Jen la Mohava
Dezerto, en suda Kalifornio. Ĝi etendiĝis de la montaro Sierra
Nevada ĝis la montaro San Gabrielo, ĝis la Kolorado Plataĵo, kaj
enhavas
partojn de la Usonaj ŝtatoj de Kalifornio, Arizono, Nevado, kaj
Utao. La klimato en la Mohavo tre varias je temperaturo. En ĉi
tiu
dezerto, oni povas trovi la plejmalaltan lokon sur la kontinento de
Norda
Ameriko, Mort' Valo. Oni ankaŭ trovas la urbojn Las Vegaso,
Nevado, kaj Palm Springs, Kalifornio. Se vi veturus orienten el
Los
Anĝeleso, kaj vi zorge observantus, vi povus rimarki, ke la dezerto ne
estas malfekunda, sed vivas. Inter la malaltaj plantaĵoj viglas
birdoj kaj etaj mamuloj, reptilioj kaj insektoj, araneoj kaj
skorpioj. Kaj dum la pasintaj jardekoj, la dezerto ekpleniĝis kun
la senpluma dupiedulo. La nuda simio. Nune, 1.5 milionoj da homoj
loĝas en Las Vegaso, kaj tiu urbo kreskas 4% po monato. Sed plejparte,
la Mohavo restas kulture malplena.Kiam mi eklernis la esperanton dum la jardeko 1980, mi loĝis en la nord-okcidenta parto de ĉi tiu dezerto, proksime al la urbo Viktorvilo, Kalifornio. Mi estis la pruvo, ke Esperanton oni povas trovi ĉie. Mi estis juna kaj idealisma. Mi lernis, ke idealismo estas forta, tamen ne sufiĉas kiam oni estas la sola esperantisto en la regiono. Mi kredis, ke la plejproksima esperantisto al mi loĝis 150 kilometrojn for, en la urbo Anahajmo. Mi korespondis kun esperantistoj en aliaj landoj, sed por mi, la lingvo ne vivis, sed estis abstrakta koncepto.
Mi kreskis, kaj vivo okazis. Laŭ la vortoj de la saĝulo, John Lennon, "Vivo estas tio, kio okazas dum ni planas alie."
Edzeco. Beboj. Laboroj. Hipotekoj. Mi preskaŭ tute forgesis Esperanton.
En la jaro 2005, mi sendungiĝis, tamen mi ricevis kelkajn labor-ofertojn de diversaj lokoj, inklusive de la lando Kirgizstanio. Tio lando deziras komenci ŝtat-flugkompanion, kaj uzos FAA-registritajn aviadilojn, kaj devus uzi FAA teknikistojn. La viro informis min, "Vi flugus kun la aviadilo al Baraton, Rusion, Ĉinion ..." Mi preskaŭ akceptis tiun postenon nur pro la aventuro! Sed, unu semajno antaŭ mi subskribus la dokumentaron, tiu lando suferis ŝtatrenverson. La viro informis min, "Ni ankoraŭ dungus vin! Ni bezonas vin!"
"Sinjoro!" mi respondis. "Via lando nun havas ŝtatrenverson! Via mono senvaloras! Homoj mortas en la stratoj de via ĉefurbo!"
Mi akceptis alian postenon.
Dum majo 2005, mi translokiĝis al Brisbano, Kalifornio. Brisbano estas urbo apud San Francisko.
Ho! San Francisko! Estis por mi ega kultura ŝoko por translokiĝi el la Mohava Dezerto al la golfa regiono de San Francisko. Laŭ la censo jara 2000, en ĉi tiu regiono loĝas 7 milionoj da homoj. Estas teatroj, museoj, zoologiaj ĝardenoj, publika trasnporto, kaj kompreneble, pontoj. Pro la Pacifika Maro, la aero estas malseketa kaj malvarmeta. Mia haŭto ekĝoegis! La homoj ĝenerale amikemas. Mi, la fremdulo en fremda lando, tuj trovis amikojn.
Multon mi jam aŭdis pri la stato de Esperanto en ĉi tiu urbo. Ankaŭ estas en la golfa regiono de San Francisko kelkaj esperantaj grupoj kaj grupetoj, kaj la estrejo de ELNA, la Esperanta Ligo de Norda Ameriko. Post mia translokiĝo, mi malkovris ke:
SFERO, la loka klubo, kunsidas ĉiumonate dum la unua Sabato. Ĉiumarde, grupeto kunsidas vespere en "La Kastro" kvartalo por babiladi. Ĉiuĵaŭde, alia grupeto kunsidas vespere en la urbo Berklio. Alia grupeto kunsidas ĉiuĵaŭde por meztagmanĝi en la suda parto de la golfa regiono. Ankaŭ je mardoj, okazas esperantalingva kurso ĉe la mondfama universitato Stanford en Palo Alto. Fine, en la ĉefurbo de Kalifornio, Sakramento, 120 km for, estas alia granda loka grupo. Mi ege deziris ĉeesti ĉiujn!
Finfine, por mi, Esperanto vivas!
Sed, memoru, ke mi forgesis la lingvon! Mi estis denove komencanto.
| Datenaro
#1 Etnaro de San Francisko |
Datenaro
#2 Familiaj Lingvoj |
||||||||||||||||||||||||||||||||||||||||||||||||||||||||||||||||||||||||||||||||||
|
La riĉa kultura kaj lingva kunmetaĵo de San Francisko estas montrita per ĉi tiuj datenaroj. Laŭ la ĵurnalo, San Francisco Sentinel, estas 140 parolataj lingvoj en la urbo. Datenaro du: Familiaj lingvoj parolataj en San Francisko, compare al Kalifornio kaj Usono, laŭ la jara 2000 censo. |