nú getum við notað öll gömlu fötin hennar Sölku aftur! Nei, svona í fullri alvöru þá erum við auðvitað í skýjunum yfir þessu og erum líklega komin með nafn á gripinn, sem enginn fær að vita... Fyrir þá sem sofnuðu í miðjum lestri hér að ofan og voru að vakna aftur þá erum við sem sagt komin til Íslands! Jei! Ég þarf reyndar að fara aftur út og fara yfir eitthvert fjárans próf en kem síðan aftur heim fyrir jól. En við erum í dúndrandi jólaskapi og erum búin að búa til fullt af laufenglum úti á túni og bíðum spennt eftir snjónum!

Jólakveðjur,
Henning

Ulfarsso! Ulfarsso!!!!!!!

hemsa@mac.com — 2005-12-06T09:11:17+00:00

Furðuleg fyrirsögn, ha? Á henni er þó ofureinföld asnaleg útskýring. Ég var að halda síðasta dæmatímann minn á önninni núna um daginn og dreyfði út svona kennslukönnun, (sem sagt tækifæri fyrir nemendurna til að hefna sín). Síðan geng ég upp á töflu og segi: "Fyrir þá sem ekki vita eftirnafnið mitt, þá skal ég skrifa það á töfluna." Á ensku sagði ég: "Like, for you's who don't know, like what's my last name and all, I'll like write it on the board or something." Nei, svona í fullri alvöru þá skrifaði ég eftirnafnið mitt á töfluna og ætlaði svo að fara að segja eitthvað svakalega gáfulegt eins og: "Denial ain't just river in Egypt," þegar ég fékk spurninguna: "I thought your last name ended with an "n"?" Sem þýðir á íslensku: "Svakalega ertu hávaxinn og í flottum skóm, en endar eftirnafnið þitt ekki á "n"?" Ég segi "já" og sný mér í sama mund að töflunni þar sem stendur stórum stöfum: ULFARSSO.

Nú fer hver að verða síðastur að láta spádómsgáfur sínar skína og segja til um hvort Akkalú er réttnefni á bumbubúanum okkar! Það er aðeins einn dagur í sónarinn!!! Spennan hefur náð hámarki (þ.e.a.s. afleiða spennunar hefur nú gildið núll) og ekki eftir neinu að bíða!

Gulrótarkaka í 6500 feta hæð...

hemsa@mac.com — 2005-12-03T08:42:07+00:00

Halló, halló...

Ég gerði þau mistök að lofa leikskólanum hennar Sölku að baka köku fyrir styrktarkökubasar, eða kökustyrktarbasar, eða eitthvað... Þetta var semsagt styrktarbasarkaka eða kökubasarsstyrktarkaka eða styrktarkökubasarkaka. Það sem varð fyrir valinu var Betty Crocker gulrótarkakan sívinsæla. Eftir að hafa tekið fram eggin, blandað vatni, matarolíu og kökuduftinu í form og smellt þessu inn í ofninn benti Emma mér á það að ég hafði gleymt að setja eggin í uppskriftina, þau voru enn óhreifð á borðinu... Þá þurfti að taka kökuna aftur út, setja hana aftur í skál og hræra eggjum útí og setja hana svo aftur inn í ofninn. Á endanum varð þetta samt hin fínasta gulrótarkaka. Aftan á kökukassanum eru mjög einfaldar leiðbeiningar (þar sem meðal annars er tekið fram að það eigi að fara þrjú egg í uppskriftina...) ásamt leiðbeiningum fyrir fólk sem er statt í 6500 feta hæð, eða meira! Það sem er öðruvísi er meðal annars hitinn á ofninum og tími inni í ofni og þvíumlíkt. Það er semsagt nóg af fólki sem fer í fjallgöngur með bakaraofn og Betty Crocker gulrótarkökuuppskrift til þess að réttlæta það að setja sérstakar leiðbeiningar aftan á umbúðirnar. Eða kannski er þetta bara til þess að tryggja sig fyrir lögsóknum frá snjómanninum ógurlega sem gæti orðið sérlega sár ef gulrótarkakan hans lyftist ekki nógu hratt í ofninum hans. Gæti verið.

En annars ætti föndursjúkum ekki að láta sér leiðast yfir jólin heldur búa til fiskabúr úr gömlu tölvunni sinni. Sniðugt!

Jæja, góða nótt og ekki láta rúmpöddurnar bíta ykkur!
Henning

spennan magnast..

hemsa@mac.com — 2005-11-30T16:02:01+00:00

Sælinú!!

Hvað segið þið þá? það mætti halda að allir væru í jólaprófum eða að farast úr jólastressi því fólk er búið að vera hálf latt við að kommenta.. Vitið þið ekki hvað það gerir fyrir einfaldar, óléttar og viðkvæmar sálir, eins og mig, að fá kveðjur og komment frá vinum og vandamönnum??

Við erum sko aldeilis farin að telja niður dagana í Íslandsförina og í dag er vika!! og það þýðir að það er vika í sónarinn magnaða!!
Við erum aðeins farin að stressast hérna fyrir ferðina, við erum að vona að allir pakkar (4 eða 5) sem eru á leiðinni eigi eftir að vera komnir á réttum tíma og svo er auðvitað spurningin hvort við getum farið með þetta allt til Íslands.. Svo er hann Henning alltaf að fá ný og ný erfið heimadæmi í einum kúrsi sem hann þarf að skila.. Kennarinn hefði alveg mátt dreyfa þessu betur yfir önnina!

Núna er voða vinsælt hjá okkur að hlusta á Létt á netinu (öll jólalögin) og föndra og borða smákökur.. Rosa notó hjá okkur.. Svona verður það líka á Íslandi!

En ég bara skil ekki þetta veður hér í Providence, það er sko ekki vitund jólalegt - heldur er bara eiginlega sumarlegt.. í morgun þegar við vöknuðum var rigning og 15 stiga hiti, já ég sagði 15 stiga hiti!!! Hvað finnst ykkur um það?

Hún Salka er búin að vera svo dugleg að æfa sig að hjóla, núna er hún bara með eitt hjálparadekk (hitt datt af þegar hún var að hjóla um daginn) og hún á sko ekki í neinum vandræðum með þetta. Hjólar svo svakalega hratt að Henning þarf að hlaupa og hlaupa á eftir henni og í enda ferðarinnar er hann alltaf rennsveittur! Mamman er svo í kraftgöngu lengst á eftir!!

Eitt af því sem ég hafði aldrei kynnst fyrr en ég flutti til Ameríku var símasölusímsvarar!! Þeir eru alveg óþolandi! Símsvarar sem hringja heim til þín (og trufla þig þegar þú ert önnum kafinn við að föndra, hlusta á íslensk jólalög og borða smákökurnar þínar) og býður þér lán! Þetta er alveg einstaklega pirrandi!

Við Henning, og þá aðallega Henning er búin að vera að fylla út umsóknir í skóla fyrir Sölku og það er sko engin smá vinna (segi ég sem þurfti bara að skrifa undir, nafnið mitt og dagsetningu).. Við ætlum svo að fara með umsóknirnar á föstudaginn og svo er bara að bíða og biðja og vona! Við vitum ekkert hvað við eigum að gera ef hún kemst ekki inn í einn af þessum þremur skólum!

jæja.. er þetta ekki orðið fínt..

Hlakka til að hitta ykkur,
Emma og Akkalú sem stækkar og stækkar!

Jólakortin búin!

hemsa@mac.com — 2005-11-27T18:22:18+00:00

Það voru að berast þær stórkostlegu fregnir að við skötuhjúin erum búin að skrifa öll jólakortin! Jei! Þá getur maður loksins farið að hugsa um eðlilega hluti eins og til dæmis beikon. Þeim mun merkilegri frétt er að ég fann Akkalú sparka í maganum á Emmu! Það var alveg ótrúlega furðulegt en alveg alveg ótrúlega magnað á sama tíma! Undarlegt að það sé lítil manneskja að stækka innan í Emmu! Skyndifrétt: Emma mundi eftir fleirum sem hún þarf að senda jólakort og ég gleymdi víst einu líka. Jólakortin eru í þokkabót búin svo við þurfum að fara að kaupa fleiri. Beikonhugsanir verða því miður að bíða betri tíma.

Eitt fyndið sem ég man eftir þessa stundina: Ég var að keyra á eftir bíl með svona kassa aftan á sér sem rauk þvílík ósköp úr. Ég velti því fyrir mér hvort hann væri að flytja úran eða eitthvað slíkt. Síðan stoppuðum við á ljósum og bílstjórinn fyrir framan hoppar út, hleypur aftur fyrir bílinn og opnar hann oooooooooooooog... snýr við hamborgurunum sem hann var að elda í skottinu! Örlítið furðulegt!

Kveðjur,
Henning

afmæli, heimsókn og kuldi!

hemsa@mac.com — 2005-11-23T19:14:00+00:00

Sæl veriði öll sömul!

Hvað segið þið þá? Héðan er sko allt gott að frétta.. Eins og þið vitið öll þá átti Henning afmæli á mánudaginn var (21.nóv) og var hann vakinn eldsnemma með pökkum og kossum!

í hádeginu fór Henning að kenna fyrirlestur fyrir einn kennara sem var að meta hann og vakti hann að sjálfsögðu mikla lukku! (ég fór sko með og hlustaði og las í bók)..
Við fórum svo heim um kl 14 og horfðum á síðasta þáttinn í 10.seríunni af Friends og borðuðum marengsköku og heimatilbúinn ís! mmmm.... og svo þurftum við að bruna og sækja Sölku í leikskólann og sækja svo Árna Má sem var að fljúga til Boston og gisti hann hjá okkur í eina nótt!

Þegar við komum aftur heim til Providence fórum við út að borða á TGI Friday's og þar var Akkalú sko í stuði í tilefni dagsins, sparkaði og sparkaði og ég hélt bara að hann/hún ætlaði að klóra sig út í gegnum spikið! rosa gaman!

Núna er þessi rosalegi hiti sem kom allt í einu um daginn farinn og núna þykir heimilisfólkinu bara frekar kalt!
og meira að segja þegar við vöknuðum í morgun þá hafði bara snjóað!!! bara smá föl á húsþökum og grasi og mælirinn sagði -1 gráða kl 8.30 í morgun!!

Við Henning skutluðum Sölku í leikskólann kl 9 (hún í snjógallanum sínum) og fórum svo í búðir. Ætluðum fyrst bara að fara í matvörubúð en enduðum á því að fara í 3 búðir og vorum í 4 klst í heildina!! Sóttum svo Sölku í bakaleiðinni og erum núna komin í helgarfrí enda Thanksgiving á morgun!
Við ætlum að hafa það rosalega notalegt í Thanksgiving fríinu okkar - föndra og horfa á sjónvarpið og borða góðan mat..

jæja.. núna eru bara 2 vikur í heimferð og SÓNARINN mikla! þannig að endilega látið í ljós hvort þið haldið að Akkalú sé stelpa eða strákur!!!!

hafið það gott og njótið jólaundirbúningsins!!

Ykkar Emma (og Akkalú)

Akkalú lætur vita af sér!

hemsa@mac.com — 2005-11-15T03:08:00+00:00

Góða kvöldið góðir hálsar!

Við höfum skemmtilegar fréttir að færa: Akkalú nokkur Þurrum, bumbulaumufarþegi með meiru, lét vita af sér með spörkum og hristingi í dag! Við hlökkum orðið mikið til að fara í 20 vikna sónar þar sem möguleiki er að fá að vita hvort Akkalú ber nafn með rentu! (Akkalú er strákanafn.) Þetta er ótrúlegt!

Það er komin ágætis hefð fyrir því að monta sig af veðrinu hérna þannig að hér kemur það: ÞAÐ VAR 21 STIGS HITI Í DAG! Magnað. Annars erum við bara hress - vorum að smella saman hurð á baðskápinn og bættum nokkrum hillum í hann þannig að hann er orðinn fáránlega svalur. Svo færðum við handklæðin úr efstu hillunni niður í þá neðstu, en tannburstarnir eru ennþá á sama stað. Eins og má lesa hér neðar þá voru feðgarnir afi Henning og afi Úlfar í heimsókn hjá okkur og það voru að koma glóðheitar myndir af þeim inn ásamt nokkrum myndum af spilakvöldi með Conni og Joe. Við erum einnig svo heppin að Árni nokkur Már ætlar að heiðra okkur með nærveru sinni eina nótt næstu helgi. Við munum eflaust láta hann vaska upp og gera eitthvað skemmtilegt saman. Það er líka orðið svakalega stutt í að við komum heim! Ha? Leggjum í hann 7. desember!

Síðan vil ég minna allar fordæmdar sálir á að ég tek að mér draumráðningar, þannig að ef þið vaknið einhvern tímann sveitt um miðja nótt eftir að hafa verið myrt í sturtu af kaktus í martröð þá getið þið skilið eftir Comment og ég svara um hæl. Ef draumarnir/martraðirnar eru ekki þess eðlis að dreymandi/martraðandinn vilji deila þeim með almúganum þá tek ég einnig við tölvupósti og símhringingum í símanum 1-800-CACTUS.

Kveðja,
Henningurinn

Lautarferð og gestir..

hemsa@mac.com — 2005-11-08T02:17:00+00:00

Sælt veri fólkið!!

Hvað segið þið þá? Eruð þið ekki örugglega búin að vera dugleg að skoða gáturnar og leggja hausana ykkar í bleyti og leysa gátur??

Annars er bara allt gott að frétta af okkur. Á laugardaginn fórum við í Roger Williams Park með Dísu, Neil og Daníel Bjarna í rosa góðu veðri. Við borðuðum nesti, flatkökur með hangikjöti, heimabakað hafrakex smurt með smjörva og eplasafa að drekka með! Við skoðuðum leiktækin í garðinum, löbbuðum svo hjá einhverri lækjarsprænu yfir brýr og Salka og Daníel Bjarni gáfu öndunum brauð með hnetusmjöri og sultu og þegar við vorum búin að vera þar, fórum við og skoðuðum Roger Williams Park Temple to Music og köstuðum boltum og frisbee disk á milli og skemmtum okkur konunglega. Um 5 leytið var haldið heim á leið (til okkar í Providence) og bílunum lagt og farið á kaffihús á Wickenden Street og svo fóru Dísa, Neil og Daníel Bjarni heim til sín og við fórum að undirbúa kvöldmatinn (upphituð bjúgu, með uppstúf og kartöflum!)

Seint á laugardagskvöldið komu svo Úlfar og afi Henning frá Flórída (kaffibrúnir og sætir). Þeir voru að koma úr golfferð og eru gjörsamlega búnir á því, enda búnir að vakna fyrir sólarupprás í 2 vikur (hér í Ameríku þýðir það fyrir kl.hálf 7!!) Við erum búin að labba með þá um hverfið og sýna afa Henning skólann og garðinn og leikskólann og svona þetta helsta!
Við elduðum svo fyrir þá íslenskt lambalæri í gærkvöldi (sunnudag) og gleymdum auðvitað ekki meðlætinu og bragðaðist þetta alveg dásamlega og engum varð meint af!

Þegar Salka var búin í leikskólanum í dag fórum við öll í dýrabúðina og skoðuðum öll dýrin. Ég og Henning héldum á pínkulitlum Ferretum (8 vikna) og það var búið að selja eina broddgöltinn sem var eftir en þeir eiga von á fleirum litlum greyjum! (ættum við ekki bara að kaupa okkur Alfa og Ómega þá?)

Í kvöld bauð afi Henning okkur út að borða á Chili's og það var alveg rosalega gott og eins og oft áður tókum við afganga með okkur heim.

Úlfar er búinn að vera að gera við bílinn okkar, gengur ekkert allt of vel þar sem bíllinn er ekki alveg viss hvort hann sé eitthvað bilaður eða ekki - var bilaður, Úlfar kíkir á hann og finnur út hvað er að, kemur við það sem er bilað og það lagast en svo bilast það aftur þegar við förum í bíltúr! Á morgun ætlar Úlfar að reyna að fá nýjan hlut í bílinn og laga hann áður en þeir (Úlfar og afi Henning) fara aftur til Íslands á morgun!

Akkalú stækkar með hverjum deginum og verður alltaf plássfrekari og plássfrekari! (hvar endar þetta?) tíhíhíh..

Jæja eigum við ekki að segja þetta gott af fréttum í bili..

Bestu kveðjur frá Ameríkunni,
Emma Þurrum, Henning Þurrum, Salka Þurrum og Akkalú Þurrum

ps. Við erum búin að kaupa okkur miða heim um jólin!!

Gátuhornið hefur göngu sína

hemsa@mac.com — 2005-11-03T15:29:00+00:00

Góðir hálsar,

vegna mikilla eftirspurna (Árni) þá höfum við sett upp Gátuhornið þar sem við setjum inn spennandi gátur. Þið getið skilið eftir athugasemdir ef þið vitið svarið! Spennó, spennó! Svo má líka biðja um vísbendingu...

Kveðja,
Henning

Hrekkjavökufjör

hemsa@mac.com — 2005-11-02T02:28:00+00:00

Hæ fólkens.

Við gerðum örlitla breytingu á síðunni okkar - núna er tvö nýjustu myndaalbúmin hérna beint til vinstri, í stað þess að vera undir "Myndir". Vonandi villist enginn. Í nýjasta albúminu eru myndir frá hrekkjavökunni, sem var mikil snilld. Við fórum út að hrekkja og sníkja nammi með Huldu og Þormari og það var svaka gaman. Fólk var í miklu stuði og gjafmilt á nammið. Við sitjum því uppi með heilan haug af nammi, sem við endum líklega á að gefa íkornunum. Þeir eru í óða önn að fita sig fyrir veturinn þannig að þeir geti lagst í dvala. Þeir eru ótrúlega fimir og geta hlaupið upp og niður trén og hoppað á milli þeirra án mikillar fyrirhafnar. Innfæddir halda eflaust að við séum stórskrítin því við horfum alltaf á eftir þeim flækjast um trén því okkur finnst þeir svo fyndnir, en heimabúar eru löngu orðnir vanir þeim. Það ætti eiginlega að flytja nokkra íkorna til Íslands - þeir væru góð viðbót í dýraríkið, ásamt krókódílum, strútum og lamadýrum.

Ble,
Henning

Sól og sumar!

hemsa@mac.com — 2005-10-31T15:11:00+00:00

Hey hó! Okkur langaði bara að kasta á ykkur kveðju og monta okkur af veðrinu hérna. Í gær var nefnilega 21 stigs hiti og sól og sumarylur. Við skruppum í dýragarð með Huldu og Þormari. Það var ýkt gaman og við sáum fullt af furðudýrum. Við sáum snjóhlébarða frá Afganistan sem eru víst nánast útdauðir og sjást aðeins á nokkurra ára fresti villtir. Þeir hljóta að vera svona svakalega ratvísir fyrst þeir verða aldrei villtir. Hmm. Það eru komnar myndir inn frá ferðinni fyrir áhugasama. Í gær skárum við grasker í búta og borðuðum ógeðslega mikið af nammi til að undirbúa okkur undir Hrekkjavökuna. Við erum öll búin að kaupa okkur búninga: Salka verður Fríða úr Fríða og Dýrið, Emma verður vonda drottningin úr Mjallhvít, Henning verður prestur, Þormar verður Spider Man og Hulda verður óþekkur engill. Við setjum inn myndir frá þeim herlegheitum bráðlega. Annars er bara verið að taka því rólega í blíðunni.

Knús frá,
Henning

Íslandsför og hjartsláttur

hemsa@mac.com — 2005-10-28T00:59:00+00:00

Halló, halló, halló!

Héðan úr Ameríkunni er allt gott að frétta en orðið soldið kalt samt. En eins og sumir vita þá skelltum við okkur þó í ennþá meiri kulda fyrir skemmstu - við kíktum nefnilega í heimsókn til Íslands. Þetta var svaka skemmtileg ferð og góður forsmekkur fyrir jólin sem við erum farin að hlakka mikið til! Við erum líka orðin svaka spennt fyrir komu Akkalú og vorum einmitt hjá lækni í morgunn vegna bumbunnar. Allt var í góðu lagi og við fengum að hlusta á hjartsláttinn sem hljómaði eins og einhver væri að syppa! Akkalú verður því miður nær því að vera sumargjöf heldur jólagjöf þannig að það verður einhver bið...

Annars er viljum við benda ykkur á þessa einkar skemmtilega hugarlestursíðu: The Flash Mind Reader.

Hafiði það rosa gott!
Henning

Akkalú Þurrum?

hemsa@mac.com — 2005-10-18T00:27:00+00:00

Kæra fjölskylda og vinir!

Við höfum þær gleðifregnir að færa að von er á nýjum meðlim í fjölskylduna! Nei, við erum ekki að tala um gæludýr, eins og venjulega heldur alvöru manneskju! Jám, þið lásuð þetta rétt, við erum ólétt og eigum von á okkur 29. apríl. Það eru komnar sónarmyndir á netið sem þið getið kíkt á - spennó, spennó, SPENNÓ!!! Litli laumufarþeginn gengur undir nafninu Akkalú Þurrum þessa dagana en hefur enn ekki svarað nafni...

Kærar kveðjur,
Henning, Emma, Salka og Akkalú

New York, New York!

hemsa@mac.com — 2005-10-11T02:01:00+00:00

Góðan daginn öll sömul!

Hér vaknaði heimilsfólkið hríðskjálfandi í morgun því hitinn var kominn niður í 12 gráður. BRRRRRRR! Við þurftum að kveikja á hitanum og allt! Fyrir helgi kíktum við í dýrabúðina og skoðuðum æðislega sæta broddgelti ásamt öðrum furðudýrum. Broddgeltirnir voru algjör snilld, soldið pirraðir í fyrstu og ýfðu upp á sér broddana. Þegar þeir voru snertir (með hönskum) rúlluðu þeir sér alveg upp í bolta og hvæstu af pirringi. Eftir að maður tók þá upp (með hönskum -- reyndi án hanska -- ekki hægt!) þá róuðst þeir eftir smá tíma og gægðust út. Þeir virðast vera hin bestu gæludýr og eiga að venjast manni eftir nokkrar daga og hætta að vera svona hvumpnir. Nú vaknar spurningin um það hver í ósköpunum ætti að passa broddgeltina þegar við höldum til Íslands... Veit ekki hvort það er á nokkurn leggjandi í svo langan tíma! Málið er í skoðun en mikill áhugi er hjá heimilisfólkinu fyrir þessum skrípadýrum.

Á laugardaginn renndum við niður til New York í hellirigningu. Ferðin gekk stórslysalaust og við komumst heilu á húfi til Braga. Við hittum Úlfar, föður minn, á veitingastaðnum Nisos um kvöldið og Úlfar var rennandi blautur eftir að hafa labbað 20 blokkir frá hótelinu (leigubíll?). Þó veðrið væri upp á íslenska mátann þá var kvöldið mjög skemmtilegt. Daginn eftir fórum við í Central Park Zoo og þaðan í gómsætt hlaðborð. Síðan létum við okkur ekki vanta í þriggja hæða Disney verslun sem staðsett er í New York og þar ljómaði Salka í allri prinsessudýrðinni! Við kvöddum síðan Úlfar og héldum niður til SoHo í fataverslanir og Apple búðina, sem er ótrúlega flott -- á tveimur hæðum með glerstiga og látum! Eftir ótrúlega magnaða dvöl í New York héldum við heim á leið á sunnudagskvöldi og komum heim dauðþreytt og gátum ekki beðið eftir að skríða undir sæng!

Hafið'a gott,
Henning

Amma kemur á morgun!

hemsa@mac.com — 2005-10-05T02:02:00+00:00

Góða kvöldið!

Við hjónin sitjum í mestu makindum og snæðum Ben & Jerry's yfir síðasta þættinum í þáttaröð 2 af The O.C. Allir eru svaka spenntir að fá Kristínu ömmu í heimsókn á morgun. Við erum búin að skipuleggja ferð til New York á laugardaginn þar sem við munum hitta Braga og Úlfar, sem verður örugglega snilld! Annars er bara allt gott að frétta, nema að sá sem fer yfir heimadæmin frá þeim sem ég kenni, hætti og skildi haug af óyfirförnum dæmum... Ekki beisik. Salka hefur það svaka gott og fullorðinstennurnar hennar stækka og stækka! Af gæludýramálum er það nýjasta að við erum að hugsa um að fá okkur broddgölt! Án gríns! Gæludýrabúð rétt hjá okkur fær sendingu af þeim næsta föstudag og þá ætlum við að fara að skoða þá!

Kveðja,
Henning, Emma og Salka

Ölvaður kjúklingur

hemsa@mac.com — 2005-10-03T13:12:00+00:00

Héðan úr landi hinna frjálsu og stoltu er allt gott að frétta. Við fjölskyldan vorum boðin í ansi nýstárlegan kvöldverð um helgina, hjá vinafólki okkar Conni og Joe (eða Konráð og Jóhann eins og það útlegst á íslensku). Réttur kvöldins var "Drunken Chicken" eða ölvaður kjúklingur. Bjórdós er opnuð og ofaná er smellt einum kjúkling. Svo er þetta sett í fat (passað að snúa dósinni alltaf upp) og smellt á grillið. Þetta þarf að malla í soldinn tíma og bjórinn gefur kjúklingnum góðan keim þegar hann síður og gufar upp í gegnum kjúklinginn. Þetta er alveg þess virði að prófa og mjög bragðgott. Annars var þetta mjög skemmtilegt kvöld, við fórum í gönguferð og þegar við komum til baka þá hafði Emma óvart tekið með sér geitung innan á sér. Geitungurinn stakk hana í magann en Conni ráðlagði að leggja ferska lauksneið á stunguna og það alveg svínvirkaði. Stungan bólgnaði ekki neitt og Emma var eins og ný.

Í gær var okkur síðan boðið í sundafmæli hjá Ronen, sem er strákur í leikskólanum hennar Sölku. Það var svaka stuð og allir skemmtu sér vel.

Jæja, hafið það nú gott,
Henning

Sjónhverfing

hemsa@mac.com — 2005-09-30T13:14:00+00:00

hæhæ allir saman!!

Tjekkið á þessu: Sjónhverfing!

Þið verðið að fara eftir leiðbeiningunum og þá birtast ykkur sýnir!

Góða skemmtun,
Emma

Beikon

hemsa@mac.com — 2005-09-27T00:41:00+00:00

Góðan daginn, góðann daginn.

Okkur langaði að deila með ykkur þessari frábæru vefsíðu:

The Oracle of Bacon (opnast í nýjum glugga).

Þú skrifar nafn á einhverjum leikara og völvan finnur "Bacon" tölu leikarans. Dæmi: Settu inn Robert De Niro og völvan gefur Bacon töluna 1, því Robert De Niro lék í Sleepers með Kevin Bacon. Ef einhver hefur leikið í mynd með einhverjum sem lék í mynd með Kevin Bacon þá fær sá hinn sami Bacon töluna 2 o.s.frv. Kevin Bacon sjálfur hefur Bacon töluna 0, þið skiljið hvernig þetta virkar.

En allavegana, njótið vel!
Henning

nýtt blogg, ha.. trúið þið þessu???

hemsa@mac.com — 2005-09-23T03:20:00+00:00

hæhæ og hó
Finnst ykkur eitthvað langt síðan síðasta blogg var, hvað er þetta?? :) alla vega hér kemur smá!

Hmmm.. Síðan við komum er búið að vera mjög fínt veður, núna er til dæmis 26 stiga hiti og glampandi sól (og þið látið mig vera hér inni að BLOGGA!!) ... alla vega.... Þá eru allir byrjaðir í skólanum (nema ég auðvitað) og gengur það bara mjög vel.. Salka var nú svolítið feimin fystu dagana í leikskólanum en það var nú ekkert til þess að tala um, það var bara svona rétt á meðan foreldrarnir kysstu hana bless og svo var það búið!

Henning gengur mjög vel í skólanum og er í þessum töluðu/skrifuðu orðum í prófi í Algebru (svona próf til þess að athuga hvort hann kunni efnið það vel að hann geti sleppt kúrsinum - heitið alveg stolið úr mér akkúrat núna!) Við vonum auðvitað að honum gangi sérstakega vel í þessu prófi!!

Ég er sem sagt ekki í skóla þennan veturinn - og er því þeim mun duglegri að þrífa og baka og þess háttar eins og heimavinnandi húsmóður sæmir.. hehe.. neeeeiiii... ekki svo mikið! hehe... En ég get sagt ykkur það að við keyptum ÍSLENSKT lambalæri í Whole Foods hér um daginn og elduðum það í gær.. Mjög gott.. bara eins og að vera komin heim til mömmu!!! Þannig að nú hugsa ég að ég geri mér litla ferð aftur í Whole Foods og kaupi í frystinn, það var nefnilega til ýmislegt íslensk lambakjöt, kótilettur og shoulder eitthvað og hryggur (hálfur) og úrbeinað læri og svo venjulegt læri.. bara margt og mikið! ... en ég lofa að það koma myndir bráðum.. þið verðið auðvitað að fá að sjá Sölku tannlausu og kaffibrúnu, og svo nýju íbúðina a la Ikea.. hehe..

segjum þetta gott í bili...
meira næst
Kveðja Emma