ég kláraði loksins púslið í gær, eftir 10 daga erfiði



lítur voða einfalt út á myndinni á kassanum og þegar maður sér það púslað en ó mæ ó mæ þegar það er í 1000 molum ofan í kassanum þá virðast allir bitarnir eins á litinn!!

í öðrum fréttum:
Við Henz fórum í mæðraskoðun í morgun, allt í góðu með krílið en ég farin að þyngjast - þá byrjar fjörið! Krílið sparkar og sparkar og bæði mamma og Henning hafa fundið spörk og ég sem er bara komin 20v4d..
Mamma og pabbi voru að fara frá okkur eftir yndislega 6 daga.. ohh hvað þeirra verður saknað..
En það þýðir bara eitt! Gestaherbergið er laust! Hver vill koma í heimsókn??

hafið það gott,
Emma

... og ef það er ekki annað þá er það ALLT!!!

já ég veit ekki hvernig þessi meðganga á eftir að enda (jú sennilega með fæðingu barns) en meðgangan á eftir að ganga fram af mér áður en að því kemur! ég fæ alla mögulegar "aukaverkanir" á þessari meðgöngu og hef nú alveg ákveðið að halda því fram að meðganga verði alltaf verri en sú sem var á undan..

Ég fann ekkert fyrir því að ég væri ólétt þegar ég gekk með Sölku, jú, var frekar þreytt fyrstu 12 vikurnar og fékk bjúg í lokin (soldið vel af honum).

Með Kolku fékk ég þreytu fyrstu 12 vikurnar, kúkastíflu dauðans eftir 12 vikur og fram undir lokin, einstaka bakverk og var á mörkum meðgöngusykursýki.

Með þetta Viðhengi fæ ég allt sem ég hef nefnt hér að ofan, nema þreytan var svæsin fram að 18 viku, bakið er að fara með mig þessa dagana og svo er ég öll útsteypt í bólum (Jakk) og hef verið þannig frá því í byrjun.. í hvert sinn sem ég lít í spegil er komin ný bóla - og þó það væri auðvelt þá er ég ekki að ýkja! er að hugsa um að taka niður speglana í húsinu! óþolandi ástand.. og svo er geðið líka ekki sem best í þetta skiptið, hef bara aldrei áður upplifað svona svaka sveiflur á meðgöngu! og það sem verra er, er að sveiflurnar eru yfirleitt niðurávið! Sykursýkin hefur ekki verið greind en ég fer í svoleiðis próf í desember býst ég við..

- Emma

ég er að verða gjörsamlega geðveik á ávaxtaflugunum sem fljúga hér um alla íbúðina og pirra heimamenn og gesti þeirra (aðallega mig samt!).. Þessar árans flugur eru útum alla íbúð, mest í eldhúsinu en líka í stofunni, borðstofunni, svefnherbergjunum og á klósettunum (meira að segja inní tannburstaskápnum!) ef það eru ekki til ávextir fyrir þessi grey þá hanga þær á uppþvottaburstunum - mjöööög furðulegar flugur..

-Emman sem hefur enga þolinmæði gagnvart ávaxtaflugum!

hæhæ allir..
nú er sónarinn búinn og við fengum að sjá lítið fallegt barn og allt virðist vera í lagi og eðlilegt.. Konan sem skoðaði krílið var frekar svekkt yfir því að barnið skyldi bara vilja sofa en ekkert hreyfa sig en mér finnst það nú bara góðs viti bara fínasta rólegheitar barn

og jú við fengum að vita kynið og við erum að safna í Prinsessuflota! það er sem sagt 3ja stelpan á leiðinni og ég er ekki frá því að hún verði bara alveg eins og Kolkan, með lítið nef og gogga munn





hafið það gott í dag!
Emma og Henning

Góða kvöldið! Ég var að skella inn tveimur nýjum gátum, einni klassískri og fyrstu gátunni úr minkagátumaraþoninu, sem verður í gangi hér næstu daga. Endilega spreytið ykkur og njótið vel! Kveðja, Henning

hárið á Kolku hefur tekið sinn tíma í að vaxa en hún fékk sem sagt sína fyrstu klippingu í gær.. þess má geta að Salka fór 3 sinnum í klippingu áður en hún varð eins árs
en hérna koma myndir til að sanna að barnið hafi verið klippt


sætar systur.. Kolka með nýju klippinguna.


svona vaknar maður sætur og góður á morgnana!


nýja klippingin.. orðin voða fullorðin eitthvað..


og að aftan.. allt beint og fínt


það var stelpuvídjókvöld eitt kvöldið.. Kolka var í nýju flottu beinagrindar náttfötunum sínum sem lýsa í myrkri, úúúúúú...

hafið það gott allir..
- Emma

þá er heilinn gjörsamlega að gefast upp eða ég að gefast upp á heilanum mínum.. það virðist alltaf eitthvað verða að vera fast á honum - hin ýmsu lög til að vera nákvæmari..
þessa dagana er það "Stolt siglir skútan mín" eða "jáááá fínt, já sæll, já fínt, já sæll" nú eða eitt alveg obbonsins skemmtilegt lag sem Salka kom með heim úr skólanum í tilefni af Columbus Day sem er í dag! fyrsta erindið er svona:

In fourteen hundred ninety-two Columbus sailed the ocean blue, It was a courageous thing to do But someone was already here.
mjög skemmtilegt lag en límist svona fullmikið!
-Emma

nú er ég búin að vera þreytt og orkulaus í tæpar 17 vikur!
þetta er nú bara ekki eðlilegt.. ég hef nú yfirleitt lent í því að vera þeytt fyrstu 3 mánuðina af meðgöngunni en mér er bara hætt að lítast á blikuna..

en já nú syttist óðfluga í sónarinn mikla (12 dagar þangað til) og nú er kominn tími á ykkur blogglesara nær og fjær að giska á hvort það leynist stelpa eða strákur í bumbunni.. hvort verður þetta Polka eða Polki? endilega segið ykkar gisk í kommentum!

við vonum bara að þessi litla orkusuga taki út allt orkusugið núna og verði eins og hugur manns þegar það lætur sjá sig

-Emma

Leigusalinn okkar kom í dag og lagaði hurðarhún og var að spjalla á milljón við mig og Kolku á meðan.. Við ræddum um allt milli himins og jarðar og svo barst umræðan að fólkinu sem býr á neðri hæðinni og leigusalinn segir mér að þau séu með hugleiðsluherbergi þar sem við erum með stofuna okkar og ég sagði að mér hefði nú dottið það í hug þar sem ég hefði heyrt í þeim kyrja.. og hún alveg: "ha, eru þau að kyrja?" já já segi ég og þá segir hún mér að þau hefðu fengið einhvern til þess að blessa húsið og reka burt illa anda.. Þá brosti Emman nú út í annað og sagði að það væri nú gott að vita af því að hér sé allt gott og blessað!

-Emma